Chapter Title : തറവാട്ടിലെ നിധി 18 [Jack Sparrow]

മറ്റേ വീട്ടിൽ വാടകക്കാർ ഉണ്ട്, വാടക മാസം കൃത്യമായി വാങ്ങണം, മഹേന്ദ്രൻ അപ്പൂപ്പൻ്റെ വീടും പരിസരവും ചുമ്മാ നോക്കിയാൽ മതി.

ശശിക്ക് എല്ലാം സമ്മതം ആയിരുന്നു. ഞങ്ങൾ എൻ്റെ കാറിൽ തന്നെ മഹേന്ദ്രൻ അപ്പൂപ്പൻ്റെ വീട്ടിലേക്ക് പോയി…

അപ്പൂപ്പനും ശശിക്ക് കാര്യങ്ങൾ വിവരിച്ചു കൊടുത്തു. കടമുറികളുടെ കാര്യം എൻ്റെ കൂട്ടുകാരൻ്റെ അക്കൗണ്ടൻ്റ് നോക്കും എന്ന് ഞാൻ അപ്പൂപ്പനെ അറിയിച്ചു. പുള്ളിക്ക് അത് ബോധ്യമായി.

“അപ്പൂപ്പൻ എന്നാ മക്കളുടെ അടുത്തേക്ക് പോകുന്നത്…?”

“നാളെ മൂത്ത മകനും കുടുംബവും വരും, മറ്റന്നാൾ അവരുടെ കൂടെ ഞാൻ പോകും…”

“ഓ…. എന്നാ ശെരി അപ്പൂപ്പാ.. കാണാം..”

“ശ്രീ…മോനെ നീ എസ്റ്റേറ്റിലോട്ട് ഒന്ന് ഇറങ്ങ്… നിൻ്റെ അമ്മ പോയതിൽ പിന്നെ നീ അങ്ങോട്ടൊന്നും വന്നിട്ടില്ലല്ലോ….”

“ഞാൻ വരാം അപ്പൂപ്പാ…”

“ശെരി മോനെ…” അദ്ദേഹമെന്നെ ആദ്യമായി കെട്ടിപ്പിടിച്ചപ്പോൾ, എൻ്റെ കണ്ണുകളും അറിയാതെ നിറഞ്ഞു.

ശശിയെ ഞാൻ എൻ്റെ വാടകക്കാർക്ക് കൊണ്ട് പോയി പരിചയപ്പെടുത്തി. ശേഷം അവനെ വീട്ടിലാക്കാൻ പോയി..

“ശ്രീക്കുട്ടാ ഞാനും വരുന്നു….നിക്ക്…” ഞാൻ വണ്ടി തിരിക്കുമ്പോൾ അമ്പിളിച്ചേചിയുടെ ശബ്ദം കേട്ടു.

“ആ…ചേച്ചി വായോ…” അമ്പിളിച്ചേച്ചിയും അശ്വതിയും പുറത്തേക്ക് വന്നു.

“ശ്രീഹരി കേറുന്നില്ലേ…”

“ഇല്ല, പോയിട്ട് മീനാക്ഷിയെ ചെക്കപ്പിന് കൊണ്ട് പോകണം ഇനി ഒരിക്കൽ ആകട്ടെ…” അശ്വതിയുടെ ക്ഷണം ഞാൻ സ്നേഹത്തോടെ നിരസിച്ചു.

“പോകാം…ശ്രീക്കുട്ടാ…..”

“എന്താ ചേച്ചി ഒന്നും മിണ്ടാത്തത്” വണ്ടി പുറത്ത് കടന്നപ്പോൾ ഞാൻ ചേച്ചിയോട് ചോദിച്ചു.

“ഒന്നുമില്ലെടാ… ഞാൻ ഓരോന്ന് ആലോചിക്കുവായിരുന്നു…”

“എന്ത് പറ്റി..”

“ഏയ് ശശിയുടെ കാര്യം, അവന് ഭയങ്കര തണുപ്പൻ ആണ്…. ഞാൻ പറഞ്ഞിട്ടില്ലേ… മര്യാദക്ക് ആ വണ്ടിയും