ട്വിൻ ഫ്ലവർസ് 5 [Eros - God of Lust]

പോലും കമ്പിളി കൊണ്ട്‌ മൂടി പുതച്ച് കിടക്കുന്ന അവളെ ഞാൻ വിളിച്ചു, പക്ഷേ പ്രതികരണം ഉണ്ടായില്ല. അടുത്ത് ചെന്ന് മെല്ലെ കുലുക്കി വിളിച്ചു നോക്കി. അപ്പോഴും അവള്‍ ഉണര്‍ന്നില്ല.

പാവം, നല്ല ക്ഷീണം ഉണ്ടാവും.

ഞാൻ അവളുടെ മുഖത്ത് നിന്നും കമ്പിളി മെല്ലെ താഴ്ത്തി. അങ്ങോട്ട് ചെരിഞ്ഞു കിടക്കുന്ന ഡാലിയയുടെ ഭംഗിയുള്ള കവിൾത്തടവും നോക്കി കുറെ നേരം ഞാൻ നിന്നു. ശേഷം മെല്ലെ അവളെ ഞാൻ മലർത്തി കിടത്തി.

ഉറക്കത്തിലും ചെറു പുഞ്ചിരി ആ മുഖത്ത് കണ്ട് ഞാനും പുഞ്ചിരിച്ചു. അവളുടെ അടുത്ത് അവളെയും കെട്ടിപിടിച്ചു കിടക്കാന്‍ കൊതി തോന്നി. പക്ഷെ ഒഴിവാക്കാൻ കഴിയാത്ത കുറെ കാര്യങ്ങൾ ചെയ്തു തീർക്കാൻ ഉള്ളതുകൊണ്ടും, കുറെ കാര്യങ്ങൾ അറേഞ്ച് ചെയ്യാൻ ഉള്ളതുകൊണ്ടും എനിക്ക് പോകാതിരിക്കാന്‍ കഴിയില്ല.

ഞാൻ അവളുടെ അടുത്ത് ബെഡ്ഡിൽ മുട്ടുകുത്തി നിന്നിട്ട് കുനിഞ്ഞ് അവളുടെ ചുണ്ടില്‍ ഉമ്മ കൊടുത്തതും ഉറക്കത്തിൽ ചിണുങ്ങി ക്കൊണ്ട് അവള്‍ പെട്ടന്ന് എന്റെ നേര്‍ക്ക് ചെരിഞ്ഞു കിടന്നു.

പെട്ടന്ന് അവളോടുള്ള സ്നേഹം നുരഞ്ഞുയർന്നു, ഞാൻ ഉടനെ അവളുടെ കവിളിൽ എന്റെ ചുണ്ടുകള്‍ മെല്ലെ അമർത്തി ചുംബിച്ചിട്ട് എന്റെ ചുണ്ടുകള്‍ മാറ്റി.

“എന്റെ ചേട്ടൻ.... എന്റെ മാത്രം ചേട്ടൻ...”

ഡാലിയ ഉറക്കത്തിൽ അത്രയും പറഞ്ഞത് മാത്രമാണ് വ്യക്തമായി എനിക്ക് കേട്ടത്. പിന്നെയും അവ്യക്തമായി എന്തൊക്കെയോ അവള്‍ സംസാരിച്ചു. ഇടക്കിടക്ക് ചേട്ടൻ എന്ന വാക്ക് മാത്രം അല്‍പ്പം വ്യക്തമായി കേട്ടു.

എന്റെ ഈ പെണ്ണിനെ മരണം വരെ എന്റെ മാറോട് ചേര്‍ത്തു പിടിച്ചു കൊണ്ട്‌ നിൽക്കാൻ തോന്നിപ്പോയി.

സ്നേഹത്തോടെ അവളുടെ കവിളിൽ ഒരുമ്മ കൂടി കൊടുത്തിട്ട് കമ്പിളി പഴയ പോലെ അവള്‍ക്ക് തല വരെ മൂടി കൊടുത്തു. എന്നിട്ട് സ്പെയർ കീ മേശപ്പുറത്തു വച്ചിട്ട് വാട്സാപ്പിൽ അവള്‍ക്ക് കുറെ മെസേജും ചെയ്തിട്ട് ഞാൻ കോട്ടേജ് ലോക് ചെയ്ത ശേഷം എന്റെ വണ്ടിയില്‍ കേറി.

*******************

രാവിലെ 7:40ന് കോട്ടഗിരിയിൽ ഞാൻ എത്തി. അവിടെയുള്ള എന്റെ രണ്ടു നില ഹോൾസെയിൽ ഫിറ്റനസ് എക്യപ്മെന്റ്സ് ഷോപ്പിന് പുറകിലുള്ള നിയന്ത്രിതമായ  ഗെയിറ്റിന് മുന്നില്‍ എത്തിയതും സെക്യൂരിറ്റി റൂമിൽ നിന്നും നല്ല പൊക്കവും മസിലുമുള്ള, 28 വയസ് തോന്നിക്കുന്ന, രണ്ട് സെക്യൂരിറ്റി സ്റ്റാഫ്സ് വേഗം പുറത്തേക്ക്‌ ഇറങ്ങി വന്ന് ഗെയിറ്റ് തുറന്നു തന്നു. ഞാൻ വണ്ടി അകത്ത് കേറ്റി റിസര്‍വ്ഡ് പാർക്കിംഗിൽ പാർക്ക് ചെയ്തു.

അപ്പോഴേക്കും സെക്യൂരിറ്റി രണ്ടു പേരും വേഗം ഗെയിറ്റ് അടച്ചിട്ട് ധൃതിയില്‍ നടന്ന് എന്റെ വണ്ടിയെ സമീപിച്ചിരുന്നു. ഞാൻ വണ്ടിയില്‍ നിന്നിറങ്ങി അവരെ  ചോദ്യ ഭാവത്തില്‍ നോക്കിയതും എന്റെ ചോദ്യം മനസ്സിലായ പോലെ രമേശും മനുവും തലയാട്ടി.

“സുമ മേഡവും സാമുവേല്‍ സാറും ഉള്‍പ്പെടെ ഫുൾ ടീമും അകത്തുണ്ട് സാർ...” മനു തമിഴില്‍ പറഞ്ഞു. “പിന്നെ നിങ്ങൾ അന്വേഷണം നടത്താന്‍ പറഞ്ഞിരുന്ന അരവിന്ദനും രണ്ട് കൂട്ടുകാരെയും സുമ മേഡം കഴിഞ്ഞ രാത്രി പൊക്കി ക്കൊണ്ട് വന്ന് ചോദ്യം ചെയ്യലും കഴിഞ്ഞു.” മനു എന്നെ അറിയിച്ചു.

“ഇങ്ങോട്ട് പൊക്കി കൊണ്ട്‌ വന്നോ...?? ചോദ്യം ചെയ്യലും കഴിഞ്ഞോ..?” ഞാൻ തലയാട്ടി