Chapter Title : തൂണും ചാരി നിന്നവൻ പെണ്ണും കൊണ്ട് പോയി!! [Smuggler]

എന്നൊക്കെ ഉള്ള ഒരു സങ്കടം വല്ലാതെ അലതല്ലിക്കൊണ്ടിരുന്നു! അതിനു സമാധാനം എന്നോണം വേറെ എങ്ങും കറങ്ങാതെ ഫുഡ് കോർട്ടിൽ മാത്രം വിഹാരം നടത്താം എന്നും സമാധാനിച്ചു ലുലുവിനു അകത്തേക്ക് വണ്ടി തിരിച്ചു. കുറെ നാളുകൾക്കു ശേഷം കയറിയത് കൊണ്ടാവാം, കൊറോണാക്കാലത്തെ അവിടത്തെ തിരക്ക് എന്നെ വല്ലാതെ അതിശയിപ്പിച്ചു! അവിടേക്കു വന്നാൽ കൊറോണ ചമ്മി പോവും, കൊറോണക്ക് കേറാൻ പോലും ഇടമില്ലാത്ത അത്ര തിരക്ക്. എല്ലാരും വീക്കെൻഡ് ആയിട്ട് ഇറങ്ങിയതാവും എന്നൊക്കെ ചിന്തിച്ചു നേരെ ഫുഡ് കോർട്ടിലേക്ക് വെച്ച് പിടിച്ചു. അവിടെ ചെന്ന് ഭക്ഷണവും ഓർഡർ ചെയ്തു മോശമല്ലാത്ത രീതിയിൽ വായനോക്കാൻ പറ്റുന്ന ഒരു ഇടത്തു പോയി ഇരിപ്പുറപ്പിച്ചു. ഏകദേശം ഒരു 15-20മീറ്റർ അകലത്തിൽ ഒരു 40 വയസ്സ് തോന്നിക്കുന്ന ഒരു ചേച്ചിയും മകളും ഇരുന്നു അന്യായമായ ഫോട്ടം പിടുത്തം, അവർ അവരുടേതായ ലോകത്തു ഒരുപാട് സന്തോഷിച്ചിരിക്കുന്നതു ഞാൻ കാണുന്നുണ്ടായി. കുറച്ചു അധികം നേരം ആയി അവരെ ശ്രദ്ധിക്കുന്നത് കണ്ടുകൊണ്ടാവാം ചേച്ചിയും ഇടയ്ക്കിടെ എന്നെ നോക്കുന്നുണ്ടോ എന്ന് എനിക്കും തോന്നി തുടങ്ങി. അധികം വൈകാതെ തന്നെ അത് വെറും തോന്നൽ മാത്രമല്ല എന്നും! ഏകദേശം ഒരു 5മിനിറ്റ്‌ കഴിഞ്ഞു കാണും, ആ ചേച്ചി മകളോട് ഒറ്റക്കിരിക്കുന്ന എന്നെ നോക്കി എന്തോ പറയുന്നത് പോലെ തോന്നി! വായിനോക്കി ആണെന്നൊന്നോ മറ്റോ ആവും എന്ന് കരുതി ഞാൻ അവിടുന്ന് നോട്ടം പിൻവലിച്ചു. എന്നാലും സാധാരണ അങ്ങിനെ ഉണ്ടാവാത്തതു ആണല്ലോ, മറ്റുള്ളവർ ശ്രദ്ധിക്കാതെയും നോട്ടമെത്തുന്ന ആൾക്ക് അരോചകം തോന്നാതെയും ആണ് ഞാൻ ഇതുവരെ കൈകാര്യം ചെയ്തിട്ടുള്ളു! എന്നാൽ ഇപ്പൊ ഒരു ചമ്മൽ. അങ്ങിനെ