Chapter Title : ടോക്സിക് [സാത്യകി]

'വയ്യ സാർ.. ഇനിയും പറ്റില്ല..'

സുനി അവശത അഭിനയിച്ചു പറഞ്ഞു

'അയ്യേ...'

രോഹൻ ഒരു അവജ്ഞയോടെ സുനിയെ നോക്കി

'ആഹ്.. വയ്യെങ്കിൽ ചെല്ല്..'

പൊക്കോളാൻ സുനിക്ക് രോഹൻ അനുവാദം കൊടുത്തു

സുനി പോകാനായി തിരിഞ്ഞപ്പോ ആണ് റോസ് ബാത്‌റൂമിൽ നിന്ന് പുറത്തിറങ്ങിയത്.. തങ്ങൾ പ്ലാൻ ചെയ്തത് വർക്ക്‌ ആയതിന്റെ സന്തോഷം അവളുടെ മുഖത്ത് ഉണ്ടായിരുന്നു. ആ നന്ദിയിൽ റോസ് സുനിയെ നോക്കി ചെറുതായ് ഒന്ന് ചിരിച്ചു.. ഒപ്പം മനസ്സിൽ ഇവനേ ഇനി ഒരിടത്തു വച്ചും കാണരുതേ എന്ന് കൂടി മനസ്സിൽ പ്രാർഥിച്ചു..

ഇത്രയും സംഭവബഹുലമായ ഒരു കാര്യം തന്റെ ജീവിതത്തിൽ സംഭവിച്ചത് സുനിക്ക് ആരോടും പറയാൻ കഴിഞ്ഞില്ല. ബാലുവിനോട് എങ്കിലും അത് പറയണം എന്ന് സുനിക്ക് ഉണ്ടായിരുന്നു. പക്ഷെ റോസിന്റെ ആ സാഹചര്യം മനഃപൂർവം അല്ലെങ്കിലും മുതലാക്കേണ്ടി വന്നത് ഒരു വീരകൃത്യം അല്ലെന്ന് അറിയാവുന്നത് കൊണ്ട് സുനി അതിനെ പറ്റി ആരോടും വാ തുറന്നില്ല..

രോഹനിൽ നിന്ന് പിന്നീട് ഒരു ഉപദ്രവം സുനിക്ക് അങ്ങനെ ഉണ്ടായില്ല. സത്യത്തിൽ രോഹൻ അത് മറന്നു പോയോ എന്ന് തന്നെ സുനിക്ക് തോന്നി. പകുതി സമയം വെള്ളത്തിലും പകുതി സമയം മയക്ക് മരുന്നിലും നടക്കുന്ന രോഹന് ചിലപ്പോൾ അന്ന് നടന്നത് മറന്നു കാണുമെന്നു സുനി കരുതി

ഷൂട്ടിംഗ് പിന്നെയും മുന്നോട്ടു പോയി.. ഒരു ദിവസം ഉച്ചക്ക് സെറ്റിലേക്ക് ഒരു ബ്ലാക്ക് BMW പാഞ്ഞു വന്നു നിന്നു. 666 എന്ന നമ്പർ ഉള്ള ആ കാർ ആരുടെ ആണെന്ന് അവിടെ ഉള്ള എല്ലാവർക്കും അറിയാം. സാക്ഷാൽ അലക്സാണ്ടർ ചമ്പാരന്റെ കാർ ആണത്. ചമ്പാരൻ കുടുംബത്തിലെ ഏറ്റവും മുതിർന്ന ആളായത് കൊണ്ട് അങ്ങേരെ എല്ലാവരും "പെരിയവർ" എന്നാണ് പൊതുവെ വിളിക്കുന്നത്..

പെരിയവരുടെ അടുത്ത് ആർക്കും അങ്ങനെ ചെല്ലാൻ പറ്റില്ല. സെറ്റിൽ വന്നാൽ ആ നിമിഷം ഷൂട്ട് നിർത്തി വയ്ക്കും. ആൾ പോയി കഴിഞ്ഞിട്ടേ പിന്നെ എല്ലാം ഉണ്ടാകൂ. ഫോണിൽ പോലും ആളുടെ ഫോട്ടോ എടുക്കാൻ ആർക്കും അനുവാദം ഇല്ല. അത് കൊണ്ട് തന്നെ പെരിയവരെ നേരിട്ട് കണ്ടിട്ടില്ലാത്ത ഒരാൾക്ക് പുള്ളിയെ അറിയില്ല. നെറ്റിൽ പോലും ഒരു