Chapter Title : താര ദേവി 014 [ഡോ.കിരാതൻ]

ജയ കണ്ണുമിഴിച്ച് എഴുന്നേറ്റു.

താര അവൾക്ക് മാറുവാൻ വേണ്ടി അവളുടെ വസ്ത്രങ്ങൾ വെച്ചിരുന്നു.

അങ്ങനെ എല്ലാവരും കുളികഴിഞ്ഞ് വസ്ത്രം മാറി പ്രഭാത ഭക്ഷണം കഴിക്കുവാൻ റെസ്റ്റോറന്റിലേക്ക് നടന്നു.

എല്ലാവരും പ്രഭാതഭക്ഷണം കഴിഞ്ഞ് പുറത്തേക്ക് ഇറങ്ങാൻ ഒരുങ്ങുന്ന നേരത്താണ് അരവിന്ദ് അങ്ങോട്ട് നടന്നു വന്നത്. അവന്റെ മുഖത്ത് ഒരു ഗൂഢമായ ചിരിയുണ്ടായിരുന്നു.

"ഓഹോ... അപ്പോൾ ഇതാണല്ലേ പോലീസ് അറസ്റ്റ് ചെയ്യാതെ വെറുതെ വിട്ട ആ മുഖ്യപ്രതി!" ഞങ്ങളുടെ ഒപ്പം നിൽക്കുകയായിരുന്ന ജയയെ നോക്കി അരവിന്ദ് കളിയാക്കിക്കൊണ്ട് പറഞ്ഞു.

അരവിന്ദന്റെ ആ പെട്ടെന്നുള്ള വാക്കുകൾ കേട്ടതും ജയയുടെ മുഖത്തെ ചോരയപ്പാടെ വറ്റിക്കൊണ്ട് വിളറിവെളുത്തു. പോലീസ് തന്നെയും തിരഞ്ഞു വരുമോ എന്ന ഭയം അവരെ വീണ്ടും പിടികൂടി.

"അരവിന്ദ്... നീ വെറുതെ ഓരോന്ന് പറഞ്ഞ് അവരെ പേടിപ്പിക്കാതെടാ," ജയയുടെ അവസ്ഥ കണ്ട് രാജേഷ് അരവിന്ദനെ ഒന്നു വിലക്കുന്ന ഭാവത്തിൽ പറഞ്ഞു.

"അല്ല, ഞാൻ പറഞ്ഞത് സത്യമാണെങ്കിലും ഉദ്ദേശിച്ചത് ഒരു തമാശയ്ക്കാണ് കേട്ടോ," തന്റെ തമാശ അത്രയ്ക്കങ്ങ് ഫലിച്ചില്ല എന്ന് മനസ്സിലായ മട്ടിൽ അരവിന്ദ് ഇളിച്ചു കാട്ടി.

"എങ്കിലും ജയാന്റി... ഒരു ചെറിയ ഗ്യാപ്പിലാണ് ആന്റി ഇന്നലെ രക്ഷപ്പെട്ടത്. ഭാഗ്യം ഒന്നു കൊണ്ടുമാത്രമാണ് പോലീസ് ആന്റിയെ പിടിക്കാതിരുന്നത്," ജയയുടെ ഉള്ളിലെ ആ ഭയത്തെ തങ്ങൾക്ക് അനുകൂലമായി മുതലെടുക്കാൻ പാകത്തിൽ രാജേഷ് വീണ്ടും ഓർമ്മിപ്പിച്ചു.

"അതൊക്കെ പോട്ടെ, ഇനി എന്താണ് ഈ മൂവർ സംഘത്തിന്റെ അടുത്ത പരിപാടി?" അരവിന്ദ് അവരുടെ മുഖങ്ങളിലേക്ക് മാറിമാറി നോക്കിക്കൊണ്ട് ചോദിച്ചു.

"എത്രയും പെട്ടെന്ന് ഇവിടുന്ന് ലഗേജുമെടുത്ത് മറ്റൊരു റിസോർട്ടിലേക്ക് മാറണം. ഇവിടെ നിൽക്കുന്നത് അത്ര സുരക്ഷിതമല്ല," രാജേഷ് തന്റെ