Chapter Title : സ്വർഗ്ഗ ദ്വീപ് 6 [അതുല്യൻ]

എങ്ങനെ ഉണ്ടായിരുന്നു?" ആദിത്യൻ മുഖം ചുളിച്ച് കൊണ്ട് പറഞ്ഞു. "അരവിന്ദുമായി നന്നായി പോയി. ജോളി കുറച്ച് കൂടുതൽ . . . ഹൈപ്പർ, പക്ഷേ അരവിന്ദ് ഇപ്പോൾ അവന്റെ ഒപ്പം ഉണ്ട്. അവൻ കൂടുതൽ കുഴപ്പം ഉണ്ടാകാതിരിക്കാൻ അരവിന്ദ് നോക്കിക്കോളാം എന്ന് പറഞ്ഞിട്ട് ഉണ്ട്." "ജോളിയുടെ ചൂതാട്ട കടം തീർക്കാമെന്ന് താങ്കൾ അവനോട് പറഞ്ഞോ?" "അതിന് അവസരം ലഭിച്ചില്ല." "ശരി, പത്രക്കുറിപ്പ് പുറത്ത് പോയി ഓഫീസ് ഫോണിൽ നിങ്ങൾ മൂന്നുപേരുടെയും അഭിമുഖത്തിനും കൂടുതൽ വിവരങ്ങൾക്കുമായി അഭ്യർത്ഥനകളോടെ ഉള്ള കോളുകൾ നിർത്താതെ വന്ന് കൊണ്ട്

ഇരിക്കുകയാണ്. ഞങ്ങൾ നിങ്ങളുടെ ഫേസ്ബുക്ക് പ്രൊഫൈലുകളും ഇന്റെർനെറ്റിലുള്ള നിങ്ങളുടെ ഫോട്ടോകളും എടുത്ത് മാറ്റി, പക്ഷേ മറ്റ് ആളുകളുടെ പേജുകളിൽ നിന്ന് പത്രങ്ങൾക്ക് ഇത് പോലെ ഉള്ള കാര്യങ്ങൾ ലഭിക്കും. ഇപ്പോൾ കാര്യങ്ങൾ ഒന്നു കൂടി ചൂട് പിടിക്കും." പ്രിയ കണ്ണുകൾ ഉരുട്ടി കൊണ്ട് പറഞ്ഞു. "എന്ത്?" "അതെ മാധ്യമ ഭ്രാന്ത്. സ്കൂപ്പ് നേടാനുള്ള നെട്ടോട്ടം. സത്യം വഴിമറക്കാൻ അനുവദിക്കാതെ മനസ്സിൽ തോന്നിയത് വിളിച്ച് പറയൽ." ആദിത്യൻ മുഖം ചുളിച്ചു. “നിങ്ങൾക്ക് അറിയാമോ ഞാൻ ഇത് വരെ മാധ്യമങ്ങളെ മുഗാമുഗം കണ്ടിട്ടില്ല, അല്ലെങ്കിൽ പാപ്പരാസികളെ കണ്ടിട്ടില്ല, പക്ഷേ ഞാൻ ഇതിനകം അവരെ വെറുക്കുന്നു.” അവൻ അവളോട് പറഞ്ഞു. "അത് അസാധാരണം അല്ല. മിസ്റ്റർ മനു വർമ്മ അവരെ വിജയികളുടെ കുണ്ടിയിൽ നിന്ന് രക്തം വലിച്ച് കുടിക്കുന്ന അട്ടകൾ എന്നാണ് വിളിച്ചിരുന്നത്." ആദിത്യൻ അത് കേട്ട് ഒന്ന് ചിരിച്ചു. "താങ്കൾ താങ്കളുടെ മാതാപിതാക്കളെ വിളിച്ച് അവരെ കാര്യങ്ങൾ വേഗം അറിയിക്കുക." പ്രിയ അവനെ ഓർമ്മപ്പെടുത്തി. “ഞാൻ ആ കാര്യം വിട്ട് പോയി.” ആദിത്യൻ പറഞ്ഞു. സോഫയിൽ നിന്ന് എഴുന്നേൽക്കാൻ ശ്രമിക്കുബോള് അവൻ ശരീര വേദന കൊണ്ട് ഉറക്കെ ഒന്ന് ഞരങ്ങി. ആ വേദന അവൻ ശരീരത്തിന് നൽകിയ കഠിനമായ വ്യായാമത്തെ ഓർമ്മപ്പെടുത്തി.