Chapter Title : തിരോധാനം [കബനീനാഥ്]

കാത്ത് പ്രതീക്ഷയോടെയിരിക്കുന്ന ഒരമ്മയേയും ഞാൻ എന്നും കാണാറുണ്ട്… “”

ടോണി പിന്നീടൊന്നും പറയാതെ രണ്ടാമത്തെ പടിയിലേക്ക് തന്റെ വലതു കാൽ എടുത്തു വെച്ചു..

ഗോവണി ഒന്നു കരഞ്ഞു…

ഇരുവരും മുകളിലേക്കുള്ള പടികൾ കയറി..

ഗോവണി കിരുകിരുത്തതല്ലാതെ അതിനു ബലക്ഷയമൊന്നും ഉണ്ടായിരുന്നില്ല…

രണ്ടാമത്തെ നിലയിലെ വീതി കുറഞ്ഞ വരാന്തയിലേക്കാണ് പടികൾ കയറിച്ചെല്ലുന്നത്..

മഴച്ചാറ്റലടിച്ച് വരാന്ത നനഞ്ഞിട്ടുണ്ട്..

ആദ്യത്തെ മുറി പൂട്ടിയിട്ടിരിക്കുന്നു..

രണ്ടാമത്തെ മുറിയുടെ രണ്ടു പാളികളുള്ള വാതിലിൽ ഒന്ന് തുറന്നു കിടക്കുന്നു…

കുമ്മായമടിച്ച ചുവരുകളിൽ കരിക്കട്ട കൊണ്ടോ, നിറമുള്ള ചോക്കു കൊണ്ടോ വ്യക്തമല്ലാത്ത ചിത്രങ്ങളും തെളിമയില്ലാത്ത കണക്കുകളും കുത്തിവരച്ചു വെച്ചിട്ടുണ്ട്…

ടോണി തുറന്നു കിടക്കുന്ന വാതിലിനു മുൻപിലേക്ക് നോക്കി..

Room No: 221

ഷാഹുലും ടോണിയും മുഖത്തോടു മുഖം നോക്കി…

ആകെ നാലു മുറിയുള്ള ഇടിഞ്ഞു പൊളിയാറായ ഈ കെട്ടിടത്തിന്റെ ഒരു മുറിയുടെ നമ്പറാണ്……

ഇയാൾക്ക് അരവട്ടല്ലാ, മുഴുവട്ടു തന്നെയാകാമെന്ന് ടോണി മനസ്സിലോർത്തു…

പുകയില കത്തുന്ന ഗന്ധം പുറത്തേക്കു വരുന്നുണ്ടായിരുന്നു…

അകത്തേക്ക് കയറണോ വേണ്ടയോ എന്ന ഭാവത്തിൽ ടോണി ഷാഹുലിനെ ഒന്നു നോക്കി..

എന്തു വേണമെങ്കിലും ചെയ്യാം എന്നൊരു മുഖഭാവമായിരുന്നു ഷാഹുലിന്…

ആ സമയം അകത്തു നിന്ന് പാത്രം താഴെ വീഴുന്ന ശബ്ദം കേട്ടു…

പിന്നാലെ അകത്തു നിന്നയാളുടെ ഘനമുള്ള ശബ്ദവും…

“” കയറിപ്പോര്……….”

സംശയത്തോടെയാണ് ഇരുവരും അകത്തേക്ക് കയറിയത്……

അകത്ത് പുകയിലയുടെ ഗന്ധം രൂക്ഷമായിരുന്നു…

അത്യാവശ്യം വലിപ്പമുള്ള മുറി…

ഉയരമുള്ള ഒരു വലിയ മേശ വലതു വശത്ത്..

മുറിയുടെ നടുക്ക് ഒരു കർട്ടൻ കൊണ്ട് പാർട്ടീഷ്യൻ ചെയ്തിരിക്കുന്നു…

ഭിത്തിയിൽ, സ്വിച്ച് ബോർഡിനടുത്ത് മൊബൈൽ സോക്കറ്റിൽ ഒരു ഫോൺ ചാർജ്ജിലിട്ടിരിക്കുന്നു…….

മേശയിൽ നിരന്നു കിടക്കുന്ന ദിനപ്പത്രങ്ങളും പുസ്തകങ്ങളും…

അതിലൊന്നിന്റെ പുറം ചട്ട ടോണി വായിച്ചു.

The return of sherlock holmes……

എരിഞ്ഞു കൊണ്ടിരിക്കുന്ന ഒരു ചുരുട്ട് ആഷ്ട്രേയിൽ ഉണ്ടായിരുന്നു…

അതിനടുത്ത് താക്കോൽക്കൂട്ടം..

മേശയ്ക്കപ്പുറത്ത് ഒന്നും കാണുക സാദ്ധ്യമല്ലായിരുന്നു…

ഇപ്പുറം രണ്ട് ഇരുമ്പുകസേരകൾ……

ടോണി ഷാഹുലിനെ ദീനമായി ഒന്നു നോക്കി..

ഷാഹുൽ ചുവരിലേക്ക് നോട്ടം മാറ്റി…

ചുവരിൽ ത്രിവർണ്ണ പതാക.. അതിനോടു ചേർന്ന് ഭാരതാംബയുടെ ചിത്രം…

അതിനു കീഴെ നെഹ്റു മുതൽ ഇങ്ങോട്ടുള്ള എല്ലാ പ്രധാനമന്ത്രിമാരുടെയും ചിത്രങ്ങൾ…

അതിനു താഴെയും വേറെ കുറേ ചിത്രങ്ങൾ…

കുറച്ചു മാറി, ആണിയിൽ തൂക്കി കുറേ ബാഡ്ജുകളും പതക്കങ്ങളും …….

വാതിലിനു ലംബമായും തിരശ്ചീനമായും അത്യാവശ്യം വലിപ്പമുള്ള രണ്ടു കണ്ണാടികൾ ചുവരിൽ ഫിറ്റ് ചെയ്തിട്ടുണ്ട്…

അടുത്ത നിമിഷം