Chapter Title : തിരോധാനം [കബനീനാഥ്]
കർട്ടന്റെ കൊളുത്തിളകി.
ഭിത്തിയോടു ചേർന്നുള്ള വശത്തുകൂടി ആറടിയിലധികം ഉയരമുള്ള ഒരു ആജാനബാഹു മുറിയിലേക്ക് വന്നു…
അമ്പതു വയസ്സിനടുത്തോളം പ്രായം അയാൾക്കു തോന്നിക്കുമായിരുന്നു…
മിലിട്ടറി ക്ലോത്ത് ബർമുഡയും കയ്യില്ലാത്ത കറുത്ത ബനിയനുമാണ് അയാൾ ധരിച്ചിരുന്നത്…
തലയിൽ കറുത്ത വട്ടത്തൊപ്പി…
അയാളുടെ നെഞ്ചിലെയും കൈകളിലേയും മാംസ പേശികൾ ഉരുണ്ടു കൂടി ദൃഡമായിരിക്കുന്നത് ഇരുവരും കണ്ടു..
ഷാഹുലും ടോണിയും അറിയാതെ തന്നെ അറ്റൻഷനിലായി…
“” ഇരിക്കാം…….........'’
അയാൾ വലത്തേ കൈ നീട്ടി അവരോടു പറഞ്ഞു……
ഭിത്തിക്കരികിലൂടെ അയാൾ മേശയ്ക്കപ്പുറം കടന്നു …
“” ഇരിക്കുന്നില്ലേ……........ ? “
അയാൾ ചോദിച്ചതും ഷാഹുലും ടോണിയും ഒരേ സമയം കസേരയിൽ ഇരുന്നു…
അയാൾ അപ്പുറത്ത് ഇരുന്നത് ഉയരമുള്ള കസേരയിലായിരുന്നു…
എരിഞ്ഞു കൊണ്ടിരുന്ന ചുരുട്ട് അയാൾ ആഷ്ട്രേയിൽ കുത്തിക്കെടുത്തി.
ഒരു വല്ലാത്ത ഗന്ധം മുറിയിലുണ്ടായി…
ചിതറിക്കിടന്ന പുസ്തകങ്ങൾ മേശയുടെ ഒരുവശത്തേക്ക് അയാൾ നിരക്കി വെച്ചു…
“” പുറകുവശത്തെ പൈപ്പാണ് പൊട്ടിയത്…… സ്ലാബ് ഇല്ലാത്തതിനാൽ വലിയ ലാഡർ വേണ്ടി വരും… “
അയാൾ പറഞ്ഞു……
ടോണിക്കും ഷാഹുലിനും കാര്യം മനസ്സിലായില്ല…
“” സർ… ഞങ്ങൾ…......””
ഷാഹുൽ ഒന്നു വിക്കി…
“” നിങ്ങൾ കൊണ്ടുവന്നിട്ടില്ലേ… ? “
“” ഞങ്ങൾ പ്ലംബർമാരല്ല സർ……….”
ഷാഹുൽ പറഞ്ഞു..
“” പിന്നെ……….?””
അയാൾ വട്ടത്തൊപ്പി ഒന്നു ചെരിച്ച് പുരികമുയർത്തി…
“” ഞങ്ങൾ വന്നത് മറ്റൊരാവശ്യത്തിനാണ്… ….””
അയാൾ ആലോചനയോടെ ഒന്നു മുന്നോട്ടാഞ്ഞു , പുസ്തകങ്ങൾ ഒന്നു കൂടി നിരക്കി മാറ്റി…
“” മാസങ്ങളായി ഇങ്ങോട്ടങ്ങനെ ആരും വരാറില്ല…. ഞാനൊരു പ്ലംബറെ ആവശ്യപ്പെട്ടിരുന്നു… “
അയാൾ പറഞ്ഞു…
തന്റെ അലസതയെ അയാൾ സാധൂകരിച്ചു…
വട്ടത്തൊപ്പി തലയിൽ ഒന്നുകൂടി ഉറപ്പിച്ചു കൊണ്ട് അയാൾ കസേരയിലേക്ക് ചാഞ്ഞു..
“” നിങ്ങൾ വന്ന കാര്യം പറയൂ……....””
അയാളുടെ ചോദ്യത്തിന് ഷാഹുലും ടോണിയും മുഖത്തോടു മുഖം നോക്കി…
മേശയുടെ ഡ്രോയിലിരുന്ന ഒരു റൈറ്റിംഗ് പാഡും മരപ്പിടിയുള്ള പേനയും അയാൾ മേശപ്പുറത്തേക്ക് വെച്ചു…
“” പേര്…….....?””
“ ടോണി……….””
അയാൾ പേരു പാഡിൽ കുറിച്ചു കൊണ്ടു തന്നെ അവനെ നോക്കി…
“” മാറ്റർ……….?”
ഒരു നിമിഷം ഇരുവരും മിണ്ടിയില്ല…
“” ഇവന്റെ സിസ്റ്റർ മിസ്സിംഗാണു സർ…...... “”
ഷാഹുലാണ് മറുപടി പറഞ്ഞത്…
അയാൾ പേന റൈറ്റിംഗ് പാഡിലേക്ക് വെച്ച ശേഷം കസേരയിലേക്ക് ചാരി…
അയാളുടെ മുഖത്ത് ഒരു ചിരി ടോണി കണ്ടു..
“” നിങ്ങൾ പോയി പൊലീസിൽ കംപ്ലയിന്റ് കൊടുക്കൂ… “
അയാൾ വട്ടത്തൊപ്പി
💬 Comments
View all comments