Chapter Title : തുടക്കവും ഒടുക്കവും 5 [ശ്രീരാജ്]

ചിരിച്ചു........ എന്നിട്ട് പറഞ്ഞു : ഛേ,, വെറുതെ അവനു മെസ്സേജ് അയക്കാൻ പോയി.

ഫാത്തിമ : ഓ പിന്നെ, അവനു മെസ്സേജ് അയച്ചത് എന്തോ ഭാഗ്യം ആയാണ് ഞാനിപ്പോൾ കാണുന്നത്. നാളെ ഒരിക്കൽ അവന്റെ കല്യാണം കഴിഞ്ഞു ആണ് അവനെ കണ്ടിരുന്നെങ്കിൽ ഉള്ള അവസ്ഥ ആലോചിച്ചു നോക്ക്, വെള്ളമടിച്ചു ഡിപ്രെഷൻ അടിച്ചു, നിന്റെ അവസ്ഥ ആലോചിക്കാൻ കൂടെ വയ്യ എനിക്ക്. ഇനി അന്ന് വേറെ വല്ല തീരുമാനവും ആണ് നീ എടുക്കുന്നത് എങ്കിലോ, അവന്റെ ജീവിതം കുളം തോണ്ടാൻ....

മഞ്ജിമ മുഖം കൂർപ്പിച്ചു കൊണ്ട് : ഞാൻ അങ്ങിനൊന്നും ചെയ്യില്ല അവനെ.

ഫാത്തിമ : എടി നിന്റെ ഉള്ളിലുള്ള സ്നേഹം ആണ് ഇങ്ങനെ ഒക്കെ നിന്നെ കൊണ്ട് പറയിക്കുന്നത്. ജയിലിൽ പോകുമ്പോൾ ആ പന്ന നാറിയെ ഒറ്റികൊടുക്കാതെ ഞാൻ ആണ് നോക്കിയത്. ഉള്ളിലെ സ്നേഹം കൊണ്ട്. പുറത്തു അയാൾ ഉണ്ടാവും തനിക്കു വേണ്ടി എന്ന് പ്രതീക്ഷിച്ചു കൊണ്ട്....പക്ഷെ അയാൾ......

ഫാത്തിമ പല്ല് ഞെരിച്ചു.......... പിന്നീട് പറഞ്ഞു : കുളം തോണ്ടി ഞാൻ അയാളുടെ ജീവിതം. നശിപ്പിച്ചു കയ്യിൽ കൊടുത്തു. നരകിച്ചു നരകിച്ചു ആണ് അയാൾ ചത്തത് . പക്ഷെ വഴിയാധാരം ആയ രണ്ട് പേരുണ്ടായിരുന്നു. ഭാര്യയും മകനും. മകനെ ഞാൻ ട്രസ്റ്റ്‌ വഴി പഠിപ്പിച്ചു ഒരു എഞ്ചിനീയർ ആക്കി. ഇന്നും വരുന്നുണ്ട് അവന്റെ ലെറ്റർ, എന്നോടുള്ള സ്നേഹവും കടപ്പാടും പറഞ്ഞു.

മഞ്ജിമ അന്തം വിട്ടു തന്നെ നോക്കി ഇരുന്നു ഫാത്തിമയെ, താൻ ഇതു വരെ അറിയാത്ത ഫാത്തിമയുടെ കഥ കേട്ടു കൊണ്ട്.

ഫാത്തിമ ആഞ്ഞു വലിച്ചു ഗ്ലാസ്സിലെ ബാക്കി ഉള്ളത് കൂടെ . കുറച്ച് നേരത്തെ ശാന്തതക്കു ശേഷം പറഞ്ഞു : നിനക്കാണ് രണ്ട് വഴികൾ ഉള്ളത്. അവനു, അഭിക്കല്ല. അവന്റെ വഴി ഒന്നേ ഉള്ളു, നിന്റെ ഭർത്താവ് എന്ന വഴി. ബാക്കി നീ തീരുമാനിക്ക്.

മഞ്ജിമ : കഷ്ടപ്പെട്ട് ഉണ്ടാക്കിയ ജീവിതം എന്ത് വന്നാലും ഞാൻ വിട്ടു കൊടുക്കില്ല ഇത്ത. കുടുംബിനി ആയി ഇരുന്ന കാലം കഴിഞ്ഞു. അത് പണ്ടേ ഉപേക്ഷിച്ചത് ആണ്. ഇനി ഒരു തിരിച്ചു