Chapter Title : തറവാട്ടിലെ നിധി 16 [Jack Sparrow]

“ഏയ്… അങ്ങനെ ഒന്നും ഇല്ല ശ്രീ… ഈ കണക്കിലെ തിരിമറി മുരളി സാർ എങ്ങാനും പ്രശ്നം ആക്കിയാൽ, അവന്മാർ ഇത് എൻ്റെ തലയിൽ കൊണ്ടിട്ടാൽ… തിരിച്ചടിക്കാൻ ഉള്ള ഒരു പിടി വള്ളി അത്രേ… കരുതിയിട്ടുള്ളൂ….”

‘ അപ്പൊ ഗോഡൗൺ പരിപാടി ആർക്കും അറിയില്ലെന്ന് സാരം..’ ഞാൻ മനസ്സിൽ കുറിച്ചു.

ഞങ്ങൾ പിന്നെയും പല കാര്യങ്ങളും സംസാരിച്ചു….

അപ്പോഴേക്കും അമ്മു അവളുടെ അച്ഛൻ്റെ കൂടെ എത്തിയിരുന്നു..

“കൊച്ചച്ചാ ഇതാണ് എൻ്റെ അച്ഛൻ, സുമുഖനായ ഒരു മനുഷ്യൻ പക്ഷേ പ്രായം 40 നടുത്തു വരുമെന്ന് തോന്നുന്നു, നല്ല പക്വതയുള്ള മുഖം…”

“ഹലോ, അരവിന്ദൻ…” പുള്ളി കൈ നീട്ടി പരിചയപ്പെട്ടു.

“ഹലോ ചേട്ടാ, ശ്രീഹരി…”

ഉത്തമൻ കസേരയിൽ നിന്ന് എഴുന്നേറ്റ് പോകുന്നു എന്ന് കണ്ണ് കാണിച്ചു, അരവിന്ദനെ നോക്കി ഒന്ന് ചിരിച്ചു, അമ്മുവിൻ്റെ തലയിൽ തലോടി അയാള് ഇറങ്ങി പോയി…

ഞാനും അരവിന്ദനും കുറച്ചു സമയം ഇരുന്ന് സംസാരിച്ചിരുന്നു, പുള്ളി നല്ല ഗൗരവത്തിൽ ആയിരുന്നു, എൻ്റെ പഠിപ്പിനെ കുറിച്ചും കൊച്ചിയിലെ കാര്യങ്ങളും എല്ലാം ചോദിച്ചു. ഞാൻ പുള്ളിയുടെ ബിസിനസിനെ പറ്റി ചോദിച്ചെങ്കിലും എവിടെയും തൊടാതെയുള്ള മറുപടി ആണ് തന്നത്, പുള്ളിക്ക് എന്തോ എക്സ്പോർട്ടിംഗ് ആണെന്ന് മാത്രം മനസ്സിലായി…

അമ്മു അവിടെ ഓരോ പേനയും പെൻസിലും ഒക്കെ എടുത്തു കളിച്ചിരുന്നു..

“ഓക്കേ, ശ്രീഹരി ഞാൻ എന്നാൽ ഇറങ്ങട്ടെ…പോട്ടെ മോളെ….” അമ്മുവിൻ്റെ നെറ്റിയിൽ ഉമ്മവച്ചു പുള്ളി എഴുന്നേറ്റു...

“ഞങ്ങളും ഇറങ്ങുക ആണ് അരവിന്ദേട്ടാ, അമ്മു നമുക്ക് പോകാം…” അമ്മു തലയാട്ടി..

ഞങ്ങൾ പുറത്ത് ഇറങ്ങുമ്പോൾ ഞാൻ ഉത്തമനോട് കൈ വീശി കാണിച്ചു…

അരവിന്ദൻ തൻ്റെ ബുള്ളറ്റിലും ഞാനും അമ്മുവും കാറിലും യാത്ര തിരിച്ചു…

‘രണ്ട് ദിവസം കൊണ്ട് മില്ലിൽ ഞാൻ അധികാരം ഉറപ്പിച്ചെങ്കിലും, രാജനും ബാലനും അയ്യപ്പനുമായി ചേർന്ന് എന്നെ എന്താ ചെയ്യാൻ പോകുന്നത് എന്ന് ഒരു ഐഡിയയും ഇല്ല. നാളെ ഉഷമ്മയുടെ പിറന്നാൾ ആണ്, മീരയെയും ഉഷമ്മയെയും കൂട്ടി അമ്പലത്തിൽ പോകുമ്പോൾ, കഴിഞ്ഞ തവണത്തെ പോലെ ആകുമോ എന്തോ ! യാമിയുമായി ഗുസ്തി പിടിച്ചത് വെറുതെ ആകാതെ ഇരുന്നാൽ മതി…’ വണ്ടി ഓടിക്കുമ്പോൾ ഞാൻ മനസ്സിൽ ഓർത്തു…

……………………………………………………..…............................

രാത്രി ഞാൻ ഉഷമ്മയുടെ മുറിയിലേക്ക് ചെന്നു, മീര അവിടെ നിൽപ്പുണ്ടായിരുന്നു, കിടക്ക വിരിക്കുക ആണ്… ഉഷമ്മ ബാത്ത്റൂമിൽ ആണെന്ന് തോന്നുന്നു, മീര എന്നെ കണ്ടില്ല, എനിക്ക് ഒരു കുസൃതി തോന്നി, ഞാൻ പതിയെ റൂമിലെ ലൈറ്റ് ഓഫ് ചെയ്തു…

“അയ്യോ…! നാശം കറൻ്റ് പോയെന്ന് തോനുന്നു, ഈ അമ്മായി എന്താ വരാത്തത് ഈശ്വരാ…” ആദ്യം ഒന്ന് ഞെട്ടി പിന്നെ അവൾ പിറുപിറുത്തു…

ഞാൻ പതിയെ ശബ്ദം ഉണ്ടാക്കാതെ അവളുടെ പിറകിലേക്ക് നടന്നു, ഇരുട്ട് ആണെങ്കിലും എനിക്ക് ഏകദേശം അവളെ കാണാമായിരുന്നു,