Chapter Title : തളിരിട്ട മോഹങ്ങൾ 2 [സ്പൾബർ]

സത്യാ…”

ഉണ്ണിയുടെ സ്വരവും ഹൃദയത്തിൽ നിന്നായിരുന്നു..

“അതിന്റെ ഭവിഷ്യത്ത് ഉണ്ണി ചിന്തിച്ചിട്ടുണ്ടോ… ?”..

കാതരയായി സാവിത്രി ചോദിച്ചു..

“ഉം… മൂന്ന് വർഷം ഞാൻ ചിന്തിച്ചു…
മറ്റൊന്നും ചിന്തിക്കാതെ ഇത് മാത്രം ചിന്തിച്ചു…
ഇതിലെ പ്രശ്നങ്ങളും, പ്രതിസന്ധികളും ചിന്തിച്ചു…
എന്ത് ഭവിഷ്യത്തും നേരിടാമെന്നുറച്ച് തന്നെയാണ് ടീച്ചർക്കാ എഴുത്ത് ഞാൻ തന്നത്…”

ഒരു പുരുഷന്റെ ഉറച്ച വാക്കുകൾ സാവിത്രി കേട്ടു..

“ഉണ്ണീ… എനിക്ക് നിന്നെ ഇഷ്ടമായിരുന്നു… ഇപ്പഴും ഇഷ്ടമാണ്…
അത് പക്ഷേ, നീ ഉദ്ദേശിച്ച തരത്തിലല്ല…”

“അതെനിക്കറിയാം ടീച്ചറേ…
ടീച്ചർ വളരെ അടുപ്പത്തിലായിരുന്നു എന്നോട് പെരുമാറിയിരുന്നത്…
ഒരു പക്ഷേ, ഒരു സഹോദരനെ പോലെ..
അന്നൊന്നും ഞാനെന്റെ ഉള്ളിലുള്ളത് പറഞ്ഞിരുന്നില്ലല്ലോ…
ഇപ്പോ ഞാനെല്ലാം പറഞ്ഞല്ലോ…
ഇനി എന്നോടുള്ള ഇഷ്ടം ഏത് തരത്തിലാവും… ?.
അതാണെനിക്കറിയേണ്ടത്…”

ഉണ്ണി പക്വതയോടെയാണ് സംസാരിച്ചത്..

“നിനക്കുള്ളത് പോലുള്ള ഒരിഷ്ടം എനിക്കും ഉണ്ടായി എന്നിരിക്കിട്ടെ…
എന്താവും ഇതിന്റെ പരിസമാപ്തി… ?..
അതുണ്ണി ചിന്തിച്ചിട്ടുണ്ടോ…?”..

“ ഉം… ഞാൻ പറഞ്ഞില്ലേ ടീച്ചറേ…
എല്ലാ വശവും ഞാൻ ചിന്തിച്ചിട്ടുണ്ട്… പലയാവർത്തി..
ടീച്ചറുടെ അഭിപ്രായം മാത്രമാണ് എനിക്കറിയേണ്ടത്…”

“ ഉണ്ണീ… നീ വിചാരിക്കും പോലെയല്ല…
നമുക്ക് ചുറ്റും വലിയൊരു സമൂഹമുണ്ട്… അവരിത് അംഗീകരിക്കും എന്ന് തോന്നുന്നുണ്ടോ…
നമ്മൾ ഒറ്റപ്പെടും…”

സാവിത്രി ഇപ്പഴും അവനെ പറഞ്ഞ് മനസിലാക്കാനാണ് ശ്രമിച്ചത്…

“ മതി… എനിക്കീ വാക്ക് മതി…
നമ്മളൊറ്റപ്പെടും… എനിക്കിതാണ് കേൾക്കേണ്ടത്…
ഞാനൊറ്റപ്പെടും എന്ന് പറഞ്ഞില്ലല്ലോ…
നീ ഒറ്റപ്പെടും എന്ന് പറഞ്ഞില്ലല്ലോ…
എനിക്കതു മതി… ടീച്ചറുടെ മനസ് അതിലുണ്ട്…
അതിലെല്ലാമുണ്ട്…”

അവനോട് അറുത്ത് മുറിച്ച് പറയാൻ സാവിത്രിക്കായില്ല..
അങ്ങിനെ പറയാൻ അവളാഗ്രഹിച്ചുമില്ല..

“എന്നാലും ഉണ്ണീ… ഇത്