Chapter Title : താര ദേവി 012 [ഡോ.കിരാതൻ]

സഡൻ ബ്രേക്ക് ഇട്ട് കാർ നിന്നപ്പോൾ ചുറ്റും പൊടിപടലങ്ങൾ ഉയർന്നു. കാറിനുള്ളിൽ നിന്നും ബേസ് കൂടിയ ഇംഗ്ലീഷ് റാപ്പ് സംഗീതം വന്യമായ ഒരു മുഴക്കം പോലെ പുറത്തേക്ക് ഒഴുകുന്നുണ്ടായിരുന്നു.

സ്മിതയുടെ പ്രതികരണം കണ്ട് രാജേഷ് ഒന്ന് ഞെട്ടി.

അവൾ ആവേശത്തോടെ രണ്ട് കൈകളും വീശിക്കൊണ്ട് കാറിനടുത്തേക്ക് ഓടുകയാണ്.

"ഹായ്... എന്താ നിങ്ങൾ ഇത്രയും വൈകിയത്?" സ്മിതയുടെ ആ ചോദ്യം രാജേഷിന്റെ ചെവിയിൽ ഒരു ഇടിത്തീ പോലെയാണ് പതിച്ചത്.

സ്മിത മാത്രമല്ല, സുകുമാരനും യാതൊരു പരിഭവവുമില്ലാതെ ആ ചെറുപ്പക്കാരെ ചിരിച്ചു കാണിച്ച് അവരുടെ അടുത്തേക്ക് നടന്നു ചെല്ലുന്നു.

കാറിനുള്ളിൽ നിന്നും തോളറ്റം വളർത്തിയ മുടിയും കാതിൽ കടുക്കനുമിട്ട രണ്ട് ഫ്രീക്കൻ ചെറുപ്പക്കാർ കൂളിംഗ് ഗ്ലാസ് ഊരി പുറത്തേക്ക് ഇറങ്ങി. അവരുടെ ആ നോട്ടത്തിലും നടപ്പിലും ഒരു വശപ്പിശക് രാജേഷ് മണത്തു.

സ്മിത അവരോട് അത്രയ്ക്ക് അടുപ്പത്തിലാണ് സംസാരിക്കുന്നത്.

സുകുമാരനാകട്ടെ തന്റെ മകളുടെ അടുത്ത് നിൽക്കുന്ന അവരോട് ഒരുപാട് കാലം പരിചയമുള്ള സുഹൃത്തുക്കളെ കണ്ട് സന്തോഷം വരുന്ന ഭാവത്തിലാണ് അവരെ സ്വീകരിക്കുന്നത്.

രാജേഷിന്റെ ഉള്ളിൽ വല്ലാത്തൊരു അസ്വസ്ഥത നുരഞ്ഞു പൊങ്ങി. ഒരുതരം അരക്ഷിതാവസ്ഥ അവനെ വിഴുങ്ങാൻ തുടങ്ങി. ആരാണിവർ? സ്മിതയുമായി ഇവർക്ക് എന്താണ് ഇത്ര വലിയ ബന്ധം?

"ആരാ അവർ?" രാജേഷ് അടുത്തുനിന്ന ജയയോട് പതുക്കെ ചോദിച്ചു. അവന്റെ സ്വരത്തിൽ ദേഷ്യം പടർന്നിരുന്നു.

ജയയുടെ മുഖം കണ്ടപ്പോൾ രാജേഷിന്റെ സംശയം ഇരട്ടിച്ചു.

വിയർപ്പുതുള്ളികൾ ജയയുടെ നെറ്റിയിൽ പൊടിഞ്ഞിരിക്കുന്നു.

അവളുടെ ആ മുഖം പേടിച്ചതുപോലെ വിളറി വെളുത്തിരുന്നു.

"അത്... അത് ഞങ്ങളുടെ ഒരു അകന്ന ബന്ധത്തിലുള്ള പിള്ളേരാണ് രാജേഷേ... ഇങ്ങോട്ട് വരുന്ന