ട്വിൻ ഫ്ലവർസ് 5 [Eros - God of Lust]

ഫാക്ടറിക്കും 55 ലക്ഷം എങ്കിലും തരാൻ ഞാൻ തയാറായത് വലിയ കാര്യമാണ്. എന്റെ സ്ഥാനത്ത് വേറെ ആരെങ്കിലും ആയിരുന്നെങ്കില്‍ അതിന്‌ 35 ലക്ഷം പോലും വില പറയില്ല.”

“അതെന്താ റൂബിന്‍ അങ്ങനെ പറഞ്ഞത്..?!” മീനാക്ഷി പെട്ടന്ന് ചൂടായി.

“ആ ഒരു ഏക്കർ സ്ഥലം നിങ്ങള്‍ക്ക് എങ്ങനെ കിട്ടിയെന്ന് എനിക്കറിയാം, നാട്ടുകാരിൽ പലർക്കും അറിയാം. പക്ഷേ അതൊന്നും എന്റെ പ്രശ്നമല്ല. എന്നാൽ ആ ഫാക്ടറിയുടെ അകത്തിരിക്കുന്ന യന്ത്രങ്ങള്‍ ഒന്നിന് പോലും ബില്ലും ഡോക്യുമെന്റസുമില്ല. ആ യന്ത്രങ്ങളൊക്കെ എങ്ങനെയാണ് സങ്കടിപ്പിച്ചതെന്നും എനിക്കറിയാം. അതിനെ കുറിച്ചുള്ള വിവരങ്ങൾ ഒക്കെ പുറത്ത്‌ ചോര്‍ന്നു കൊണ്ടിരിക്കുകയാണ്, ചേച്ചി... അതൊക്കെ അധികൃതരുടെ ശ്രദ്ധയിലും പെട്ടിട്ടുണ്ട്. തിരിമറി നടത്തിയതിന് നിങ്ങള്‍ക്ക് യന്ത്രങ്ങള്‍ തന്ന അധികൃതരുടെ മേല്‍ അന്വേഷണം ഉണ്ടാവും എന്നാണ് എനിക്കറിയാൻ കഴിഞ്ഞത്. അങ്ങനെ സംഭവിച്ചാല്‍ അന്വേഷണം നിങ്ങളുടെ മേലും വീഴും. ഒരുപാട്‌ കാര്യങ്ങൾ വെളിച്ചത്ത് വരും. പ്രശ്നങ്ങൾ ഗുരുതരമായി മാറും. അതുകൊണ്ടാണ് ആരും നിങ്ങളുടെ ആ സ്ഥലവും ഫാക്ടറിയും വാങ്ങിക്കാൻ വരാത്തത്.” ഞാൻ ഗൗരവത്തിൽ പറഞ്ഞു നിര്‍ത്തി.

ഞാൻ പറഞ്ഞത് കേട്ട് അപ്പുറത്ത് എല്ലാവരും സ്തംഭിച്ചു നിന്നത് പോലെ നിശബ്ദമുണ്ടായി.

കുറച്ചു നേരത്തെ നിശബ്ദതയ്ക്ക് ശേഷം മീനാക്ഷി ഭയന്ന ശബ്ദത്തില്‍ സംസാരിച്ചു, “അ... അപ്പോ ഞ.. ഞങ്ങളുടെ സ്ഥലവും ഫാക്ടറിയും ആരും വാങ്ങിക്കാൻ വരില്ല എന്നും, അന്വേഷണവും പ്രശ്‌നങ്ങളും ഞങ്ങളെ തേടി വരും എന്നാണോ നിങ്ങൾ പറഞ്ഞു വരുന്നത്..?” ഭയവും ആശങ്കയോടും അവർ ചോദിച്ചു. “ആ സ്ഥലവും ഫാക്ടറിയും ചുളുവില്‍ കിട്ടാന്‍ നിങ്ങൾ നടത്തുന്ന നാടകം ആണെന്നാണ് എനിക്ക് തോന്നുന്നത്...” ഒടുവില്‍ ഭയം മാറി മീനാക്ഷി അല്‍പ്പം കടുപ്പിച്ച് പറഞ്ഞു.

“ഓഹോ..!” ഞാൻ അല്‍പ്പം കടുപ്പിച്ച് പറഞ്ഞു. “എന്നാല്‍ നിങ്ങൾ എനിക്ക് ആ സ്ഥലവും ഫാക്ടറിയും വിൽക്കണ്ട.” ഞാൻ നിസാരമായി പറഞ്ഞു. “90 ലക്ഷം തന്ന് വാങ്ങാൻ ആരെങ്കിലും വന്നാല്‍ നിങ്ങൾ അവര്‍ക്ക് തന്നെ കൊടുത്തോളു.” ഞാൻ നല്ല ഗൗരവത്തിൽ പറഞ്ഞു.

“റൂബിന്‍ എന്തിനാ ദേഷ്യപ്പെടുന്നത്...?!” കാര്യങ്ങൾ കൈ വിട്ടു പോകുന്നു എന്ന് മനസ്സിലായതും മീനാക്ഷി പെട്ടന്ന് മയത്തിൽ സംസാരിച്ചു.

“ദേഷ്യപ്പെട്ടതല്ല ചേച്ചി. 55 ലക്ഷത്തിന് വാങ്ങിച്ചാൽ പോലും എനിക്ക് നഷ്ടമാണ്. കാരണം ആ യന്ത്രങ്ങള്‍ക്ക് ശെരിയായ ഡോക്യുമെന്റ്സ് ഉണ്ടാക്കി എടുക്കാൻ വലിയ തുക വേണ്ടി വരും. അതിനു മുമ്പ്‌ കള്ളക്കടത്ത് സാധനങ്ങള്‍ ആണെന്നും പറഞ്ഞ്‌ അധികൃതരുടെ അന്വേഷണം തുടങ്ങിയാല്‍ പിന്നേ ആ കേസിന് പുറകെ വര്‍ഷങ്ങളോളം അലഞ്ഞു തിരിയേണ്ട ഗതികേട് എനിക്ക് വരും. പോരാത്തതിന് ലക്ഷങ്ങള്‍ എനിക്ക് കേസിനും ചെലവാകും. അതുകൊണ്ട്‌ ഈ സ്ഥലവും ഫാക്ടറിയും വാങ്ങിക്കണോ എന്നാണ് ഇപ്പൊ ഞാൻ ചിന്തിക്കുന്നത്.” എനിക്ക് ഈ ഇടപാടില്‍ മടുപ്പ് തോന്നിയത്‌ പോലെ ഞാൻ സംസാരിച്ചു.

“അയ്യോ റൂബിന്‍, അങ്ങനെ പറഞ്ഞാല്‍ എങ്ങനെയാ..!?” മീനാക്ഷി പെട്ടന്ന് വെപ്രാളം പിടിച്ചു ചോദിച്ചു.

“എന്റെ ചേച്ചി, ശെരിക്കും പ്രശ്നങ്ങൾ ഒന്നും ചിന്തിക്കാതെയാണ് നിങ്ങളുടെ ആ സ്ഥലവും ഫാക്ടറിയും വാങ്ങിക്കാൻ ഞാൻ തീരുമാനിച്ചത്‌. പക്ഷേ ഇപ്പോഴാണ് എല്ലാ കാര്യങ്ങളും ഞാൻ ചിന്തിക്കാൻ തുടങ്ങിയത്‌. ഈ ഇടപാട് നടത്തിയാൽ എന്റെ കാശ്