Chapter Title : The Visual 2 [Padmarajan]

എങ്കിലും, ആ സ്ക്രിപ്റ്റിന്റെ മനോഹാരിത അയാളുടെ പടത്തെ വ്യത്യസ്തം ആകുന്നത്.

നല്ല സിനിമകൾ ഇഷ്ടപെടുന്ന ആൾക്കാർ ഉണ്ട്. മറ്റൊരാൾ ലോഹിതൻ , അവന്റെ സിനിമയുടെ തുടക്കം ആണ് എനിക്കേറ്റവും ഇഷ്ടം. ക്ളൈമാക്സ് ഓവർ ആണ് എന്ന് വ്യക്തിപരമായ അഭിപ്രായം, അത് കൊണ്ട് എനികിഷ്ടപെടാറില്ലെങ്കിലും അതിനും ഫാൻസ്‌ ഒരുപാടാണ്,
പിന്നെയും കുറെ പേരുണ്ട് ഉർവശി മനോജിനെ ഒക്കെ പോലെ ഇപ്പൊ സിനിമ ഒന്നും എടുക്കാത്തവർ, ഇതൊക്കെ ഞാൻ ശ്രദ്ധിച്ച പേരുകൾ ആണ്. വേറെയും പലരുമുണ്ട്.
പക്ഷെ ഭൂരിഭാഗം സിനിമകളും സാദിഖ് പറഞ്ഞ ഒറിജിനാലിറ്റി ഇല്ലാത്തതാണ്, ആൾക്കാർക്ക് അതാണ് വേണ്ടത് എന്ന് ധരിച്ചു നമ്മുക്കിഷ്ടമുള്ള സിനിമകൾ ചെയ്യാതിരിക്കേണ്ട കാര്യം എന്താ"

ബാലേട്ടൻ മിക്സ് ചെയ്ത ഡ്രിങ്ക് ജോണിക്കു നേരെ നീട്ടി കൊണ്ട് തുടർന്നു.

"ജോണിയുടെ കഴിഞ്ഞ പ്രോജക്ട് - ചെക്കിലെ വിശേഷങ്ങൾ പോലും നല്ല ഒരു തീം, ഇത് വരെ ആരും കൊണ്ട് വരാത്ത വ്യത്യസ്ഥമായ ഐഡിയ ആയിരുന്നല്ലോ. പക്ഷെ സ്ക്രിപ്ട് പോരാത്ത കൊണ്ട് തന്നെ ആ പടവും പൊട്ടി.
ഞാൻ കഴിഞ്ഞ ആഴ്ച തന്നെ ജോണിയോട് പറഞ്ഞിരുന്നില്ലേ , ഒരു ജികെ , ഒറ്റ സിനിമ കൊണ്ട് ഇൻഡസ്ട്രി ഹിറ്റ് അടിച്ചവൻ. അവന്റെ സ്ക്രിപ്റ്റ് ഒക്കെ വായിച്ചു അതിൽ നിന്ന് ഇൻസ്പയർ ആയി എഴുതാൻ. അയാൾ വീണ്ടും ഒരു സിനിമ ചെയ്തിരുന്നെങ്കിൽ എന്നെത്ര നാളായി ആഗ്രഹിക്കുന്നു. ആളെ പരിചയം ഇല്ലാത്തതു കൊണ്ട് ചോദിക്കാൻ പറ്റുന്നില്ല , എന്ത് കൊണ്ട് ഒരു സിനിമ ഇറക്കുന്നില്ല എന്ന്. കഥ ഒരുപാട് വ്യത്യസ്ഥ ഒന്നുമില്ല , പക്ഷെ സ്ക്രിപ്ട് സ്ക്രിപ്ട് സ്ക്രിപ്ട് , ഒപ്പം കാസ്റ്റിംഗ് അതാണ് ആ പടത്തിന്റെ ഒക്കെ ഭംഗി.

ജോണിക്ക് കഥ എഴുതാൻ അറിയാം , പക്ഷെ സ്ക്രിപ്റ്റിംഗ് ഒരുപാട് മെച്ചപ്പെടാൻ ഉണ്ട്, തുറന്നു പറയുന്നതിൽ വിഷമം വിചാരിക്കേണ്ട. "

എല്ലാം കേട്ടിരുന്ന ജോണി സമ്മതത്തോടെ തല കുലുക്കി.

"ഇതൊരു ഇൻവസ്റ്റിഗേഷൻ ത്രില്ലർ ആണ് , പക്ഷെ നല്ല കഥ ആയതു കൊണ്ട് മാത്രം സിനിമ നന്നാവില്ല എന്നറിയാം , ഞാൻ ശ്രമിക്കുന്നുണ്ട്. എഴുതി എഴുതി മെച്ചപ്പടാൻ ശ്രമിക്കാം.

ഏതായാലും അടുത്ത രംഗങ്ങൾ ബാലു പറഞ്ഞ ശേഷം , ഞാൻ വായിച്ചു നോക്കി ജികെയുടെ സ്ക്രിപ്റ്റിൽ നിന്ന് പ്രചോദനം കൊണ്ട് എഴുതിയതാണ്. അത് ഈ സിനിമയുടെ രീതിക്ക് വേണ്ടി മാറ്റി എഴുതിയിട്ടുണ്ട്. മാത്രമല്ല സമ്മതമില്ലാതെ എടുത്ത ചില രംഗങ്ങൾക്ക് ടൈറ്റിൽ കാർഡിൽ ജികെ