Chapter Title : തറവാട്ടിലെ നിധി 16 [Jack Sparrow]

എൻ്റെ പിറന്നാൾ ഒക്കെ അറിയാമോ ? “

“അതൊക്കെ എനിക്ക് അറിയാം…അപ്പൊ നാളെ രാവിലെ രണ്ടാളും റെഡി ആയി നിൽക്ക്…”

“ഞാൻ ഒന്നും ഇല്ല, അമ്മായിയും മോനും അങ്ങ് പോയാൽ മതി” മീര എടുത്തടിച്ചപോലെ പറഞ്ഞു.

“എന്താ മോളേ, അവനൊരു തമാശ ചെയ്തതല്ലേ, മോളെന്താ കുഞ്ഞി പിള്ളേരെ പോലെ വാശി പിടിക്കുന്നത്…”

“ഞാൻ ഇല്ല അമ്മായി, ഇവിടെ ഉച്ചക്ക് ഭക്ഷണം ശെരി ആക്കണ്ടേ, നമുക്ക് പായസവും വക്കണം നാളെ” മീര ഒഴിയാൻ ആയി പറന്നു..

“അല്ല ഞാൻ വേറെ ഒരുകാര്യം ഇങ്ങനെ ചോദിക്കണം വിചാരിക്കുവാർന്നു, ഇവളെന്താ പെട്ടെന്ന് വല്ല്യമ്മ മാറ്റി അമ്മായി എന്ന് വിളിക്കുന്നത്… നമ്മൾ കാശി പോയി തിരിച്ച് വന്നപ്പോൾ മുതൽ ഞാൻ അത് ശ്രദ്ധിക്കുന്നല്ലോ…”

“അല്ലേലും അവൾ മറ്റുള്ളവരുടെ മുന്നിലെ എന്നെ വല്ല്യമ്മെ എന്ന് വിളിക്കാറുള്ളൂ, ഇതിപ്പൊ നമ്മൾ മാത്രം അല്ലേ ഉള്ളൂ, ഇനി അമ്മായിയും മാറി അമ്മേ എന്ന് വിളിപ്പിക്കണ്ടേ നമുക്ക്… നീ പോയി കിടന്നോ അവൾ നാളെ വന്നോളും.

“ഓ അങ്ങനെ നിർബന്ധിക്കുക ഒന്നും വേണ്ട, നാളെ മീനാക്ഷിയെ ഫോൺ വിളിക്കാം പറഞ്ഞിട്ടുണ്ട്, അവൾ വരുന്നേൽ വേണ്ട. ഉഷമ്മ സംസാരിച്ചാൽ മതി…”

അത് കേട്ടപ്പോൾ മീരയുടെ കണ്ണുകൾ വിടർന്നു, അവൾക്ക് പക്ഷേ അഭിമാനം കാരണം മിണ്ടാൻ പറ്റുന്നില്ല… അത് കണ്ടു ഉഷമ്മ വേഗം ഇടപെട്ടു…

“ഓ പിന്നേ, അവൾ വരും, അമ്മായിയുടെ കുട്ടിയാ മീര… നീ പൊയ്ക്കെ, ഞങ്ങൾ നാളെ റെഡി ആയി ഇരിക്കാം… രാവിലെ നേരത്തെ എഴുന്നേറ്റ് പ്രാതൽ ഉണ്ടാക്കി വച്ച് വേണം ഇറങ്ങാൻ… ഞങ്ങൾ കിടന്ന് ഉറങ്ങട്ടെ…”

ഞാൻ ഇനിയും അവിടെ നിന്നാൽ മീരയുമായി വീണ്ടും അടിയുണ്ടാക്കിയാലോ കരുതി ആകും ഉഷമ്മ എന്നോട് പോകാൻ കണ്ണ് കാണിച്ചു..

ഞാൻ പോയി കിടന്നു ഉറങ്ങി…

………………………………………………………..............................

പിറ്റേന്ന് ഞാൻ സ്വല്പം നേരത്തെ എഴുന്നേറ്റു, കുളി കഴിഞ്ഞ് അടുക്കളയിലേക്ക് ചെന്നു, മീരയെയും ഉഷമ്മയെയും സഹായിച്ചു, ഇഡലി ആണ് ഉണ്ടാക്കിയത്… ഞാൻ തേങ്ങ ചിരകി കൊടുത്തു… ചട്നി കൂടെ ഉണ്ടാക്കി, ഞങ്ങൾ മൂന്ന് പേരും പുറത്തേക്ക് ഇറങ്ങി… “എനിക്ക് ഒന്നൂടെ കുളിക്കണം” ഉഷമ്മ പറഞ്ഞു, എനിക്കും… “അമ്പലത്തിൽ പോകണ്ടത് ആണല്ലോ…” മീരയും പറഞ്ഞു..

പുറത്ത് അച്ഛമ്മ നിൽക്കുന്നുണ്ടായിരുന്നു. ഒപ്പം ശോഭയും സന്ധ്യ വല്ല്യമ്മയും

“എങ്ങോട്ടാ രാവിലെ…”

“ ഇന്ന് ഉഷമ്മ യുടെ പിറന്നാൽ ആണ് ഞങ്ങൾ ഒന്ന് അമ്പലത്തിൽ പോയി വരാം…” ഞാൻ മറുപടി കൊടുത്തു…

“ഉം… ഇവളും വരുന്നുണ്ടോ ! അപ്പൊ ഉച്ചക്ക് ഇവിടെ ഒന്നും ഇല്ലേ…” മീരയെ നോക്കി അച്ഛമ്മ നീരസത്തോടെ പറഞ്ഞു…

“അത് അമ്മേ, ഞങ്ങൾ പോയി പെട്ടെന്ന് വരും, എന്നിട്ട് ഉണ്ടാക്കാം…”

“ഓ… എന്തെങ്കിലും എളുപ്പപ്പണി ആകും അപ്പൊ…..”

“ഇവിടെ ഇവർ മാത്രം അല്ലല്ലോ