Episode 21

THE "D" DAY..... Part 1  

************************************************* പുതിയ മുറി... രാവിലെ ബ്രേക്ക്ഫാസ്റ്റ് കഴിച്ചതിനു ശേഷം കുറച്ചു കഴിഞ്ഞപ്പോൾ സ്വാതിയും ജയരാജും കൂടി പുറത്തേക്കു പോയി, സോണിയമോളെ സ്‌കൂളിൽ നിന്നും വിളിച്ചു കൊണ്ടു വരാൻ.. അൻഷുൽ ഹാളിലിരുന്ന് ലാപ്പിൽ വർക്ക്‌ ചെയ്തു കൊണ്ടിരുന്നു.. അവർ പോയി ഒരു മണിക്കൂർ കഴിഞ്ഞപ്പോൾ സോണിയമോൾ ജയരാജിന്റെ കൂടെ വീട്ടിൽ വന്നു, എന്നാൽ അൻഷുലിന്റെ ഭാര്യയെ കണ്ടില്ല... മോളെ വീട്ടിനകത്തു കൊണ്ടു ചെന്നാക്കിയിട്ട് ജയരാജ് അൻഷുലിനെ നോക്കിയിട്ട് പറഞ്ഞു.. ജയരാജ്: "മേശയുടെ പുറത്ത് ഭക്ഷണമിരിപ്പുണ്ട് അൻഷു.. സോണിയമോളെ കഴിപ്പിക്കണേ..." കൂടുതലൊന്നും പറയാതെ അൻഷുലിന്റെ മറുപടിക്കു കാത്തു നില്കാതെ ജയരാജ് തിരിച്ചു വെളിയിലേക്കു പോയി.. അൻഷുൽ ഒന്നും മനസ്സിലാവാതെ സോണിയമോളോട് ചോദിച്ചു.. അൻഷുൽ: "മോള് ഒറ്റയ്ക്കാണോ വന്നേ..? അമ്മ എവിടെ..?" അവൾ ചിരിച്ചു കൊണ്ട് മറുപടി പറഞ്ഞു.. സോണിയ: "അമ്മ കാറിലുണ്ടായിരുന്നു.. വല്യച്ഛനെന്നെ വീട്ടിൽ കൊണ്ടാക്കാമെന്നു പറഞ്ഞു.. അച്ഛാ മോൾക്ക് വിശക്കുന്നു.. എന്തെങ്കിലും കഴിക്കാൻ താ..." സ്വാതി തന്നോട് ഒന്നും പറയാതെ പോയതു കണ്ടു അൻഷുലിനെ നിരാശ തോന്നി... എങ്കിലുമവൻ സ്വയം  ആശ്വസിക്കാൻ ശ്രമിച്ചു... എന്നിട്ട് സോണിയമോൾക്ക് ഭക്ഷണമെടുത്തു കൊടുത്തു.. ഏകദേശം സമയം 11:30 ആയപ്പോൾ ഡോർബെല്ലിന്റെ ശബ്ദംകേട്ട് അൻഷുൽ വീൽചെയറുരുട്ടി ചെന്ന് വാതിൽ തുറന്നു കൊടുത്തു.. ജയരാജിന്റെ സഹായിയായ പയ്യനും വേറെ രണ്ടു പേരും വെളിയിൽ നിൽക്കുന്നത് കണ്ടു.. അവരെ അറിയാമായിരുന്നതു കൊണ്ട് അൻഷുലവരെ നോക്കി പുഞ്ചിരിച്ചു കൊണ്ട് ചോദിച്ചു.. അൻഷുൽ: "ആ, നിങ്ങളോ.. ജയരാജേട്ടൻ പുറത്തേക്കു പോയിരിക്കുകയാണല്ലോ.." സലിം (ജയരാജിന്റെ സഹായി): "അറിയാം അൻഷുലേട്ടാ, ഞങ്ങൾ അദ്ദേഹം പറഞ്ഞിട്ടു വന്നതാണ്..' അതും പറഞ്ഞ് അവർ മൂന്നു പേരും അകത്തേക്കു കയറി.. നേരെ ജയരാജിന്റെ മുറിയിലേക്കു ചെന്നു.. അവരുടെ വാക്കുകളിലെ അധികാരഭാവവും പ്രവർത്തിയും കണ്ട് അൻഷുലൊന്ന് പേടിച്ചു.. അവനുടനെ ലാന്റ്ഫോണെടുത്ത് ജയരാജിനെ വിളിച്ചു.. കാൾ എടുത്തതും ജയരാജ് ചോദിച്ചു..