Chapter Title : യുകെ ഡയറിസ് 5 [AJ Blake]

എനിക്ക് അപ്പോൾ തന്നെ ഉറക്കം വന്നു. റൂമിലെത്തി ബെഡിൽ ഫോൺ എടുത്തിട്ട് ഞാൻ കയറി കിടന്നുറങ്ങി.

രാവിലെ അലാറം കേട്ട് ഉറക്കം എഴുന്നേറ്റ് താഴെ വരുമ്പോൾ സുമി അടുക്കളയിൽ തന്നെ ഉണ്ടായിരുന്നു. അവളോട് ഗുഡ്മോണിങ് പറഞ്ഞ് ഞാൻ ബാത്റൂമിൽ കയറി ഫ്രഷ് അപ്പ് ഒക്കെ ആയിട്ട് പുറത്തേക്ക് വന്നപ്പോൾ അവൾ എനിക്കും കൂടെ ചായ ഇട്ടു എൻറെ ഗ്ലാസ് എന്നിലേക്ക് നീട്ടി. ആ ചായ വാങ്ങി അവളോട് സംസാരിച്ചുകൊണ്ടിരുന്നപ്പോൾ തന്നെ എനിക്ക് മാത്യു ചേട്ടന്റെ കോൾ വന്നു.

11 മണിക്ക് തന്നെ ജോലിക്ക് കേറണമെന്ന് ചേട്ടൻ എന്നോട് പറഞ്ഞു. ഞാൻ സമയം നോക്കുമ്പോൾ തന്നെ 10 കഴിഞ്ഞിരുന്നു. അങ്ങനെ പെട്ടെന്ന് തന്നെ അവളോട് കാര്യം പറഞ്ഞ് ഞാൻ മുറിയിൽ പോയി ഡ്രസ്സ് മാറി താഴേക്ക് ഇറങ്ങി. ആ സമയം കൊണ്ട് സുമി എനിക്ക് കഴിക്കാനായി ഒരു എഗ്ഗ് റോൾ ഉണ്ടാക്കി വെച്ചിരുന്നു. അവളുടെ കയ്യിൽ നിന്നും ആ എഗ്റോൾ വാങ്ങി കഴിച്ച് ഞാൻ വേഗം തന്നെ ഷോപ്പിലേക്ക് ഓടി.

ഷോപ്പിലെത്തി വേഗം തന്നെ ഞാൻ ജോലിയിലേക്ക് കടന്നു. ചേട്ടൻ പറഞ്ഞുതന്ന ഓരോ കാര്യങ്ങളും കൃത്യമായി ചെയ്തു. കസ്റ്റമേഴ്സ് വന്ന് തുടങ്ങിയത് കൂടി എന്നെ എൻറെ പാത്രം കഴുകൽ ഡ്യൂട്ടിയിലേക്ക് ചേട്ടൻ മാറ്റി. അങ്ങനെ പുള്ളിക്കാരൻ പറഞ്ഞു തന്ന പോലെ തന്നെ ഞാൻ അവിടുത്തെ ഓരോ കാര്യങ്ങളും ചെയ്യാൻ തുടങ്ങി. നമ്മൾ വിചാരിക്കും പോലെ എളുപ്പം പണിയല്ല ഈ പാത്രം കഴുകൽ എന്ന് എനിക്ക് അതോടെ മനസ്സിലായി. അമ്മാതിരി പാത്രങ്ങൾ ആയിരുന്നു ഓരോ സമയവും എൻറെ മുന്നിലേക്ക് എത്തിയിരുന്നത്.