Chapter Title : തുളസിദളം 5 [ശ്രീക്കുട്ടൻ]

അവളുടെ മുഖത്തേക്ക് അമ്പരപ്പോടെ നോക്കി… കുറച്ചുനേരം ഒന്നും മിണ്ടിയില്ല… കുനിഞ്ഞിരുന്നു തേങ്ങുന്ന വൃന്ദയെ നോക്കിയിരുന്നു, പിന്നീട് അവളുടെ രണ്ട് കൈകളും കോർത്തുപിടിച്ചു, വൃന്ദ ഞെട്ടി അവനെ നോക്കി

“ഉണ്ണി… തനിക്കറിയോ ഞാൻ ലോകത്തദ്യമായിട്ട് കാണുന്ന പെണ്ണിന്നുമല്ല താൻ… പക്ഷെ രുദ്ര് ഒരേയൊരു പെണ്ണിനേ മോഹിച്ചിട്ടുള്ളു… അവൾക്കുവേണ്ടി ജീവൻ പോലും കൊടുക്കണമെന്ന് തോന്നിയിട്ടുള്ളു, അത് താനാണ്… ഇനിയെന്നും അങ്ങനെത്തന്നെയായിരിക്കുകേം ചെയ്യും… തന്നെ നേരിൽ കാണും മുന്നേ ഭൈരവ സാമി എനിക്ക് തന്നെ കാണിച്ചു തന്നതാണ്… ഇനിയെന്തിന്റെ പേരിലും അത് ജാതകദോഷമോ മറ്റെന്തോ… എന്തായാലും തന്നെ ഞാൻ സ്വന്തമാക്കും, എന്റെ ജീവനെപ്പോലെ സ്നേഹിക്കും അതെന്റെ വാക്കാണ്, നായ്ക്കർമാർ ഒരിക്കലും വാക്ക് മാറ്റിപറയില്ല… ആ കുടുംബത്തിന്റെ അന്തസ്സ് ഞാനും കാക്കും…”

രുദ്ര് വീറോടെ പറഞ്ഞു, വൃന്ദ കണ്ണ് മിഴിച്ച് അവനെ നോക്കിയിരുന്നു

“പിന്നെ… തനിക്കെന്നോട് യാതൊരു ഫീലിങ്ങും ഇല്ലന്ന് പറഞ്ഞത്… നുണ… നല്ല കല്ലുവച്ച നുണ… തന്റെ കണ്ണുകളിൽ കാണാം… എന്നോടുള്ള തന്റെ സ്നേഹം… ആ സ്നേഹത്തിന്റെ ആഴം… എനിക്ക് തന്നോടുള്ളത് ഒരാണിന് പെൺശരീരത്തോട് തോന്നുന്ന ആകർഷണം മാത്രമല്ല അത് താൻ മനസ്സിലാക്കണം എന്നെനിക്കുണ്ട്… തന്നെ പ്രണയിക്കാൻ തുടങ്ങിയത് ഇന്നോ ഇന്നലയോ അല്ല… നീയാണെന്റെ ഉള്ളു നിറയെ…”

വൃന്ദ എന്തോ പറയാനായി വന്നത് രുദ്ര് കയ്യുയർത്തി തടഞ്ഞു

“താൻ പേടിക്കണ്ട എനിക്ക് തന്നോടുള്ള വികാരം അതിനെ ഞാൻ പ്രണയമെന്ന് വിളിക്കുന്നു… അതെന്റെ മാത്രം സ്വകാര്യതയാണ്… നമ്മളെക്കുറിച്ച് മറ്റൊരാൾ മോശം പറയാൻ ഞാൻ അനുവദിക്കില്ല… അതിനർത്ഥം ഞാൻ മറ്റുള്ളവരെ പേടിക്കുന്നു എന്നല്ല… ഞാൻ ഈ ഒരു കാര്യവും പറഞ്ഞു ഇനി തന്റെ മുന്നിൽ