ട്വിൻ ഫ്ലവർസ് 3 [Eros - God of Lust]

ചേട്ടാ.... ഞാൻ എന്തോ ചിന്തയിൽ—” അപ്പോഴാണ് എന്റെ സൈഡിൽ നിന്ന് എന്റെ തോളില്‍ കൈ ചുറ്റി എന്നെ ചേര്‍ത്തു പിടിച്ചിരുന്ന ചേട്ടന്റെ മുഖത്തേക്ക് ഞാൻ തല ചെരിച്ചുയർത്തി നോക്കിയത്.

ചേട്ടന്റെ മുഖം ശെരിക്കും വിളറി പോയിരുന്നു.... എനിക്ക് എന്തെങ്കിലും സംഭവിക്കുമായിരുന്നു എന്ന ഭയമായിരുന്നു കാരണം. എന്റെ മേലുള്ള പിടിത്തം ഇപ്പോഴും അയഞ്ഞിട്ടില്ല.

“ഇങ്ങനെയാണോ ബോധം ഇല്ലാതെ റോഡ് മുറിച്ചു കടക്കേണ്ടത്...?” ചേട്ടൻ ഭയങ്കരമായി ചൂടായി.

ചേട്ടൻ ചൂടായതും എനിക്ക് പെട്ടന്ന് സങ്കടം വന്നു. കണ്ണുകൾ നിറഞ്ഞു. ചുണ്ടുകള്‍ താനേ വിതുമ്പി. ജീവിതത്തില്‍ ആദ്യമായിട്ടാണ് ചേട്ടൻ എന്നോട് ചൂടായത്.

എന്റെ പ്രതികരണം ചേട്ടന്റെ മുഖം പെട്ടന്ന് ശാന്തമായി. മുഖത്ത് സങ്കടവും കണ്ടു.

“സോറി ചേട്ടാ.” എന്റെ സങ്കടവും വിതുമ്പലും എല്ലാം എങ്ങനെയോ അടക്കിക്കൊണ്ട് ഞാൻ പറഞ്ഞു... പക്ഷേ എന്തുതന്നെ ആയാലും, എനിക്കുവേണ്ടി ജനിച്ച ചേട്ടന്റെ ഭയം ഓര്‍ത്ത് ഉള്ളില്‍ സന്തോഷം തോന്നാതിരുന്നില്ല....!!

ദേഷ്യപ്പെട്ടതും കരയുകയും ചെയ്യും.. ഉള്ളില്‍ സന്തോഷിക്കുകയും ചെയ്യും..... ശെരിക്കും എനിക്ക് ഭ്രാന്ത് തന്നെ.

“ശെരി വാ.” ചേട്ടൻ സ്നേഹത്തോടെ പറഞ്ഞു. എന്നിട്ട് എന്നെ ചേട്ടനോട് ചേര്‍ത്തു പിടിച്ചുകൊണ്ട് റോഡ് ക്രോസ് ചെയ്തത്.

എന്റെ ദൈവമേ... ഇത് സ്വപ്നം ആണോ...?! ചേട്ടൻ എന്നെ ചേര്‍ത്ത് പിടിച്ചുകൊണ്ട് നടക്കുന്നത് ഒന്നും വിശ്വസിക്കാനായില്ല.

റോഡ് ക്രോസ് ചെയ്ത ശേഷവും ചേട്ടൻ എന്റെ തോളില്‍ കൈയിട്ട് എന്നെയും ഒപ്പം കൂട്ടിയാണ് നടന്നത്.

എന്റെ സന്തോഷത്തിന് അതിരില്ലായിരുന്നു. ഞാനും ചേട്ടനെ ഇടുപ്പിൽ ഒരു കൈ ചുറ്റിപ്പിടിച്ചാണ് ഒപ്പം നടന്നത്.

വഴിയില്‍ ചില ആണുങ്ങള്‍ ഞങ്ങളെ നോക്കി. ചിലരുടെ മുഖത്ത് കൊതിയും ചിലരുടെ മുഖത്ത് അസൂയയും ഓക്കേ കണ്ടു. അപ്പോഴൊക്കെ ചേട്ടന്റെ പിടി എന്റെ മേല്‍ മുറുകി. എനിക്ക് ഉള്ളില്‍ ചിരിയും സന്തോഷവും അഭിമാനവും എല്ലാം ഉണ്ടായി.

പള്ളിക്ക് മുന്നില്‍ വന്നതും ചേട്ടൻ എന്റെ മേല്‍ നിന്നും കൈ എടുത്തുമാറ്റി. നിരാശയോടെ ഞാനും ചേട്ടന്റെ ഇടുപ്പിൽ നിന്നും കൈ മാറ്റി. പള്ളിയില്‍ പ്രസംഗം കഴിഞ്ഞ് എല്ലാവരും എഴുനേറ്റ് നിൽക്കാൻ തുടങ്ങിയ സമയത്താണ് ഞാനും ചേട്ടനും അകത്തു കേറി ആളുകൾ കുറവായിരുന്നു ബെഞ്ചിന് മുന്നില്‍ സ്ഥലം പിടിച്ചത്. ശേഷം മനസ്സിനെ എങ്ങനെയോ നിയന്ത്രിച്ചു കൊണ്ട്‌ കുര്‍ബാനയിൽ  ഞാൻ മാത്രം പങ്കെടുത്തു.

കള്ള ചേട്ടന് പണ്ടു മുതലേ ഒരു ഭക്തിയും ഇല്ലാത്തതാണ്. ഒന്നുകില്‍ ആന്റിയോ അല്ലെങ്കിൽ ഡെയ്സിയോ ചേട്ടനെ വില്‍ക്കുമ്പോള്‍ മാത്രമേ കുഞ്ഞുങ്ങളെ പോലെ ചിണുങ്ങി ക്കൊണ്ട് ചേട്ടൻ പള്ളിയില്‍ പോയിട്ടുള്ളത്. ഇപ്പൊ എനിക്കുവേണ്ടി മാത്രമാണ് ചേട്ടൻ പള്ളിയില്‍ വന്നതെന്നും അറിയാം. ചേട്ടന്‍ അകത്ത് വന്നതും, എല്ലാവരും എഴുന്നേറ്റാണ് നില്‍ക്കുന്നതെന്ന് കണ്ടിട്ടും കൂടി, നേരെ ബെഞ്ചിൽ കേറി ഇരിക്കുകയാണ് ചേട്ടൻ ചെയ്തത്.

ഞാൻ ഒരു നുള്ള് കൊടുത്തിട്ട് തുറിച്ചുനോക്കി, ഉടനെ ചേട്ടൻ ഞങ്ങൾ എല്ലാവരെയും പോലെ എണീറ്റു നിന്നിട്ട് രണ്ടു പോക്കറ്റിലും കൈയിട്ട് നിന്നു. ഞാൻ പിന്നെയും നുള്ളി. ഉടനെ പോക്കറ്റില്‍ നിന്നും കൈ മാറ്റി മുഖം വീർപ്പിച്ചു കൊണ്ട്‌ ഷർട്ടിന്റെ ഏറ്റവും താഴത്തെ ബട്ടണ്‍ ഊരിയും ഇട്ടും കളിക്കാന്‍ തുടങ്ങി. ഞാൻ പിന്നെയും നുള്ളി. ചേട്ടൻ