Chapter Title : The Hole 7 [Jarvis]

തൻ്റെ സ്വപ്നങ്ങളിൽ നിന്നും ഉണർന്നു ചായ വാങ്ങി ഒരു കവിൾ കുടിച്ചു.

“ഏട്ടൻ ഇന്നലെ രാത്രി എവിടെയായിരുന്നു. ?”

രാധികയുടെ ചോദ്യം കേട്ടതും രമേശൻ കുടിച്ചു കൊണ്ടിരുന്ന ചായ കപ്പ് പെട്ടെന്ന് കൈയിൽ നിന്നും വഴുതി.

വീണ അപ്പോഴേക്കും ചൂലും ഇട്ടു അവിടെ നിന്ന് പോയിരുന്നു.

“അതു പിന്നെ രാധികെ രാത്രി ഉറക്കം വന്നില്ല. അതു കൊണ്ട് ഞാൻ ഉമ്മറത്ത് പോയി ഇരുന്നു.”

“ഇപ്പൊ ഏട്ടന് ഉറക്കം കുറവാണലോ”

രമേശൻ അവളുടെ അരക്കെട്ടിൽ പിടിച്ചു ചേർത്തു പറഞ്ഞു.

“നിന്നെ പോലുള്ള സുന്ദരി അടുത്തു കിടക്കുമോ ഞാൻ എങ്ങനെ ഉറങ്ങും.”

അവൾ നാണത്താൽ പുളഞ്ഞു.

രമേശൻ അവൾ തൻ്റെ കള്ളം വിശ്വസിച്ചത് ഓർത്തു സമാധാനിച്ചു.

രാധയെ പിടിച്ചു മടിയിൽ ഇരുത്തി അവളുടെ കാതിൽ രഹസ്യമായി പറഞ്ഞു.

“ഇനി എത്ര ദിവസം കൂടിയുണ്ട് ?”

“രണ്ടു ദിവസം.” അവൾ നാണത്തോടെ പറഞ്ഞു…

രാവിലെ തന്നെ അച്ചായൻ പറഞ്ഞത് അനുസരിച്ചു ഭാസ്കരൻ മേസ്തിരി എത്തിയിരുന്നു. വേലുവും കടയിൽ ഉണ്ടായിരുന്നു. ഭാസ്കരൻ അളവുകളും മറ്റും എടുത്തു. വേണ്ട സാധനങ്ങളുടെ ലിസ്റ്റ് എഴുതുമ്പോഴാണ് രമേശൻ എത്തിയത്.

രമേശനെ ലിസ്റ്റ് ഏല്പിച്ച് നാളെ മുതൽ പണി തുടങ്ങാം എന്നു പറഞ്ഞു.

അയാള് പോയതും രമേശൻ റൂമിൽ ചെന്നു ഒരു കെട്ട് നോട്ട് എടുത്തു അവന് കൊടുത്തു. അവനോട് ആവശ്യമുള്ള സാധനങ്ങൾ വാങ്ങാൻ പറഞ്ഞു.

പതിവ് ഇല്ലാതെ രമേശൻ്റെ കടയുടെ മുന്നിൽ ഭാസ്കരൻ മേസ്തിരിയെ കണ്ടതും അഹമ്മദിന് എന്തോ പന്തികേട് തോന്നി.

അഹമ്മദും ഭാസ്കരനും തമ്മിൽ പരിചയമുണ്ട്. അഹമ്മദിൻ്റെ പണം സൂക്ഷിക്കുന്ന നിലവറ പണിതത് ഭാസ്കരനായിരുന്നു.

ഭാസ്കരനെ