Chapter Title : തിരോധാനം 2 [കബനീനാഥ്]

ചേച്ചിയുടെ പോക്ക് ഒരിക്കലും പപ്പ പ്രതീക്ഷിച്ചിരുന്നതല്ല…

ചേച്ചിയെ മാലാഖയെ പോലെയാണ് പപ്പ സംരക്ഷിച്ചിരുന്നതെന്ന് ടോണി ഓർത്തു…

ബന്ധുക്കളുടെ കുത്തുവാക്കുകൾ… !

എല്ലാം താങ്ങുവാനുള്ള ബലം ശരീരത്തിനും മനസ്സിനും ഇല്ലാതായിപ്പോയി…

ചികിത്സിച്ചാൽ എഴുന്നേറ്റു നടന്നേക്കാം…

പക്ഷേ എവിടെ നിന്ന്… ?

ഇപ്പോഴുള്ള നിത്യവൃത്തിയും തന്റെ പഠനവും എല്ലാം തന്നെ സഭയുടെയും ചില പ്രമാണികളുടെയും കാരുണ്യം ഒന്നു കൊണ്ടു മാത്രമാണ്…

അതിനിടയിൽ………. ?

ടോണി ഒന്നു തല കുടഞ്ഞു…

എല്ലാത്തിനുമുപരി ചേച്ചിക്കെന്ത് സംഭവിച്ചു എന്നറിയാനുള്ള ത്വരയാണ് തന്നെ വേട്ടയാടുന്നതെന്ന് അവന് മനസ്സിലാകുന്നുണ്ടായിരുന്നു…

🎗️   🎗️  🎗️   🎗️   🎗️

ചുരുട്ട് “ഹോംസി” ന്റെ കയ്യിലിരുന്ന് എരിഞ്ഞു കൊണ്ടിരുന്നു…

കറുത്ത വട്ടത്തൊപ്പി ചുറ്റിയ തല, അയാൾ കസേരയിലേക്ക് ചാരി , ആലോചനാനിമഗ്നനായിരുന്നു..

“ ചേച്ചിയ്ക്ക് അധികം സുഹൃത്തുക്കളൊന്നും ഉണ്ടായിരുന്നില്ല.. പ്ലസ്-ടു വിന് പഠിച്ച ഒന്നുരണ്ടു പേർ നഴ്സായി  ബാംഗ്ലൂരൊക്കെ ജോലി ചെയ്യുന്നുണ്ട്… അവിടെയും പൊലീസ് അന്വേഷിച്ചിരുന്നു… “

ടോണി പറഞ്ഞു……

“ ഇവനന്ന് വലിയ പ്രായമൊന്നും ഇല്ലല്ലോ സാറേ… “

ഷാഹുൽ കൂട്ടിച്ചേർത്തു…

മേശപ്പുറത്ത് പഴയ പത്രക്കടലാസിന്റെ കട്ടിംഗുകളും പരാതികളും പരാതികളുടെ പകർപ്പും നിരന്നു കിടപ്പുണ്ടായിരുന്നു…

“” ഹോംസ് “ അതിനും മറുപടി പറഞ്ഞില്ല..

“” ഞങ്ങൾക്ക് അറിയാവുന്ന കാര്യങ്ങൾ സാറിനോട് പറഞ്ഞു കഴിഞ്ഞു… ഇനി മറന്നു പോയത് വല്ലതും ഉണ്ടെങ്കിൽ വിളിച്ചറിയിക്കാം…””

കുറേ നേരമായി അയാളുടെ അനക്കമൊന്നും ഇല്ലാതിരുന്നപ്പോൾ ടോണി പറഞ്ഞു..

“ ഹോംസ്”” പതിയെ കസേരയിൽ നിന്നും നിവർന്നു…

“” ചേച്ചി ആളെങ്ങനെ……….?””

അയാളുടെ ചോദ്യം ഇരുവർക്കും പെട്ടെന്ന് മനസ്സിലായില്ല…

“” ഐ മീൻ സ്നേഹമുള്ളവളാണോ എന്ന്……….?””

അയാൾ