Chapter Title : താഴ്വാരത്തിലെ പനിനീർപൂവ് 10 (ക്ലൈമാക്സ്‌ )

നിന്നും ഇറങ്ങിയപ്പോൾ ഞാൻ അവളോട്‌ പറഞ്ഞു

"ശരി അജി ഏട്ടാ "

എന്നു പറഞ്ഞു അവൾ അകത്തേക്ക് നടന്നു.

ഞാൻ കാറും എടുത്തു എന്റെ വീട്ടിലേക്കും, അമലിന്റെ വീടും ഞാൻ വാങ്ങിച്ച വീടും തമ്മിൽ ഒരു മതിലിന്റെ അകലം മാത്രമേ ഉണ്ടായിരുന്നോള്ളൂ

ഞാൻ പോർച്ചിൽ കാർ നിർത്തി. അമ്മയും അച്ഛനും കാറിൽ നിന്നും ഇറങ്ങി വീട്ടിലേക്ക് കയറി. ഞാൻ പുറകെ ചെന്നു.

"മോനെ നാളെ രാവിലെ എവിടേക്ക് ആണു പോകുന്നത്, മോൻ കീർത്തിയോട് റെഡി ആയി നില്കാൻ പറയുന്നത് കേട്ട് "

ഞാൻ ഹാളിലെ സോഫയിൽ അമ്മയുടെ മടിയിൽ തലവെച്ചു കിടക്കുമ്പോൾ അമ്മ എന്നോട് ചോദിച്ചു,

"അതോ, അതു അമ്മേ ഞാൻ നാളെ താഴ് വാരത്തിലേക് പോകാം എന്നു വിചാരിച്ചു ഇരിക്കുക ആണു "

ഞാൻ പറഞ്ഞു.

അതു കേട്ടപ്പോൾ അമ്മയുടെ മുഖത്തു ഒരു ഞെട്ടൽ.

"അമ്മേ ഞാൻ അവിടെ പോകുന്നത് കൊണ്ട് എന്തെങ്കിലും കുഴപ്പം ഉണ്ടോ "

അമ്മ ഒന്നും മിണ്ടാതെ ഇരിക്കുന്നത് കണ്ടു ഞാൻ അമ്മയോട് ചോദിച്ചു .

"അവിടെ പോകുന്നത് കൊണ്ട് കുഴപ്പം ഒന്നും ഇല്ല മോനെ അവരെല്ലാം അറിഞ്ഞ സ്ഥിതിക്ക് "

അമ്മ പറഞ്ഞത് കേട്ടു ഞാൻ അമ്മയുടെ മടിയിൽ നിന്നും എഴുന്നേറ്റിരുന്നു.

"അമ്മാ എന്താ പറഞ്ഞത്?. അവരെല്ലാം അറിഞ്ഞെന്നോ?,"

ഞാൻ അമ്മയോട് ചോദിച്ചു,

"അതെ മോനെ , നിന്റെ നിരപരാധിത്വം എല്ലാവരും അറിഞ്ഞു "

അമ്മയുടെ വാക്കുകൾ എനിക്ക് ആശ്ച്യരവും അതിലുപരി സന്തോഷവും ഉണ്ടാക്കി.

"എങ്ങനെ അമ്മ അവർ ഒക്കെ ?"

പിന്നെ അമ്മ എന്നോട് എല്ലാം തുറന്നു പറഞ്ഞു.