Chapter Title : തമി 3 [Maayavi]

വന്നു കരഞ്ഞതിനു കൈയും കണക്കുമില്ല.എനി ഒരിക്കലും ഈ മുന്നിൽ വന്നു നിൽക്കില്ല എന്നു പറഞ്ഞാണ് ഇവിടുന്നിറങ്ങിയതും. അങ്ങനെ കാലം വീണ്ടും എന്നെ ഇവിടെ എത്തിച്ചു.എന്നാൽ പണ്ട് വന്നതുപോലെ പരിഭവം പറയാനോ കുഞ്ഞേച്ചിയോടുള്ള പ്രണയം പറയാനോ അല്ലന്നു മാത്രം.ചുണ്ടിലൂരിയാ ചിരിയോടെ കള്ളകണ്ണന്റെ മയക്കുന്ന പുഞ്ചിരിയിൽ അലിഞ്ഞു നിന്നു.എന്തെല്ലാം പൊട്ടത്തരങ്ങളാ അന്ന് കാട്ടി കൂട്ടിയത് ചിരിയാണ് വന്നത്.ഒരു നിമിഷം കണ്ണടച്ചു നിന്നു പിന്നീട് കാലുകൾ കാവിലേക്ക് നീങ്ങി.അവിടെ മഞ്ചാടി മരമുണ്ട്.പണ്ട് സ്ഥിരം മഞ്ചാടിക്കുരു പെറുക്കി കണ്ണന്റെ മുന്നിലുള്ള ഓട്ടുരുളിയിൽ കൊണ്ടിടുമാരുന്നു.ആ ഒരു ഓർമ്മക്ക് പോയതാണ്.ലക്ഷ്യം തെറ്റിയില്ല കാവിൽ നിറയെ മഞ്ചാടിക്കുരു നിറഞ്ഞു കിടക്കുന്നു ഒരു കൈപ്പിടി വാരി കണ്ണന്റെ നടയിലെ ഒട്ടുരുളിയിൽ കൊണ്ടിട്ടു.ഒന്നുടെ അവിടെ കറങ്ങി ഗണേശനെ വന്ധിച്ചു. അടുത്തുള്ള കടയിൽ നിന്നും മോധകവും വാങ്ങി വെച്ചു ആരോ ഉടച്ച തേങ്ങയുടെ അത്യാവശ്യം വലിയ മുറിയുമെടുത്തു അമ്പലം വിട്ടിറങ്ങി.വെളിയിലെങ്ങും ലെച്ചുന്റെ പൊടി പോലും കണ്ടില്ലേ.അടുത്തായുള്ള ആലിന്റെ ചോട്ടിലേക്കു വിട്ടു.അവിടെയിരുന്നാൽ തൊഴാൻ വരുന്നവരെയും തൊഴുതു പോകുന്നവരെയും ഒരെ പോലെ കാണാം.കട്ടകൊണ്ട് ആലിനു ചുറ്റും കെട്ടിയിട്ടുണ്ട് അതുകൊണ്ടുതന്നെ ഇരിക്കാൻ നല്ല സ്ഥലമുണ്ട്.തേങ്ങാ മുറി പാന്റിൽ തൂത്ത് ഇതിരി കടിച്ചു കൊണ്ട് ആലിന്റെ ചോട്ടിൽ പോയിരുന്നു.അല്ല കാറ്റ്. കാറ്റിൽ ആലിലകൾ ഉലയുന്നതിനു ഒരു പ്രതേക താളം തന്നെ.വെറുതെ ബോർ അടിക്കണ്ടാല്ലൊന്നും കരുതി പോക്കെറ്റിൽ നിന്നും ഫോണെടുത്തു.ഭാഗ്യം റേഞ്ചുണ്ട്.ദൈവത്തിന് സ്ഥോത്രം!

അങ്ങനെ ഫോണിൽ തോണ്ടിയിരിക്കുമ്പോഴാണ് ആരോ എന്നെത്തന്നെ നോക്കുന്നപോലെ തോന്നിയത്.വലതു വശത്തേക്ക് നോക്കിയപ്പോൾ കുഞ്ഞേച്ചി.ശേ ഇവൾ ഇവിടുണ്ടാരുന്നോ.വന്നിരുന്നപ്പോൾ കണ്ടില്ലലോ.മാറിയിരുന്നാലോ.അല്ലേൽ വേണ്ട ഇപ്പോൾ മാറിയിരുന്നാൽ അവൾ വിചാരിക്കും അവളെ പേടിച്ചിട്ടാന്നു. ഞാനെന്തിനു അവളെ പേടിക്കണം.

പെട്ടന്നുള്ള എന്റെ നോട്ടം കണ്ട് അവളൊന്നു ഞെട്ടിയിട്ടുണ്ട്.അവളുടെ കണ്ണുകൾ എന്റെ കൈയിലേക്കാണ്.അവളുടെ കണ്ണീനെ പിന്തുടർന്നു പോയപ്പോഴാണ് സംഭവം പിടികിട്ടിയത്. കൈയിലിരിക്കുന്ന തേങ്ങാപൂളിലേക്കാണ് ആശാത്തിയുടെ നോട്ടം.ഞാൻ കടിക്കാത്ത ഒരു വശം നോക്കി മുറിച്ചു അവൾക്ക് നേരെ നീട്ടി.അതിശയത്തോടെ എന്റെ മുഖത്തേക്കും കൈയിലേക്കും നോക്കുന്നവളെ കടക്കണ്ണാൽ കണ്ടു.ഒട്ടൊരു നേരത്തിനു ശേഷം അവൾ അതു വാങ്ങി.അതു കഴിക്കുന്ന കൂട്ടത്തിൽ ഇടക്കിടെ അവളെന്നെ നോക്കുന്നുണ്ടെങ്കിലും ഞാൻ മൈൻഡ് ആക്കാൻ പോയില്ല.പിന്നെ അവളോടുള്ള പ്രേമം മൂത്തിട്ടൊന്നുവല്ല ആ തേങ്ങാ കഷ്ണം