0%

Chapter Title : തറവാട്ടിലെ നിധി 18 [Jack Sparrow]

Author : Jack Sparrow (OG) Read All Parts 277K

യാമി എൻ്റെ പുറകിൽ ഒട്ടി ഇരുന്ന് വഴി പറഞ്ഞു തരാൻ തുടങ്ങി…

ഞാൻ ഊഹിച്ചത് പോലെ ആ ഗുഹയുള്ള കുന്നിൻ്റെ അപ്പുറത്തേക്ക് ആണ് അവളെന്നെ കൊണ്ട് പോയത്…കാടിനുള്ളിലൂടെ ഉള്ള മൺപാതയിലൂടെ കുറിപ്പോയപ്പോൾ അവൾ നിർത്താൻ പറഞ്ഞു, ഇനി കുറച്ചു നടക്കണം….

‘എന്ത് ധൈര്യത്തിൽ ആണ് ഞാൻ ഇങ്ങോട്ട് ഇവളുടെ കൂടെ പോന്നത്…ഇത് എൻ്റെ അവസാനം ആകുമോ…’ അവളുടെ പിന്നാലെ നടക്കുമ്പോൾ ഞാൻ പേടിയോടെ ഓർത്തു…

ഞങ്ങൾ ഒരു ചെറിയ വെള്ളച്ചാട്ടത്തിൻ്റെ മുന്നിൽ എത്തി… അതിന് ചുറ്റും എന്തൊക്കെയോ പേരറിയുന്നതും അറിയാത്തതുമായ മരങ്ങൾ ഉണ്ടായിരുന്നു…. അവൾ എന്നെ അവിടെ ഒരു കല്ലിന് പുറത്ത് പിടിച്ചിരുത്തി… ഇപ്പോ വരാം എന്ന് പറഞ്ഞു പോയി…

സമയം 4 ആകുന്നു. ഞാൻ ആ വെള്ളച്ചാട്ടത്തിലേക്ക് നോക്കി ഇരുന്നു…

ജീവിതത്തിൽ ആദ്യമായാണ് ഇങ്ങനെയൊരു മനോഹരമായ ദൃശ്യം ഞാൻ നേരിട്ട് കാണുന്നത്.

ഉയരമുള്ള വൻമരങ്ങളുടെ പച്ചപ്പുകൾക്കിടയിലൂടെ അരിച്ചെത്തുന്ന തങ്കനിറമുള്ള സൂര്യരശ്മികൾ കാടിനാകെ ഒരു സ്വപ്നതുല്യമായ ശോഭയാണ് നൽകുന്നത്. മരച്ചില്ലകൾക്കിടയിലൂടെ വെയിൽത്തുണ്ടുകൾ താഴേക്ക് വീഴുമ്പോൾ, അടിയിലെ പച്ചപ്പിൽ പൊൻവെളിച്ചം വിതറിയതുപോലെ തോന്നിക്കുന്നു.

കാറ്റിന്റെ താളത്തിനൊത്ത് ആടിയുലയുന്ന ഓരോ പച്ചിലയും ആ വെളിച്ചത്തിൽ തിളങ്ങുന്നുണ്ട്.

ആ പച്ചപ്പിന് നടുവിലാണ് പാറക്കെട്ടുകളെ പുണർന്നു തഴുകി പാൽക്കടൽ പോലെ അലറിയൊഴുകുന്ന വെള്ളച്ചാട്ടം. ഉയർന്ന പാറകളിൽ തട്ടി തുള്ളിത്തെറിച്ച് താഴേക്ക് പതിക്കുമ്പോൾ അതിൽ നിന്ന് ഉയർന്നുവരുന്ന ചെറിയ ജലകണങ്ങൾ പുകപടലം പോലെ കാറ്റിൽ പറന്നുനടക്കുന്നു.

ആ വെള്ളത്തുള്ളികളിലേക്ക് നാലുമണിയുടെ ചെരിഞ്ഞ സൂര്യവെളിച്ചം ചെന്നുപതിക്കുമ്പോൾ, അവിടെ വർണ്ണങ്ങൾ വിതറി ചെറിയൊരു മഴവില്ല് തെളിയുന്നത് കാണാം! കാട്ടിലെ വലിയ മരങ്ങളുടെ തണുപ്പും, പക്ഷികളുടെ നാദവും, കാറ്റിന്റെ

💬 Comments

View all comments