Chapter Title : The Hole 6 [Jarvis]

മാറി.

“ഏട്ടൻ ഇതു വരെ കുളിച്ചില്ലേ ?” എന്നു ചോദിച്ചു കൊണ്ട് രാധിക വന്നു.

രമേശൻ ഒന്നും പറയാതെ തോർത്തും എടുത്തു കുളിക്കാൻ ചെന്നു.

കുളി കഴിഞ്ഞ് വന്ന രമേശൻ രാധികയും വീണയും ഉണ്ടാക്കി വെച്ച ദോശയും സാമ്പാറും വയറു നിറയെ കഴിച്ചു. കഴിച്ചു കഴിഞ്ഞപ്പോൾ രാധിക വീണയുടെ ഇൻ്റർവ്യൂവിനെ കുറിച്ച് പറഞ്ഞു.

രമേശൻ വീണയുടെ മുഖത്ത് നോക്കി ഞാൻ കൂടെ പോകാം എന്ന് പറഞ്ഞു. വീണ അവനെ നോക്കി നാണത്തോടെ ചിരിച്ചു.

രമേശൻ കിച്ചുവിനെയും ബൈക്കിൽ മുന്നിൽ ഇരുത്തി ബൈക്ക് സ്റ്റാർട്ടാക്കി. പോകുന്ന മുമ്പ് രാധികയെയും വീണയെയും ഒന്നും കൂടി നോക്കി.

രണ്ടു ഗ്രാമീണ സുന്ദരികൾ. അവൻ മനസിൽ പറഞ്ഞു കൊണ്ട് ബൈക്ക് തിരിച്ചു..

*********

ഡോറിൽ തട്ടുന്നത് കേട്ടാണ് റസിയ ഉണർന്നത്. രാത്രി കരഞ്ഞു കരഞ്ഞു പുലർച്ചെയാണ് അവൾ ഒന്നു മയങ്ങിയത്.

അന്നത്തെ ആ കോളിന് ശേഷം പിന്നീട് അങ്ങോട്ട് അവൾക്ക് ഉറക്കം ഇല്ലാത്ത രാത്രികൾ ആയിരുന്നു.

ഡോറിൽ മുട്ടു ശക്തമായപ്പോ റസിയ വാതിൽ തുറന്നു. ഉപ്പ ആയിരുന്നു.

ഉപ്പയെ കണ്ടതും അവൾ ഭയന്നു. ഇനി പൈസ എടുത്ത കാര്യം ഉപ്പ അറിഞ്ഞോ എന്നു അവൾ ചിന്തിച്ചു.

“റസിയ എന്തൊരു ഉറക്കമാണ്. നീ വേഗം റെഡിയാക്ക് നമുക്ക് ഇന്നു ആ ബോംബെ കമ്പനി ആയി മീറ്റിംഗ് ഉള്ളതല്ലേ.”

“ഓ ഞാൻ മറന്നു ഉപ്പ.”

“വേഗം റെഡിയാക്ക്.” ഇതും പറഞ്ഞു അഹമ്മദ് താഴേക്ക് ഇറങ്ങി. റസിയ ബെഡിൽ കിടന്ന ഫോൺ എടുത്തു. അതിൽ മജീദിൻ്റെ മിസ് കോൾ.

അവൾ ദേഷ്യം കൊണ്ട് അവൻ്റെ നമ്പർ ബ്ലോക്ക്