തളിരിട്ട മോഹങ്ങൾ 2

Thaliritta Mohangal Part 2 | Author : Spulber

[ Previous Part ] [ www.kkstories.com]

ഏകദേശം അരക്കിലോമീറ്റർ ദൂരം മാത്രമേ ഉണ്ണിക്ക് വണ്ടിയോടിക്കാൻ പറ്റിയുള്ളൂ.. മഴ കോരിച്ചൊരിഞ്ഞു..
ഒരു ഒഴിഞ്ഞ കടത്തിണ്ണയിൽ അവൻ ബൈക്കൊതുക്കി..
പരിസരത്തൊന്നും ഒറ്റ മനുഷ്യജീവിയില്ല.
കടത്തിണ്ണയിലിട്ട ബെഞ്ചിൽ അവനിരുന്നു..
അവന്റെ ദേഹമാസകലം വിറക്കുകയായിരുന്നു..
ചെയ്തത് അബദ്ധമായോന്ന് നൂറ് വട്ടം അവൻ ചിന്തിച്ചു..

ആയിരം വട്ടം അവന്റെ മനസവനോട് പറഞ്ഞു, നീ ചെയ്തതാണ് ശരി..
അൽപം വൈകിപ്പോയെന്ന് മാത്രം..

ഉണ്ണി ആ കത്തിലെഴുതിയതെല്ലാം സത്യമായിരുന്നു..
അവൻ പെണ്ണ് കാണാൻ പോയതും, കല്യാണം മുടക്കിയതും എല്ലാം..
അതിന് കാരണം സാവിത്രിയുമായിരുന്നു..
അവൻ ഇത് വരെ പ്രേമിച്ചിട്ടില്ല..
പ്രേമിക്കാനറിയുകയുമില്ല..

എന്നാൽ, സാവിത്രി ടീച്ചറെ കണ്ട ഒറ്റക്കാഴ്ചയിൽ തന്നെ പ്രണയം എന്ന വികാരം എന്താണെന്നവൻ അറിഞ്ഞു..

ആകാശ നീല സാരിയുമുടുത്ത്, ഹൃദ്യമായ ചിരിയോടെ ആദ്യമായി തന്നെ സ്കൂളിലേക്ക് വരവേറ്റ സാവിത്രി ടീച്ചറിന്റെ മുഖം നൂറ്ജന്മമെടുത്താലും മനസിൽ നിന്ന് മായില്ല..
അത്ര ആഴത്തിലാണ് മനസിൽ പതിഞ്ഞത്..

ഒരു പെണ്ണിനോടും ഇത് വരെ തോന്നിയിട്ടില്ലാത്തൊരു വികാരം..
അത് പ്രണയമാണോന്ന് ഉണ്ണിക്കറിയില്ലായിരുന്നു..

സാവിത്രി ടീച്ചർ വിവാഹിതയാണെന്നും,
അവർക്കൊരു ഭർത്താവുണ്ടായിരിക്കുമെന്നും,
രണ്ടോ, മൂന്നോ കുട്ടികളുടെ അമ്മയാണെന്നും ഉറപ്പിച്ച് തന്നെയാണ് ആദ്യ കാഴ്ചയിൽ അവരെ മനസിൽ കുടിയിരുത്തിയത്..

മനസിൽ ഇഷ്ടപ്പെടുന്നതിന് ആരുടേയും അനുവാദം വേണ്ടല്ലോ… ?.

പിന്നീടാണ് നടുക്കുന്ന പല കാര്യങ്ങളും അവനറിഞ്ഞത്..
സാവിത്രി ടീച്ചർ വിധവയാണെന്നും, അവർക്ക് കുട്ടികളില്ലെന്നും എല്ലാം..
അടുത്ത വർഷം അവർ വിരമിക്കുകയാണെന്നറിഞ്ഞ് ശരിക്കും ഞെട്ടിപ്പോയി…
അതിനുള്ള പ്രായം അവർക്കുണ്ടെന്ന് ഒരിക്കലും പ്രതീക്ഷിച്ചതല്ല..
അവരെ കാണുന്ന ആർക്കും അത് തോന്നില്ല..
നല്ല സുന്ദരിയും,ആരോഗ്യവതിയുമായ ഒരു ചെറുപ്പക്കാരിയായേ ആർക്കും തോന്നൂ..
ഉണ്ണിക്കും അങ്ങിനെയാണ് തോന്നിയത്.
ഒന്നുകിൽ തന്റെ പ്രായം..
കൂടിപ്പോയാൽ തന്നേക്കാൾ ഒന്നോ,രണ്ടോ വയസ് കൂടുതൽ..

അവർ വിധവയാണെന്നറിഞ്ഞപ്പോൾ അവരുടെ വിധിയോർത്ത് സങ്കടമല്ല യഥാർത്തിൽ ഉണ്ണിക്ക് തോന്നിയത്, സന്തോഷമാണ്..
പക്ഷേ, അവരുടെ പ്രായമറിഞ്ഞപ്പോ അൽപം നിരാശ തോന്നി..
മറക്കാൻ ശ്രമിച്ചു..
മനസിൽ മൊട്ടിട്ട പ്രണയത്തെ വേരോടെ പിഴുത് മാറ്റി..

പക്ഷേ, വീണ്ടുമത് തളിർത്തു.. ശിഖരങ്ങൾ വെട്ടിമാറ്റാനാവാത്തവിധം വളർന്ന് പന്തലിച്ചു..
ടീച്ചറെ വിവാഹം കഴിച്ചാലെന്ത് എന്ന് വരെ ഒരു ഘട്ടത്തിൽ തോന്നിപ്പോയി..
അതൊന്ന് തുറന്ന് പറയാൻ മനപൂർവ്വം പല അവസരങ്ങളുമുണ്ടാക്കി..
സ്റ്റാഫ് റൂമിലും, ക്ലാസ് റൂമിലും, സ്കൂളിന്റെ വിജനമായ വരാന്തയിലും ടീച്ചറെ ഒറ്റക്ക് കിട്ടിയിട്ടുണ്ട്..
ധൈര്യം സംഭരിച്ച് ടീച്ചറുടെ