Chapter Title : തിരുവോണം [Shahana]

അവർ യാത്രയായി . അവൾ ഡോർ ലോക്ക് ചെയ്തു തൻറെ ബാല്കണിയിലേക്ക് നടന്നു പോയി . 'നിമ്യ '...അതായിരുന്നു അവളുടെ പേര് . നഗരത്തിലെ ഏറ്റവും ഉന്നത നിലവാരമുള്ള ഒരു സ്കൂളിൽ പ്ലസ്ടുവിന് പഠിക്കുന്നു . വിലകൂടിയ വസ്ത്രങ്ങളും , ആഡംബര കാറും, മറ്റുമൊക്കെയായി സുഖ സൗകര്യങ്ങൾ നിരനിരയായി പോവുന്നെങ്കിലും അവളുടെ ജീവിതം നൂലുപൊട്ടിയ ഒരു പട്ടം പോലെയാ ഏകാന്തതയിൽ അലഞ്ഞു നടക്കുകയാണ്. രവിയും, സുമിത്രയും പോയതിനു ശേഷം അവൾ നേരെപോയതു ബാൽക്കണിയിലൂടെയുള്ള ദൂരെക്കാഴ്ചകൾ ആസ്വദിക്കാനാണ്. ദൂരെ നോക്കെത്താ ദൂരത്തു പരന്നു കിടക്കുന്ന നീലാകാശം. പക്ഷി കൂട്ടങ്ങൾ ഒരു ദിക്കിൽ നിന്നും മറ്റൊരു ദിശയിലേക്ക് പറന്നു പോകുന്നു . തന്റെ ജീവിതത്തെക്കുറിച്ച് ആലോചിക്കുമ്പോൾ ആ പക്ഷിക്കൂട്ടത്തിന്റെ ജീവിതം എത്ര സുന്ദരമാണെന്നു അവൾക്ക് തോന്നിപ്പോയി . എത്ര ഭാഗ്യവാന്മ്മാരാണ് അവറ്റകൾ. ഒരു വിലക്കുകളുമില്ലാതെ ഭൂമിയില്ല ഏതൊരു കോണിലേക്കും സഞ്ചരിക്കാൻ അവർക്ക് കഴിയും. താഴേക്ക് നോക്കുമ്പോൾ അവിടെ ഒരു ഉത്സവാതുലയമായ അന്തരീക്ഷമാണ് ഒരുക്കിയിരിക്കുന്നത് . വലിയ ഒരു സ്റ്റേജ് തന്നെ ഒരുങ്ങി കഴിഞ്ഞു രാത്രിയിലെത്തെ പരിപാടികൾക്കായി . ഇത്തവണത്തെ ഓണാഘോഷം പൊടിപൊടിക്കുമെന്നു കഴിഞ്ഞ കമ്മറ്റയിൽ മാലതി ചേച്ചി പറഞ്ഞിരുന്നതായി അവൾ ഓർക്കുന്നു . വലിയ ഒരു അത്തപ്പൂക്കളം തന്നെ ഒരുക്കിയിട്ടുണ്ട് . പൂക്കളത്തിന്റെ ഭംഗി അവളുടെ കണ്ണുകൾക്ക് നിറമേകി . ' താഴെ പോയി നോക്കിയാലോ....!!.അല്ലെങ്കിൽ ....വേണ്ട....അവിടെ ചെന്നാൽ പിന്നെ ചോദ്യങ്ങളായി , രവിസാരെവിടെ....!!, സുമിത്രേച്ചി എന്താ വരാഞ്ഞേ......!!!....സൊസൈറ്റി ലേഡീസിന്റെ കുശുമ്പും, കുത്തിവെച്ച വാക്കുകളും അലസോരപ്പെടുത്തുമെന്നതിനാൽ അവൾ അവിടെ തന്നെ നിന്നു . അല്ലേലും ഇവറ്റകൾ മറ്റുള്ളവരുടെ കാര്യങ്ങളിൽ ആണല്ലോ