Chapter Title : തിരോധാനം [കബനീനാഥ്]

ഉഴിഞ്ഞു..

“”കളക്ട്റേറ്റിൽ ആറുമാസം നിരാഹരമിരുന്നിട്ടാ ക്രൈം ബ്രാഞ്ച് അന്വേഷണം തന്നെ പ്രഖ്യാപിച്ചത്… അവർക്കും ലോക്കൽ പൊലീസ് പറഞ്ഞതിൽ കൂടുതൽ ഒന്നുമില്ല… “

അയാൾ ഷാഹുലിനെ കയ്യെടുത്ത് മതിയെന്ന് വിലക്കി…

“” വാർത്ത ഞാനും കണ്ടിരുന്നു… ഒരു ടൗണിൽ വെച്ച് സി.സി. ടി.വിയിൽ പെട്ടതാണ് അവസാന ദൃശ്യം… അല്ലേ… ? “

അയാൾ ടോണിയെ നോക്കി…

ടോണി തല കുലുക്കി..

“” വർഷം മൂന്നായി അല്ലേ… ?””

അതിനും ടോണി തല കുലുക്കി…

“” നമ്മൾ എവിടെ തുടങ്ങും… ? ഒന്നാമത് പൊലീസ് അന്വേഷിച്ചു അവസാനിപ്പിച്ച കേസ്……”

അയാൾ നേരിയ നിരാശയോടെ മേശയിലേക്ക് പുറം ചാരി..

“” ഞങ്ങളുടെ ഒരു സംശയം മാത്രമാണ് സർ… “”

പറഞ്ഞിട്ട് ഷാഹുൽ അയാളിലേക്കടുത്തു…

അയാൾ കണ്ണുകൾ വിടർത്തി , ഷാഹുലിനെ നോക്കി…

ഷാഹുൽ ടോണിയെ ഒന്നു നോക്കി…

ടോണി അവന് മൗനാനുവാദം നൽകി..

“” കോളേജിൽ വന്ന ശേഷമാണ് ഞങ്ങൾ പരിചയപ്പെട്ടത്… ഇവന്റെ സിസ്റ്ററിന്റെ ഇൻസിഡന്റ് അറിഞ്ഞതും പരിചയപ്പെട്ടതും കോളേജിൽ വെച്ചു തന്നെയാണ്.. “”

ഷാഹുൽ ഒന്നു നിർത്തി വീണ്ടും അയാളിലേക്കടുത്തു…

“” ഇവന്റെ സിസ്റ്റർ പഠിച്ചിരുന്ന കാലത്തെ ഒരു സീനിയർ സ്റ്റുഡന്റും ഇതു പോലെ തന്നെ മിസ്സിംഗാണ്… “”

ഒരു ചെറിയ ഇളക്കം അയാളുടെ ശരീരത്തിലുണ്ടായത് ടോണി കണ്ടു..

“” അയാൾ എന്റെ നെയ്ബറാണ്… ഒരു ജിതേഷ്…””

ഷാഹുൽ വീണ്ടും നിർത്തി ശ്വാസമെടുത്തു…

“” ബട്ട്.., ജിതേഷും ടെസ്സ ചേച്ചിയും തമ്മിൽ അഫയറൊന്നും ഉള്ളതായി അറിവില്ല…ടെസ്സ ചേച്ചിയ്ക്ക് മറ്റൊരു അഫയർ ഉണ്ടായിരുന്നു എന്നാണ് അറിയാൻ കഴിഞ്ഞത്… “

അയാൾ ഷാഹുൽ പറയുന്നത് ശ്രദ്ധിച്ചു നിന്നു..

ടോണി ശ്വാസം ധൃതിയിൽ വലിച്ചു വിട്ടു കൊണ്ടിരുന്നു…

“”ടെസ്സ ചേച്ചിയുടെ ആൾ, കൊല്ലപ്പെടുകയായിരുന്നു… ഒരു ആക്സിഡന്റിൽ…….....””

ഒരു തിരയിളക്കത്തിൽ ടോണിയുടെ ശരീരം വിറച്ചു…

അത് അയാളിലേക്കും പടർന്നത് ഷാഹുൽ കണ്ടു…

ഒന്നല്ല… ….

രണ്ട് തിരോധാനങ്ങൾ…....!

ഒരു ആക്സിഡന്റ്…….....!

ഒരു പ്രത്യേക ശൗര്യത്തോടെ അയാൾ മേശയിൽ നിന്ന് നിവർന്നു…

പൊലീസ് അന്വേഷിച്ചത് ഒരു കേസ് ആകാം…

അല്ലെങ്കിൽ രണ്ടും ചേർത്ത്…

ട്രഞ്ചിനപ്പുറം ശത്രുവിന്റെ ചൂരടിച്ചതു പോലെ