തിരോധാനം 2

The Mystery Part 2 | Author : Kabaninath

[ Previous Part ] [ www.kkstories.com]

ഷാഹുൽ ബസ്സ് സ്റ്റോപ്പിലിറങ്ങി , ബസ്സിനകത്തുണ്ടായിരുന്ന ടോണിയെ കൈ വീശിക്കാണിച്ചു…

ടോണിയും ബസ്സിനകത്തെ തിരക്കിനിടയിൽ തിരിച്ചും കൈ വീശി…

കറുകച്ചാലിലാണ് ഷാഹുലിന്റെ വീട്.. അവർ രണ്ടു വർഷം മുൻപ് സ്ഥലം മാറി വന്നതാണ്..

ടോണിയുടെ വീട് നെടുംങ്കുന്നത്തും….

വീട്ടിലേക്കുള്ള വഴിയേ നടക്കുമ്പോൾ ജിതേഷേട്ടന്റെ വീട് ഷാഹുൽ കണ്ടു…

അന്ന് ജയന്തിചേച്ചിയെ പുറത്തവൻ കണ്ടില്ല…

ഒരു നിശ്വാസത്തോടെ അവൻ ധൃതിയിൽ വീട്ടിലേക്കു നടന്നു……

അല്ലെങ്കിൽ ജയന്തി ചേച്ചി കോളേജിലെ വിശേഷങ്ങൾ ചോദിക്കും…

മറ്റൊന്നുമല്ല, ജിതേഷേട്ടൻ പഠിച്ച കോളേജിലാണ് താനും ടോണിയും പഠിക്കുന്നത്..

നാലഞ്ചു വർഷങ്ങൾക്കു മുൻപ് കാണാതായ മകൻ ഇന്നുവരും , ഇന്നുവരും എന്ന് പ്രതീക്ഷിച്ചിരിക്കുന്ന ഒരമ്മയുടെ വേവലാതിയാണ് തന്നോടുള്ള ചോദ്യങ്ങൾ എന്നറിയാഞ്ഞിട്ടല്ല..

പക്ഷേ, ഇനിയവർക്കു കൊടുക്കാൻ മറുപടിയില്ല…

മാത്രമല്ല, ചോദിച്ചതു തന്നെ ആവർത്തിച്ച് ചോദിക്കുകയാണ് അവരിപ്പോൾ..

അല്പം മാനസികാസ്വാസ്ഥ്യം അവർക്കിപ്പോഴുണ്ടോ എന്ന് സംശയം തോന്നിത്തുടങ്ങിയിട്ടുണ്ട്……

പാവം സ്ത്രീ… !

ഏതോ വലിയ തറവാട്ടിലെ ആണെന്ന് തോന്നിയിട്ടുണ്ട്…

അവരുടെ മുഖത്ത് ഇപ്പോഴും ആഢ്യത്വം ഒളിഞ്ഞിരിപ്പുണ്ട്…

അതു കൊണ്ടു തന്നെ അവർ ചെറുപ്പകാലത്ത് എന്തു മാത്രം സുന്ദരിയായിരുന്നു എന്ന് ഊഹിക്കാവുന്നതേയുള്ളു…

“” ഉമ്മാ…….....”

ഷാഹുൽ ചെരിപ്പഴിച്ചു വെച്ച് വീടിനകത്തേക്ക് കയറി…

“” ഇവിടുണ്ടെടാ… …. “

അടുക്കളയിൽ നിന്ന് ഉമ്മയുടെ സ്വരം അവൻ കേട്ടു…

ബാഗ് ഡൈനിംഗ് ടേബിളിൽ വെച്ച ശേഷം അവൻ അടുക്കളയിലേക്കു ചെന്നു..

“” നീ എന്താ വൈകിയേ………. ? “”

മൈമുന മകനെ നോക്കി…

മൈമുന……….

അമ്പതുകാരി…

ഷാഹുലിന് മൂത്ത രണ്ടു സഹോദരിമാരെ കെട്ടിച്ചയച്ച കടം വീട്ടാൻ ആദ്യമുണ്ടായിരുന്ന വലിയ വീടും സ്ഥലവും റസാഖിന് വിൽക്കേണ്ടി വന്നു..

ബാക്കി വന്ന പണവും കുറച്ചു കടവും വാങ്ങിയാണ് മരക്കച്ചവടക്കാരനായ റസാഖ് ഇപ്പോൾ അഞ്ചു സെന്റിലുള്ള ഈ ചെറിയ വീട് വാങ്ങിയത്…

ഉമ്മ ഗ്ലാസ്സിലേക്ക് പകർത്തിയ കാപ്പി ഒന്നു മൊത്തിക്കൊണ്ട് ഷാഹുൽ സ്ലാബിലേക്ക് പുറം ചാരി…

“” ഞാനും ടോണിയും ഇന്നൊരാളെ കാണാൻ പോയുമ്മാ… “

തുടർന്ന് അവൻ നാഗമ്പടത്ത് ഹോംസിനെ കാണാൻ പോയ കാര്യം ഉമ്മയെ അറിയിച്ചു.

അയാൾ വട്ടനാണെന്നുള്ള കാര്യം അവൻ ഉമ്മയോട് പറഞ്ഞില്ല..

“” നിങ്ങൾക്കൊക്കെ ഭ്രാന്താണോടാ… ?””

എല്ലാം കേട്ട ശേഷം മൈമുന ചോദിച്ചു……

“ അവന്റെ അവസ്ഥ വലിയ കഷ്ടമാണുമ്മ… അതു പോലെ തന്നെ ജയന്തിചേച്ചിയെ ഉമ്മ എന്നും കാണാറുള്ളതല്ലേ… ?””

മൈമുന അതിന് മറുപടി പറഞ്ഞില്ല……….

കാരണം അവർ ജയന്തിയെ ഒട്ടുമിക്ക ദിവസങ്ങളിലും കാണാറുള്ളതാണ്…

മക്കളെ നഷ്ടപ്പെട്ട അമ്മമാരുടെ മനസ്സ് അവർക്ക് മനസ്സിലാക്കാൻ സാധിക്കുമായിരുന്നു…

“” അയാളെന്തു പറഞ്ഞു…… ?”

“” ഒന്നും പറഞ്ഞിട്ടൊന്നുമില്ല… ഒന്നുകൂടി അയാളെ കാണണം… “

ഷാഹുൽ കാപ്പിക്കപ്പ് സ്ലാബിലേക്കു വെച്ചു…

“” പോകുന്നതൊക്കെ കൊള്ളാം… ഞങ്ങൾക്കും നീ മാത്രമേ ഉള്ളൂ എന്നൊരു ഓർമ്മ വേണം… “

മൈമുന മകനെ ഓർമ്മപ്പെടുത്തി……

“” താത്തമാരെ ഒന്നിനെ കാണാതിരുന്നാൽ എന്റെ അവസ്ഥ എന്താകും…