Chapter Title : യുകെ ഡയറിസ് 2 [AJ Blake]

ഞാൻ പോയി റെഡിയായിട്ട് വരാം.

അതും പറഞ്ഞ് അനന്യ മുറിയിൽ നിന്നും ടവൽ എടുത്ത് ബാത്റൂമിലേക്ക് പോയി. ഞാനും അവളുടെ പിന്നാലെ കിച്ചണിലേക്ക് കയറി. ഞാൻ കൊണ്ടുവന്ന ചായപാത്രം എടുത്തുവച്ച് അതിലേക്ക് കെറ്റിലിൽ നിന്നും ചൂടുവെള്ളം ഒഴിച്ച് തേയില പൊടിയിട്ട് ചായയ്ക്കുള്ള കടുപ്പം റെഡിയാക്കി. തേയില തിളച്ച് വന്നപ്പോൾ അതിലേക്ക് ഫ്രിഡ്ജിൽ നിന്നും എടുത്ത പാലും ഒഴിച്ചു. പാലൊക്കെ തിളച്ച് നല്ല ആവി പറക്കുന്ന ചായ അരിച്ച്  ഒഴിച്ച് ഗ്ലാസിലേക്ക് മാറ്റുമ്പോൾ അനന്യ ബാത്റൂമിൽ നിന്നും പുറത്തുവന്നിരുന്നു. ഞാൻ അവൾക്ക് അവളുടെ ചായ നീട്ടി. ചായ വാങ്ങി ഒരു സിപ്പ് എടുത്തപ്പോൾ തന്നെ അവളുടെ മുഖം തെളിയുന്നത് കണ്ടു.

അനന്യ: ആഹാ അടിപൊളി ചായ ആണല്ലോ.

ഞാൻ: ഉമ്മച്ചി പണ്ടേ പഠിപ്പിച് തന്നതാ.

അനന്യ: എന്തായാലും സൂപ്പർ ചായ.

ചായ കുടിച്ചു ഞങ്ങൾ രണ്ടുപേരും മുറിയിലേക്ക് പോയി യൂണിവേഴ്സിറ്റി പോകാനായി റെഡിയായി വന്നു. ഞാൻ അല്പം നേരത്തെ ഇറങ്ങി പക്ഷേ പെണ്ണുങ്ങൾ പൊതുവേ പുറത്തു പോകാൻ ഇറങ്ങാൻ ഒരു നേരമാവുമല്ലോ. അതിവിടെയും സംഭവിക്കാതിരുന്നില്ല. കുറച്ച് അധികം സമയം കഴിഞ്ഞപ്പോൾ ഡോർ തുറക്കുന്ന ശബ്ദം കേട്ട് മുകളിൽ നോക്കുമ്പോൾ അനന്യ ഒരു ബ്ലാക്ക് വൂളൻ ടീ ഷർട്ടും  ബ്ലൂ ജീൻസും ഇട്ട് സ്റ്റെപ്പ് ഇറങ്ങിവരുന്നു. അത്യാവശ്യം തരക്കേടില്ലാത്ത ബോഡി സ്ട്രക്ചർ അവളിൽ ഞാനപ്പോൾ കണ്ടു. അവൾ താഴെ വന്ന് ഡോറിന്റെ സൈഡിൽ തൂക്കിയിട്ടിരുന്ന അവളുടെ ജാക്കറ്റ് എടുത്തിട്ടു. എന്നിട്ട് ഞങ്ങൾ രണ്ടുപേരും പുറത്തിറങ്ങി ഡോർ ലോക്ക് ചെയ്തു.

ഞങ്ങളുടെ വീട്ടിൽ നിന്നും 5 മിനിറ്റ് മാത്രമേ യൂണിവേഴ്സിറ്റിയിലേക്ക് നടക്കാൻ ഉണ്ടായിരുന്നുള്ളൂ. യൂണിവേഴ്സിറ്റിയിൽ എത്തി അവിടത്തെ എല്ലാ കാര്യങ്ങളും അവൾ എനിക്ക് വിശദീകരിച്ചു തന്നു. ക്ലാസ്സുകളുടെ ബിൽഡിങ്ങുകളും അവിടെ അടുത്ത് തന്നെ ഉണ്ടായിരുന്ന മാപ്പും എല്ലാം അവൾ എനിക്ക് കാണിച്ചു തന്നു. ഓരോ ദിവസം ഓരോ ക്ലാസുകൾ എന്നുള്ള നമ്മുടെ നാട്ടിലെ രീതി  ഇവിടെ ഇല്ല. ആഴ്ചയിൽ ഒന്നോ രണ്ടോ ദിവസം മാത്രം ക്ലാസുകൾ ഉണ്ടാവുകയുള്ളൂ. അവിടെ എത്തിയപ്പോഴേക്കും അവർ എനിക്ക് മൊബൈലിൽ തന്നെ യൂണിവേഴ്സിറ്റിയുടെ ആപ്ലിക്കേഷൻ സെറ്റ് ചെയ്തു തന്നു.