Chapter Title : തമ്പുരാട്ടി 10 [രാമന്‍]

ഞാൻ കണ്ടു.

കാമുകി കാമുകന്മാർ കെട്ടിപ്പിടിച്ചു പാർക്കിൽ ഇരിക്കുന്ന പോലെ ഞങ്ങളുടെ ഇരിപ്പ് കണ്ടാ അമ്മയെന്തേലും സംശയിക്കോ എന്ന് കരുതി,വിട്ട് മാറാൻ നോക്കിയ എന്നെ അനുഷേച്ചി സമ്മതിച്ചില്ല.

ഈശ്വരാ! ! തമ്പുരാട്ടിയുടെ മുന്നിലാ ചേച്ചിയുടെ കളി. അതും ശാരദാമ്മയും ചന്ദ്രനും കാറിലുണ്ടെൽ കാണൂല്ലേ? കാർ മുറ്റത്തു നിന്നു. അമ്മ ബാക്ക് സീറ്റിൽ നിന്ന് പുറത്തേക്കിറങ്ങി.

ആദ്യം ആ കനപ്പിച്ചുള്ള നോട്ടം വന്നത് ഞങ്ങളുടെ നേർക്കായിരുന്നു. എന്റെ മേൽക്കയ്യിൽ പിടിച്ച ചേച്ചിയുടെ കയ്യിലേക്കും, തോളിലെ ചേച്ചിയുടെ മുഖത്തേക്കും അമ്മ മാറി മാറി നോക്കി.

അങ്ങു നോക്കി ദഹിപ്പിക്കാ! !വല്ല്യ നോട്ടമൊന്നും വേണ്ട!! അമ്മക്കല്ലേ എന്നെ വേണ്ടാത്തത്! !ഇതെന്റെ എല്ലാമെല്ലാമായാ പെണ്ണാന്ന് ,ഒന്നുടെ ചേച്ചിയെ എന്റെ നെഞ്ചിലേക്ക് അടുപ്പിച്ചു പറയാൻ എനിക്ക് കൊതിയായി.

തമ്പുരാട്ടിക്ക് കുശുമ്പു അങ്ങനെയങ്ങു പൊന്തിയാലോ? എന്നെ സ്വന്തമാക്കണമെന്ന് ആർത്തി തോന്നിയാലോ!!പക്ഷെ വാ തുറന്നു പറയാനും ചെയ്യാനുമൊന്നും എനിക്കത്ര ധൈര്യം പോരാ. അമ്മ നോട്ടം മാറ്റി.

കാറിൽ നിന്ന് ഇറങ്ങിയ ശാരദാമ്മയോട് തിരിഞ്ഞെന്തോ പറഞ്ഞു. ചന്ദ്രനോട് എന്തോ കണ്ണുകൊണ്ട് കാട്ടി. കൂട്ടിൽ നിന്ന് കിട്ടുവിനെ ശാരദാമ്മ ഇറക്കി വിട്ടപ്പോ അവൻ മുറ്റത്തൂടെ ഓടി.

ഗേറ്റിന് അപ്പുറത്ത് രണ്ടു മൂന്ന് തടിയന്മാർ വന്നു നിന്നത് കൂടെ കണ്ടപ്പോ റൊമാന്റിക് കപ്പിൾ ആയിരുന്ന ഞങ്ങൾ പ്രശ്നമിത്തിരി സീരിയസാന്ന് മനസ്സിലാക്കി അരമതിലിൽ നിന്ന് ഊർന്നു താഴെക്കിറങ്ങി.

“കാറെടുക്ക്....!!!” അമ്മ മുറ്റത്തു നിന്ന് എന്റെ നേർക്ക് പറഞ്ഞു. വേഗം സെന്തിലിന്റെ ക്രിസ്റ്റയിൽ കേറി.മുന്നിൽ അമ്മയും, ബാക്കിൽ ചേച്ചിയും. വണ്ടി മെല്ലെ എടുത്തു തുടങ്ങിയപ്പോ തന്നെ.

വന്ന കാറിൽ മൂന്നാലാളുകൾ കേറി. ഗേറ്റ് ആരോ തുറന്നു തന്നു. വണ്ടി പുറത്തേക്കെടുത്തപ്പോ റോഡ് സൈഡിൽ അഞ്ചറാളുകൾ വേറെയുമുണ്ട്. ചുറ്റിനും പേടിപ്പെടുത്തുന്ന രംഗങ്ങൾ.

ഒന്നും മനസിലാവാതെ നോക്കി നിൽക്കാനേ എനിക്ക് പറ്റിയുള്ളൂ.

ഇത് തന്നെ എന്റെ മനസ്സിൽ പേടി നിറക്കുന്നുണ്ട്. അപ്പോ എല്ലാമറിയുന്ന