Chapter Title : തളിരിട്ട മോഹങ്ങൾ 2 [സ്പൾബർ]

മുന്നിൽ പോയി നിന്നിട്ടുണ്ട്..
പക്ഷേ,ആ മുഖത്ത് നോക്കി പറയാൻ കഴിഞ്ഞില്ല..

ടീച്ചറെ ഓർക്കാൻ ശ്രമിക്കുന്നതിനേക്കാൾ മറക്കാനാണ് ശ്രമിച്ചത്..
പക്ഷേ, ഏഴ് തിരിയിട്ട നിലവിളക്ക് പോലെ കൺമുന്നിൽ കൂടുതൽ പ്രകാശിക്കുകയാണ് ചെയ്തത്..

സ്കൂളിൽ വെച്ച് ഒന്നും പറയാൻ കഴിയില്ലെന്ന് ഉറപ്പായപ്പോ, പലവട്ടം ടീച്ചറുടെ വീട്ടിലേക്ക് പോയിട്ടുണ്ട്..
ഗേറ്റിലെത്തി ടീച്ചറുടെ വീട്ടിലേക്ക് നോക്കുമ്പോ സംഭരിച്ച ധൈര്യമെല്ലാം ചോർന്ന്പോവും..
ഒന്നും പറയാനാവാതെ, ഒന്ന് കാണാനാവാതെ നിരാശയോടെ തിരിച്ച് പോവും..

ടീച്ചർ വിരമിച്ച ദിവസം ആരും കാണാതെ കരഞ്ഞിട്ടുണ്ട്..
പിന്നെ ഓർത്തപ്പോ അത് നന്നായെന്ന് തോന്നി… ഇനി ടീച്ചറെ കാണേണ്ടല്ലോ..

ഒരാഴ്ചയേ പിടിച്ച് നിൽക്കാൻ പറ്റിയുള്ളൂ..
സ്കൂൾ വിട്ട് നേരെ ടീച്ചറുടെ വിടിനടുത്ത് വരും.. മതിലിനപ്പുറത്ത് ടീച്ചർ നിൽക്കുന്നത് ചിലപ്പോ കാണും.. തിരിച്ച് പോകും..

ടീച്ചറെ മനസിലിട്ട് മൂന്ന് വർഷമാണ് ജീവിച്ചത്..!

ഇനിയൊരു കല്യാണം കഴിച്ചില്ലേൽ താനെങ്ങോട്ടെങ്കിലും ഇറങ്ങിപ്പോകുമെന്ന അമ്മയുടെ ഭീഷണി കേട്ടിട്ട് ഒരാഴ്ചയായി..
അവനും മനസ് കൊണ്ടതിന് തയ്യാറായി..

പക്ഷേ, തന്റെ മനസിലുള്ളത് ടീച്ചറെ ഒന്നറിയിക്കണമെന്ന് അവന് തോന്നി..
മൂന്ന് വർഷം താൻപ്രണയിച്ചതല്ലേ…
അവരത് അറിയാതെ പോകരുത്..

പ്രതീക്ഷിക്കാതെയാണ് വിമൽ മാഷിന്റെ സംസാരം കേൾക്കാൻ ഇടയായത്..
എങ്ങിനെ ടീച്ചറെയൊന്ന് കാണും എന്നോർത്തിരുന്ന ഉണ്ണി ഇതൊരവസരമായി കണ്ട് സ്വയം അതേറ്റെടുത്തു..
ഭവിഷ്യത്തുകളൊന്നുമോർക്കാതെ..

✍️✍️✍️

സാവിത്രി കയ്യിൽ പിടിച്ച പേപ്പറിലേക്കും നോക്കി ഇരിക്കുകയാണ്..
ഇപ്പോൾ അവൾക്ക് ഞെട്ടലില്ല, പേടിയില്ല, വിറയലില്ല, വിയർക്കലില്ല.,.
എന്തോ, ഉള്ളിന്റെയുളളിൽ നുരഞ്ഞ് പൊന്തുന്ന സന്തോഷം മാത്രം..

തനിക്കിതിൽ സന്തോഷിക്കേണ്ട ഒരു കാര്യവുമില്ലെന്ന് സാവിത്രിക്കറിയാം..
ഒരു ചെറുപ്പക്കാരൻ തന്റെ ആഗ്രഹം തുറന്ന് പറഞ്ഞു…
അവനെ പറഞ്ഞ് മനസിലാക്കി നിസാരമായി തനിക്കീ പ്രശ്നം തീർക്കാം..
ആയിരക്കണക്കിന് വിദ്യാർത്ഥിളെ നേർവഴിക്ക് നയിച്ച ഒരദ്ധ്യാപികയാണ് താൻ..
ഉണ്ണിയേയും തനിക്ക് തിരുത്താൻ കഴിയും..
അതിന് മുൻപ് അവനെഴുതിയത് മുഴുവനായും വായിക്കണം.
ഉരുട്ടിയെഴുതിയ നീല അക്ഷരങ്ങളിലേക്ക് വീണ്ടും സാവിത്രി ഊളിയിട്ടു..

“ടീച്ചർ ശരിക്ക് പേടിച്ചു…
എന്തിന്..?.
ടീച്ചർക്കൊരു പ്രശ്നവും വരില്ല.. മൂന്നാമൊതരാളിത് അറിയുകയുമില്ല…
എന്നെ ടീച്ചർക്ക് വിശ്വസിക്കാം…
ആദ്യം ടീച്ചർ കുറച്ച് വെള്ളം കുടിക്ക്…
തൊണ്ടയൊക്കെ വരണ്ടിട്ടുണ്ടാവും..
ആകെ വിയർത്തല്ലോ.. ?.
വിറക്കുന്നുമുണ്ട്…
ഒന്നും വേണ്ട… സമാധാനത്തോടെ,ആശ്വാസത്തോടെ ബാക്കി വായിച്ചാ മതി…”

സാവിത്രി ചുറ്റും നോക്കി..
അവനിവിടെയെങ്ങാനും ഒളിച്ചിരിക്കുന്നുണ്ടോ..?.
അതോ ഇവൻ വല്ല ജിന്നുമാണോ… ?.
മുഖഭാവം മാത്രമല്ല, തന്റെ മനസിലുള്ളത് കൂടി അവൻ പകർത്തിയിട്ടുണ്ട്..
ഈ എഴുത്ത് താൻ വായിക്കുമ്പോ തന്റെ അവസ്ഥ അവൻ കൃത്യമായി മനസിലാക്കിയിട്ടുണ്ട്..

“ഇനിയിതെന്തായാലും ടീച്ചർ മുഴുവനായും