ട്വിൻ ഫ്ലവർസ് 3 [Eros - God of Lust]

വിഷമം ഉള്ളില്‍ നിന്നു. ആദ്യമായിട്ട് ചേട്ടൻ ആഗ്രഹത്തോടെ എന്റെ ഡ്രസ് സെറ്റ് ചെയ്തു തന്നപ്പോ ഞാൻ ചേട്ടനെ നിരാശപ്പെടുത്തുകയല്ലേ ചെയ്തത്....!! എനിക്കൊരു സമാധാനവും കിട്ടിയില്ല.

“വാ, വേഗം കോഫീ കുടിച്ചിട്ട് പോകാം. ഇപ്പഴേ ഒത്തിരി ലേറ്റായി.”

അങ്ങനെ ചേട്ടൻ ഉണ്ടാക്കി ഫ്ലാസ്ക്കിലാക്കിയിരുന്ന കോഫീ മാത്രം ഞങ്ങൾ ഒഴിച്ചു കുടിച്ചിട്ട് വേഗം ഇറങ്ങി.

പള്ളിക്കടുത്ത് പാർക്കിംഗ് കിട്ടിയില്ല. പള്ളിക്ക് എതിർ വശത്തായി റോഡിനപ്പുറം വലത്തോട്ട് മാറി ഉണ്ടായിരുന്ന ഒരു വലിയ ഹോട്ടലിന് മുന്നില്‍ ഉണ്ടായിരുന്ന പാർക്കിംഗിലാണ് ചേട്ടൻ വണ്ടി പാർക്ക് ചെയ്തു.

“സർ... ഇങ്ക കസ്റ്റമർസ് മട്ടുംതാൻ അലവ് പണ്ണുവോം.” അവിടെ ഉണ്ടായിരുന്ന സെക്രട്ടറി ചേട്ടനോട് പറഞ്ഞു. എന്നിട്ട് അയാൾ എന്നെ ഭ്രമിച്ചു നോക്കി നിന്നു.

തെറ്റായ തരത്തിലല്ല അയാള്‍ നോക്കിയത്. അതുകൊണ്ട്‌ അതിൽ എനിക്ക് പ്രശ്നമൊന്നും ഇല്ലായിരുന്നു. പക്ഷേ എനിക്ക് ചെറിയ അസ്വസ്ഥതയും ഒരു കുഞ്ഞ് നാണവും തോന്നി. സ്വബോധം വീണ്ടെടുത്ത് അയാള്‍ വേഗം എന്റെ മേല്‍ നിന്നും കണ്ണുകൾ പിന്‍വലിച്ച് ചേട്ടനെ നോക്കി.

ചേട്ടന്റെ കണ്ണില്‍ ചെറിയ അസൂയ പെട്ടന്ന് മിന്നി മറയുന്നത് ഞാൻ കണ്ടു. ചേട്ടന്റെ അസൂയ കണ്ടതും എനിക്ക് സന്തോഷമാണ് ഉണ്ടായത്

ഞാൻ ചേട്ടന്റെ മാത്രമാണെന്ന ചിന്ത കാരണമല്ലേ ചേട്ടന് അസൂയ തോന്നിയത്‌..? ദൈവമേ... അങ്ങനെ ആയിരിക്കണേ..!! ഉള്ളില്‍ ഞാൻ പ്രാര്‍ത്ഥിച്ചു.

“പള്ളിയില്‍ മാസ് കഴിഞ്ഞതും ഞങ്ങൾ ബ്രേക്ക് ഫാസ്റ്റ് കഴിക്കാൻ ഇങ്ങോട്ട് വരും.” ചേട്ടൻ ആ സെക്യൂരിറ്റിയോട് പറഞ്ഞു.

“അപ്പോ പറവായില്ല, സർ. നീങ്ക പോയിട്ട് വാങ്ക.” സെക്യൂരിറ്റി ഉടനെ സമ്മതിച്ചു. അയാളുടെ നോട്ടം ഒരിക്കൽ കൂടി എന്റെ മേല്‍ പാളി വീണു.

“ഡാലി വാ, പോകാം. മാസ് പകുതിയും കഴിഞ്ഞിട്ടുണ്ടാവും.” ചേട്ടൻ വല്ലാത്ത തിടുക്കം കൂട്ടിയിട്ട് വേഗം വണ്ടിയില്‍ നിന്നിറങ്ങി.

ചേട്ടന്റെ ശബ്ദത്തില്‍ കലര്‍ന്നിരുന്ന അസൂയ ഞാൻ അറിഞ്ഞ് ഉള്ളില്‍ ചിരിച്ചു.

എന്നു മുതലാണ് പള്ളിയില്‍ പോകാൻ മാത്രം ഭക്തി ചേട്ടന് ഉണ്ടായത്...!! ആ സെക്യൂരിറ്റി എന്നെ നോക്കുന്നത് കൊണ്ടുള്ള അസൂയ കാരണമാണ് ഈ തിടുക്കമെന്ന് മനസ്സിലായി.

ചേട്ടൻ വേഗം വന്ന് എന്റെ സൈഡ് ഡോർ തുറന്നു തന്നപ്പോ ഉള്ളില്‍ ചിരിച്ചുകൊണ്ട് ഞാൻ ഇറങ്ങി.

ഞാൻ ഇറങ്ങി ചേട്ടന്റെ കൂടെ നടന്നു. എന്റെ ശ്രദ്ധ ഒന്നും ഇവിടെ അല്ലായിരുന്നു. വീട്ടില്‍ വച്ച് ചേട്ടൻ എന്നെ വര്‍ണിച്ചതിൽ ആയിരുന്നു ചിന്ത മുഴുവനും. പിന്നെ ഇപ്പൊ കണ്ട അസൂയയിലും എന്റെ ചിന്ത മുഴുകി. മുന്‍പ് ഡെയ്സിയെ ആരെങ്കിലും നോക്കുമ്പോ മാത്രമേ ചേട്ടനിൽ അസൂയ ഞാൻ കണ്ടിട്ടുള്ളു. ഇപ്പൊ അതേ അസൂയ എനിക്കുവേണ്ടി ചേട്ടന്റെ മുഖത്ത് കണ്ടപ്പോ എനിക്ക് സന്തോഷം ഉള്ളില്‍ നിറഞ്ഞു തുളുമ്പി.

“ഡാലി...!! “ പെട്ടന്ന് ചേട്ടന്റെ ഭയന്ന ശബ്ദവും, ചേട്ടന്റെ കൈ എന്നെ പിടിച്ചു വലിച്ച് എന്റെ തോളത്ത് വളച്ചു പിടിച്ച് എന്നെ ചേട്ടനോട് ചേര്‍ത്തു പിടിച്ചു നിര്‍ത്തിയപ്പോഴുമാണ് പരിസരത്തെ കുറിച്ചെനിക്ക് ബോധം വന്നത്.

അപ്പോഴാണ് പരിസരബോധം ഇല്ലാതെ തിരക്കുപിടിച്ച റോഡില്‍ ഞാൻ കേറി എന്നും. ചേട്ടൻ പെട്ടന്ന് എന്നെ വലിച്ച് ചേട്ടനോട് ചേര്‍ത്തു നിർത്തി എന്നും മനസ്സിലാക്കിയത്.

“സോറി