Chapter Title : തറവാട്ടിലെ നിധി 18 [Jack Sparrow]

എല്ലാവരോടും പറഞ്ഞത്… എല്ലാവർക്കും അത് ഒരു അത്ഭുതം ആയി,

“പക്ഷെ ശ്രീ ഇതിപ്പോ 3-4 ലക്ഷം രൂപ ആയില്ലേ….” പക്ഷെ ബാലൻ കൊച്ചച്ചൻ തൻ്റെ സംശയം മറച്ചു വച്ചില്ല…

“4 ലക്ഷമോ ഈശ്വരാ…..” സന്ധ്യ വല്ല്യമ്മയുടെ ഞെട്ടൽ പുറത്തേക്ക് വന്നു.

“ആ ഏതാണ്ട് കൊച്ചിയിലെ സ്വത്തുക്കളുടെ ഒരു വർഷത്തെ ആദായത്തിൻ്റെ മുക്കാലും ചിലവായി…. പക്ഷെ ബാങ്കിൽ ഇനിയും പൈസ കിടക്കുക ആണ്…. കൊച്ചിയിൽ ആയിരുന്നേൽ എന്തെങ്കിലും ബിസിനസ് തുടങ്ങായിരുന്നു…”

ഈ തറവാടിനെ തന്നെ വിലക്ക് വാങ്ങാൻ മാത്രം പണം എൻ്റെ കയ്യിൽ ഉണ്ടെന്ന് എല്ലാവരെയും അറിയിക്കാൻ തന്നെ ആണ് ഇതുവരെ ഇവരെ അറിയിക്കാത്ത സ്വത്തിൻ്റെ വ്യാപ്തി എല്ലാവരെയും അറിയിച്ചത്….

അതിന് മൂന്ന് കാരണങ്ങൾ ഉണ്ടായിരുന്നു. ഒന്നാമത്തേത് രാജനും ബാലനും ഇനി ഒരു ആക്രമണത്തിന് മുതിരരുത്.. എപ്പോഴും തല്ല് പിടിക്കാൻ പറ്റില്ലല്ലോ…. രണ്ട് സന്ധ്യയുടെ നാക്ക് ഇനി എനിക്ക് നേരെ പൊന്തരുത്…പതിയെ അത് ആർക്കും നേരെ ഉയരാതെ ആക്കണം…

മൂന്ന് മറ്റേ ഹരി എൻ്റെ മുന്നിൽ ഒന്നുമല്ല എന്ന് മീര അറിയാൻ…. പക്ഷെ എനിക്ക് തന്നെ അറിയാം ഞാൻ വെറും പൊങ്ങി ആകും അവളുടെ മുന്നിൽ എന്ന്… എന്നാലും സാരം ഇല്ല….

കൊച്ചിയിലെ കച്ചവടത്തിൻ്റെ കാര്യങ്ങൾ ഞാൻ വളരെ വിശദമായി അച്ഛമ്മയെ ബോധിപ്പിച്ചു…. ഒരുമാസത്തെ ലാഭവും പണത്തിൻ്റെ കാര്യവും ഒക്കെ കേട്ട് എല്ലാവരും വീണ്ടും ഞെട്ടി….

പിന്നെ ഞാൻ എൻ്റെ അടുത്ത ആയുധം പ്രയോഗിച്ചു.

“ഇതുവരെ എന്തായാലും മില്ലിൽ വലിയ തട്ടിപ്പ് ആണ് നടന്നത്…. ഇനി എന്തായാലും അത് ഉണ്ടാകില്ല… ഞാൻ ചില കാര്യങ്ങൾ തീരുമാനിച്ചിട്ടുണ്ട്… അച്ഛൻ എന്നെ