Chapter Title : തിരോധാനം [കബനീനാഥ്]

ഞാൻ ഇതു തുടങ്ങിയത്…… ലൈഫൊക്കെ ട്രാജഡിയായപ്പോൾ ഒരു നേരം പോക്ക്… പക്ഷേ, ഇന്നുവരെ കേസിന്റെ കാര്യം പറഞ്ഞ് ഒരാളും വന്നിട്ടില്ല… “

ടോണി നിരാശയോടെ ഷാഹുലിനെ നോക്കി.

“” നിങ്ങൾക്ക് എന്റെ മക്കളുടെ പ്രായമേ ഉള്ളു… സൊ, ഞാൻ പറയുന്നത് കേൾക്കുക…”

ഇത്തവണ അയാളുടെ സ്വരം മയപ്പെട്ടിരുന്നു…

“” ഒരാളുടെ ജീവനാണ് വലുത്… അതുകൊണ്ട് എത്രയും പെട്ടെന്ന് പൊലീസിനെ അറിയിക്കുക.. “

“” ഇത് പൊലീസ് കുറേ അന്വേഷിച്ചതാണ് സർ… …. “

ടോണിയുടെ ശബ്ദം പതറിയിരുന്നു…

അയാളുടെ മുഖത്തൊരു മിന്നലുണ്ടായി…

“” സൊ, നൊ റിസൾട്ട്… “”

ടോണിയുടെ മുഖത്തു നോക്കിക്കൊണ്ടു തന്നെ അയാൾ, അവൻ നീക്കി വെച്ച ഫയൽ കയ്യിലെടുത്തു…

അയാളതിന്റെ സിബ്ബ് വലിച്ചു നീക്കി..

കുറേ പത്രക്കട്ടിംഗുകളും പരാതികളും പകർപ്പുകളുമായിരുന്നു അതിൽ…

ആദ്യം കണ്ട പത്രവാർത്തയിൽ അയാളുടെ കണ്ണുകളുടക്കി…

ടെസ്സ തിരോധാനം……….

അന്വേഷണം ക്രൈം ബ്രാഞ്ചിന്..

അയാൾ നേരിയ നടുക്കത്തോടെ ടോണിയേയും ഷാഹുലിനെയും മാറി മാറി നോക്കി…

“” വാട്ട് ഡു യു മീൻ……….?””

അയാൾ വട്ടത്തൊപ്പി തലയിൽ നിന്ന് എടുത്ത് ഇടതു കയ്യാൽ ശിരസ്സൊന്നുഴിഞ്ഞു…

“” ഇത് ക്രൈം ബ്രാഞ്ച് അന്വേഷിച്ച് ഒഴിവാക്കിയ കേസല്ലേടോ……….?””

“” അതേ സർ………..”

“” എന്നിട്ടാണോ എന്നെ…….....””

അയാൾ പൂർത്തിയാക്കാൻ വന്നത് വിഴുങ്ങി…

“” സർ ഒരു ഡിക്റ്റടീവല്ലേ… സാറിന് കഴിവില്ലാഞ്ഞിട്ടല്ലല്ലോ.. ആരും വരാഞ്ഞിട്ടല്ലേ കേസ് കിട്ടാതിരുന്നത്…?””

ഷാഹുലാണത് പറഞ്ഞത് …

അയാൾ മയപ്പെട്ടു തുടങ്ങിയെന്ന് ഇരുവർക്കും മനസ്സിലായി…

“” അതു പിന്നെ എനിക്കു വട്ടാണെന്നു പറഞ്ഞു പരത്തിയാൽ ആരെങ്കിലും ഇങ്ങോട്ടു വരുമോ… ?”

“”