Chapter Title : തളിരിട്ട മോഹങ്ങൾ 1 [സ്പൾബർ]

പോലെ മുറ്റത്തൂടെ വേഗം നടന്ന് ഗേറ്റിന് പുറത്ത് വെച്ച ബൈക്കെടുത്ത് ഓടിച്ച് പോയി..

സാവിത്രി നോക്കുമ്പോ ശരിയാണ്.. മാനം മൂടിക്കെട്ടി നിൽക്കുകയാണ്..ഇപ്പോൾ മഴ പെയ്തേക്കുമെന്ന് തോന്നി..

നല്ല ഭാരമുള്ള പുസ്തകക്കെട്ടുമായി സാവിത്രി അകത്ത് കയറി വാതിലടച്ച് കുറ്റിയിട്ടു..

കുറച്ച് മുൻപ് വിമൽ മാഷിനോട് പറഞ്ഞതാണീ ബുക്ക്..
മലയാളം അദ്ധ്യാപകനായ മാഷിന്സ്കൂൾ ലൈബ്രറിയുടെ ചുമതലയുമുണ്ട്..

വി കെ എന്നിന്റെ തെരെഞ്ഞെടുത്ത കഥകൾ എന്ന പ്രശസ്ഥമായ പുസ്തകമാണിത്.. ഒരുപാട് തിരഞ്ഞതാണ്..
പച്ച മനുഷ്യരുടെ പച്ചയായ കഥ..വലിയ പുസ്തകമാണ്…കുറേ ദിവസം വായിക്കാനുണ്ട്.. തൽക്കാലം തന്റെ ബോറടിയിൽ നിന്ന് ഒരാശ്വാസമാകും..

സാവിത്രി സെറ്റിയിലേക്കിരുന്ന് പുസ്തകത്തിന്റെ കവർ പൊട്ടിച്ചു.. പുതിയ പതിപ്പാണ്..

പൊട്ടിച്ച കവറ് ടീപോയിലേക്ക് വെച്ച്, പുസ്തകം മടിയിലേക്ക് വെച്ച് സാവിത്രി ആദ്യത്തെ പേജ് മറിച്ചു..

എ ഫോറിന്റെ രണ്ട് ഷീറ്റ്,നാലായി മടക്കി വെച്ചിരിക്കുന്നത് കണ്ട് അവളൊന്ന് അമ്പരന്നു..!

കവറ് പോലും പൊട്ടിച്ചിട്ടില്ലാത്ത ഈ പുസ്തകത്തിനകത്തെങ്ങിനെ ഈ പേപ്പറ് വന്നു..

അതെടുത്തവൾ പുസ്തകം മടക്കി ടീപോയിലേക്ക് വെച്ചു..

ആകാക്ഷയോടെയാണ് നാലായി മടക്കിയ പേപ്പർ അവൾ തുറന്ന് നോക്കിയത്..

നീല മഷി കൊണ്ട് പേപ്പറ് നിറച്ചും എഴുതിയിരിക്കുന്നു..
അവൾക്ക് ആകാംക്ഷയേറി..

“ എന്റെ പ്രിയപ്പെട്ട സാവിത്രി ടീച്ചറിന്….”

അവൾ ഞെട്ടിപ്പോയി… !
കവറ് പോലും പൊട്ടിക്കാത്ത ഈ പുസ്തകത്തിനകത്ത് തനിക്കൊരു കത്തോ… ?.
വിമൽ മാഷാണോ ഇതെഴുതിയത്… ?..

അതിലെ ആദ്യത്തെ സംബോധന തന്നെ അവളെ ഞെട്ടിച്ചിരുന്നു..
‘ എന്റെ പ്രിയപ്പെട്ട സാവിത്രി ടീച്ചറിന് ‘

അടുത്ത വരി കൂടി അവൾ വായിച്ചു.

“ഈ എഴുത്ത് വിമൽ മാഷ് എഴുതിയതാണെന്ന് ടീച്ചർ തെറ്റിദ്ധരിക്കരുത്… ഇത്