Chapter Title : തുടക്കവും ഒടുക്കവും 2 [ശ്രീരാജ്]

പറഞ്ഞു.. നൗഫൽ : ഞാൻ ഒരു പത്തു മിനിറ്റിൽ അങ്ങോട്ട് എത്തും. നമുക്ക് ഒരു സ്ഥലം വരെ പോവാം. മഞ്ജിമ : എങ്ങോട്ടാ... മറുപടി ഉണ്ടായിരുന്നില്ല, നൗഫൽ ഫോൺ കട്ട്‌ ചെയ്തു. മഞ്ജിമക്ക് ഒന്നും മനസ്സിലായില്ല. അന്തം വിട്ട് ഇരുന്നിടത്തു തന്നെ ഇരുന്നു മഞ്ജിമ. സമയം ഇഴഞ്ഞു നീങ്ങുന്ന പോലെ തോന്നി മഞ്ജിമക്ക്. പറഞ്ഞപോലെ തന്നെ നൗഫലിന്റെ കാർ വന്നു നിന്നു കടയുടെ മുൻപിൽ. മഞ്ജിമ സീറ്റിൽ നിന്നും എഴുന്നേറ്റു കാറിനു നേരെ നോക്കി. കാറിന്റെ ഹോൺ മുഴങ്ങി രണ്ട് വട്ടം. സുനിലിനെ സാക്ഷി ആക്കി മഞ്ജിമ പതിയെ നടന്നു കാറിനു അടുത്തേക്ക്, തല കുനിച്ചു കൊണ്ട്. കാറിനു അടുത്തെത്തിയപ്പോൾ സൈഡ് ഗ്ലാസ് താഴ്ത്തി കൊണ്ട് നൗഫൽ പറഞ്ഞു : വേഗം കയറ്. മഞ്ജിമക്ക് എന്ത് ചെയ്യണം എന്നറിയില്ലായിരുന്നു. മഞ്ജിമയുടെ നിൽപ് കണ്ട് നൗഫൽ കൂളിംഗ് ഗ്ലാസ്‌ അഴിച്ചു വച്ചു വീണ്ടും പറഞ്ഞു : വേഗം കയറാൻ. മഞ്ജിമ ഡോർ തുറന്നു പതിയെ കാറിലേക്ക് കയറി. കയറി ഇരുന്ന ശേഷം സുനിലിന്റെ മുഖത്തേക്ക് നോക്കി. സുനിലിന്റെ മുഖത്ത് നിരാശ ഭാവം മഞ്ജിമ കണ്ടു.

കാർ നീങ്ങി തുടങ്ങി, നൗഫൽ സൈഡ് മിറർ കയറ്റി മുഴുവനായും. കാലുകളും കൈകളും കൂട്ടിപിടിച്ചു പേടിച്ചു കൊണ്ട് മഞ്ജിമ ചോദിച്ചു : എങ്ങോട്ടാ?.. നൗഫൽ ചിരിച്ചു കൊണ്ട് മഞ്ജിമക്ക് നേരെ നോക്കി പറഞ്ഞു : ഇങ്ങനെ പേടിച്ചാലോ, ഞാൻ തിന്നതൊന്നും ഇല്ല. നൗഫൽ പാട്ടു ഓൺ ചെയ്തു. കൂടാതെ ഓരോ കാര്യങ്ങൾ ചോദിച്ചു തുടങ്ങി. വീട്ടിലെ വിശേഷങ്ങൾ മുതൽ വിനയന്റെ കാര്യങ്ങൾ വരെ. പതിയെ പതിയെ മഞ്ജിമയുടെ പേടി അകന്നു പോയ്കൊണ്ടിരുന്നു. ഇടക്കുള്ള നൗഫലിന്റെ വളിച്ച തമാശയിൽ മഞ്ജിമ അറിയാതെ കൂടെ ചിരിച്ചു പോയി. 45 മിനിറ്റോളം കഴിഞ്ഞിരിക്കുന്നു കാറിൽ യാത്ര തുടങ്ങിയിട്ട്. കാർ ഇപ്പോൾ മെയിൻ റോഡ് വിട്ട് കുന്നു കയറി കൊണ്ടിരിക്കുക ആണ്. മെയിൻ റോഡിൽ നിന്നും തിരിയുമ്പോൾ മഞ്ജിമ ബോർഡ്‌ വായിച്ചു " ഫ്രണ്ട്‌സ് ക്രഷേഴ്സ്".... കാർ തിരിഞ്ഞും മറിഞ്ഞും കുന്ന് കയറി കൊണ്ടിരുന്നു. ഇടക്കിടക്ക് വലിയ ലോറികൾ കല്ല്