ട്വിൻ ഫ്ലവർസ് 4 [Eros - God of Lust]

അഞ്ച് പെണ്ണുങ്ങള്‍ ഇറങ്ങി. അവര്‍ അഞ്ചു പേരും അഞ്ച് കുട്ടികളെ കൂട്ടിക്കൊണ്ട് ടോയ്‌ലെറ്റുകളിൽ കയറി. അഞ്ച് ആണുങ്ങളും എല്ലാവർക്കും ഉള്ള കാശ് പേ ചെയ്തിട്ട് അവരും ടോയ്‌ലെറ്റ് ഉപയോഗിച്ച ശേഷം പുറത്തുവന്ന് സൂപ്പർ മാര്‍ക്കറ്റിൽ കേറി. അഞ്ച് സ്ത്രീകളും കുട്ടികളും അല്‍പ്പം കൂടി ലേറ്റ് ആയിട്ടാണ് ഇറങ്ങി വന്നത്. എന്നിട്ട് അവരും സൂപ്പർ മാര്‍ക്കറ്റിൽ കയറി ചെന്നു.

അഞ്ച് വണ്ടികള്‍ പമ്പിൽ കേറി സൂപ്പർ മാര്‍ക്കറ്റിന് മുന്നില്‍ പാർക്ക് ചെയ്യുന്ന സമയം, അവിടെതന്നെ വലിയ ലോറികള്‍ പാർക്ക് ചെയ്തിരുന്ന സ്ഥലത്ത്‌ നിന്നും നല്ല പൊക്കവും മസിലുമൊക്കെയുള്ള മൂന്ന്‌ പേര്‍ കാണുന്നുണ്ടായിരുന്നു. ആദ്യം അവർ അതൊന്നും വല്യ കാര്യമായി എടുത്തില്ല.

പക്ഷേ അവർ മൂന്ന്‌ പേരില്‍, ഇടതു കൈ ഇല്ലാത്ത ഒരുത്തൻ പെട്ടന്ന് പേടിച്ച് വിറച്ച് എന്തോ ശബ്ദം ഉണ്ടാക്കി. അപ്പോ മറ്റുള്ള രണ്ടുപേരും അവനെ നോക്കി.

ഇടതു കൈ ഇല്ലാത്തവരെ വെപ്രാളം പിടിച്ചു അല്‍പ്പം മുമ്പ്‌ വന്നു നിന്ന വണ്ടികളിൽ ഒരു വലിയ വണ്ടിക്ക് നേരെ നടുങ്ങുന്ന വലതു കൈ ചൂണ്ടി കാണിച്ചു. അപ്പോൾ അവന്റെ കൂടെയുള്ള രണ്ടുപേരും ആ വണ്ടിയെ സൂക്ഷിച്ചു നോക്കി. എന്നിട്ട് പരസ്പരം പേടിയോടെ നോക്കിയിട്ട്, അവർ കണ്ടത് സത്യമാണോ എന്നറിയാന്‍ അവർ ആ വണ്ടിയുടെ നമ്പര്‍ പ്ലേറ്റും സൂക്ഷിച്ചു നോക്കി.

നല്ല ലൈറ്റ് സൗകര്യങ്ങള്‍ ഉണ്ടായിരുന്നത് കൊണ്ട്‌ അവര്‍ക്ക് എല്ലാം വ്യക്തമായി കാണാന്‍ കഴിഞ്ഞു.

നമ്പര്‍ പ്ലേറ്റ് കണ്ടിട്ട് അവർ നടുങ്ങി വിറച്ചു കൊണ്ട്‌ പേടിയോടെ പിന്നെയും പരസ്പരം നോക്കി.

അന്നേരം ആ വണ്ടിയില്‍ നിന്നും അവർ ഉദ്ദേശിച്ച ആൾ തന്നെയാണോ ഇറങ്ങാന്‍ പോകുന്നതെന്ന്‌ അവർ പേടിയോടെ നോക്കി നിന്നു.

വണ്ടിയില്‍ നിന്നും റൂബിന്‍ പുറത്തേക്ക്‌ ഇറങ്ങി മറ്റുള്ള ആണുങ്ങളുടെ കൂടെ ടോയ്‌ലെറ്റിൽ കേറി പോകുന്നത് അവർ കണ്ടതും അവർ വിറച്ചു പോയി.

“ചെകുത്താന്‍....!!!!” മൂന്ന്‌ പേരും പേടിയോടെ ഒറ്റ സ്വരത്തില്‍ പറഞ്ഞു.

ഇടതു കൈ ഇല്ലാത്തവൻ വിറച്ചു കൊണ്ട്‌ അവന്റെ ഇടതു തോളില്‍ പേടിയോടെ നോക്കി. ആ ചെകുത്താന്‍ അവന്റെ വെറും കൈകൾ കൊണ്ട്‌ തന്റെ ഇടതു കൈ വലിച്ചു തിരിച്ച് ഓടിച്ച് പിഴുതെടുത്ത കാര്യം ഓര്‍ത്തതും അവന്‍ പിന്നെയും പേടിച്ചു വിറച്ച് തറയില്‍ ഇരുന്നു പോയി. അവന്‍ പോലും അറിയാതെ അവന്റെ ഒരു പ്രയോജനവും ഇല്ലാത്ത ലിംഗത്തില്‍ നിന്നും മൂത്രം തുള്ളിത്തുള്ളിയായി പുറത്തേക്ക് വന്ന് അവന്റെ ലുങ്കിയിൽ പടർന്നു പിടിച്ചു കൊണ്ടിരുന്നു.

റൂബി ഇവര്‍ക്ക്‌ നേരെ തിരിയുന്നത് പോലെ അവര്‍ക്ക് തോന്നിയ നിമിഷം ആ മൂന്ന്‌ പേരും വിറയലോടെ വേഗം ഓടിച്ചെന്ന് മൂന്ന്‌ ലോറിക്കകത്ത് കേറി ഇരുന്നു.

ഇടതു കൈ ഇല്ലാത്തവൻ അവന്റെ ഷർട്ട് പോക്കറ്റില്‍ നിന്നും മൊബൈൽ എടുത്ത് ആര്‍ക്കോ വിളിച്ചു. അപ്പുറത്ത് ഒരു സ്ത്രീയാണ് എടുത്തത്.

“കുഞ്ഞമ്മ അക്കാ....” വിറച്ചു കൊണ്ടാണ് അവന്‍ സംസാരിച്ചത്. “ആ ചെ.... ചെകുത്താനെ ഞങ്ങൾ കണ്ടു. അവന്റെ കൂടെ നാല് ആണുങ്ങളും അഞ്ച് പെണ്ണുങ്ങളും പിന്നേ അഞ്ച് ചെറിയ കുട്ടികളും ഉണ്ട്. കണ്ടിട്ട് അവരൊക്കെ അവന്റെ വേണ്ടപ്പെട്ടർ ആണെന്ന് തോന്നുന്നു.”