Chapter Title : സ്വപ്നങ്ങൾ നിങ്ങൾ സ്വർഗ്ഗ കുമാരികൾ 1 [Binoy T]

കുറച്ചു സമയം വേണ്ടി വന്നു. കണ്ടുതൊക്കെ സ്വപ്നമായിരുന്നു എന്ന് മനസിലാക്കുവാനും . ആരായിരുന്നു എന്‍റെ കൂടെ ഉണ്ടായിരുന്ന ആ പെൺകുട്ടി. ഞാൻ എത്ര ശ്രെമിച്ചിട്ടും ആ മുഖം മാത്രം എനിക്ക് ഓർത്തെടുക്കാൻ സാധികുന്നില്ല. സ്വപ്നത്തിലും അവളുടെ മുഖം ഒരു മായപോലെയാണ് കണ്ടിരുന്നത്. വ്യക്തമാകാതെ, എന്നാൽ വളരെ സുപരിചിതമായ ഒരു സുന്ദര മുഖം. ഒരു ഓമനത്വം ഉള്ള മുഖം.

ഞാൻ ഭിത്തിയിലെ ക്ലോക്കിൽ സമയം നോക്കി. വൈകുന്നേരം 6.30 അകാൻ പോകുന്നു. ദൈവമേ ഞാൻ എപ്പോളാ കിടന്നു ഉറങ്ങിയേ. ഉച്ചക്ക് ഭക്ഷണം കഴിച്ചു കിടന്നതാണ്. ഞായറാഴ്ച ആയതു കാരണം ഒരല്പം മദ്യം ഭക്ഷണത്തിനു മുന്നേ കഴിച്ചിരുന്നു. അങ്ങെനെ പതിവില്ലാത്തതുകൊണ്ടു എന്‍റെ ശ്രീമതിക്കും ഒരു മുഖപ്രസന്നത കുറവായിരുന്നു. വല്ലപ്പോഴും അല്ലെടി എന്ന് പറഞ്ഞു ഞാൻ അവളെ അങ്ങ് സമാധാനിപ്പിച്ചു. പക്ഷെ മോൾടെ അടുത്ത് ആ വിദ്യ ഒന്നും നടക്കില്ല. അവള് വേണ്ടെന്നു പറഞ്ഞാൽ പിന്നെ വേണ്ടാന്ന് വെക്കുന്നത് ആണ് നല്ലതു. ഒന്നേ ഉള്ളു എന്ന് കരുതായി കൊഞ്ചിച്ചതാ. ഒരല്പം വഷളായിപ്പോയി. അതിന്റെ കുറ്റം മൊത്തം ശ്രീമതി ഇപ്പോൾ എന്‍റെ മേത്താണ് വെച്ചിരിക്കുന്നത്

എഴുനേറ്റു മുഖമെക്കെ ഒന്ന് കഴുകി, മുണ്ടും മാറ്റി, സ്വീകരണ മുറിയിലെ ടീ വി ഓൺ ആക്കി അവിടെ അങ്ങ് ഇരുന്ന്.

"എന്തൊരു ഉറക്കമാണിത്" ശ്രീമതിയുടെ ചോദ്യം. അവൾ അടുക്കളയിൽ നിന്നും ഒരു കപ്പു ചായയുമായി വരുകയായിരുന്നു.

"അകെ കിട്ടുന്ന ഒരു ദിവസം അല്ലെടി. മോളേന്തിയ?" അവളുടെ കൈയിൽ നിന്നും ചായ കപ്പ് മേടിച്ചു ഞാൻ ചോദിച്ചു.

"അവള് റൂമിൽ എവിടേലും കാണും". മറുപടിയും പറഞ്ഞു ശ്രീമതി അടുക്കളയിലേക്കു