Chapter Title : ഉമ്മയും അമ്മയും പിന്നെ ഞങ്ങളും 5 [Kumbhakarnan]

കൂറ്റൻ മാംസ ഗോളങ്ങൾ ഇളക്കിത്തുള്ളി. റഫീക്കും മേനോനും അതുകണ്ട് വാപൊളിച്ചു നിന്നുപോയി. മുറ്റത്തെ തുളസിതറയ്ക്കരികിൽ നിന്നും കുട്ടിയെ പിടികൂടി നിവരുമ്പോഴാണ് ഗേറ്റിനരികിൽ നിൽക്കുന്നവരെ അവർ കണ്ടത്. കുട്ടിയെയുമെടുത്ത് അവർ ഗേറ്റിനരികിലെത്തി.

"ആരാ...എവിടുന്നാണ്..?"

"ഞങ്ങൾ കുറച്ച് അകലെനിന്നാണ് മേഡം.
എന്റെ പേര് ശാലു. ഈ പുരയിടത്തിനോട് ചേർന്നു കിടക്കുന്ന നാലേക്കർ ഞങ്ങളാണ് വാങ്ങുന്നത്. ഇതാണ് അതിന്റെ ഉടമസ്ഥൻ റഫീക്ക്. ഇത് എന്റെ ഹസ്ബന്റ് രവിചന്ദ്രൻ."

"ഓ.. കേറി വരൂ..."

ഗേറ്റ് തുറന്നുകൊണ്ട് അവർ ക്ഷണിച്ചു.

"പിന്നേ... എന്നെ മേഡം എന്നൊന്നും വിളിക്കേണ്ട കേട്ടോ. എന്റെ പേര് രേവതി. അങ്ങനെ വിളിച്ചാ മതി."

പൂമുഖത്തേക്ക് നടക്കുമ്പോൾ ശാലുവിനോട് അവർ പറഞ്ഞു. പൂമുഖത്തെ കസേരകളിൽ അവർ ഇരുന്നു.

"മോള് അകത്തേക്ക് ചെല്ല് .അമ്മൂമ്മ പാലെടുത്തു തരും. വഴക്കുണ്ടാക്കാതെ കുടിക്കണേ..."

കുട്ടി അകത്തേക്ക് തുള്ളിച്ചാടി കയറിപ്പോയി .

"മോളാണ്. രണ്ടു വയസ്സേ ആയിട്ടുള്ളൂ...എപ്പോഴും നിർബന്ധമാണ്.."

രേവതി അവരോടായി പറഞ്ഞു .

"ആരാ രേവൂട്ടീ അവിടെ ?"

ഉള്ളിൽ നിന്നു വിളിച്ചു ചോദിച്ചുകൊണ്ട് ഒരു യുവാവ് പുറത്തേക്കിറങ്ങിവന്നു. പത്തിരുപത് വയസോളം പ്രായമുണ്ടാകും.

"എന്റെ മോനാണ് വിശാൽ..."

യുവാവിനെ അവർക്ക് പരിചയപ്പെടുത്തിക്കൊണ്ട് മകനോടായി രേവതി തുടർന്നു...

"നമ്മുടെ മതിലിനപ്പുറത്തെ പുരയിടമില്ലേ... അത് വാങ്ങുന്നവരാണ്.."

ശാലു അപ്പോഴേക്കും രേവതിയുടെ കാതിൽ എന്തോ മന്ത്രിച്ചു.

"ഓ..അതിനെന്താ...വന്നാട്ടെ..."

അവർ ശാലുവിന്റെ കൈയിൽ പിടിച്ച് അകത്തേക്ക് നടക്കുമ്പോൾ തിരിഞ്ഞു നോക്കി മകനോടായി പറഞ്ഞു.

"മോനേ... അവരോട്  മിണ്ടിയും പറഞ്ഞും ഇരിക്ക് കേട്ടോ...."

ശാലുവിനേയും കൂട്ടി തന്റെ മുറിക്കുള്ളിലേക്ക് കയറുമ്പോൾ അടുക്കളഭാഗത്തേക്ക് നോക്കി അവർ വിളിച്ചു പറഞ്ഞു.

"അമ്മേ...ഒരു മൂന്നുപേർക്കുള്ള ചായയെടുത്തോളൂട്ടോ..."

"അയ്യോ...ചായയൊന്നും വേണ്ടാ..."

"അത്  ഞങ്ങളല്ലേ തീരുമാനിക്കേണ്ടത്..? ഇപ്പോ ദേ... അതാണ് ബാത് റൂം. വേഗം പോയി കാര്യം സാധിച്ചിട്ട് വന്നാട്ടെ...വെറുതെ ലെഗ്ഗിൻസ് നനയ്ക്കണ്ട..."

ശാലുവിനെ ബാത് റൂമിന്റെ നേർക്ക് തള്ളിയിട്ട് രേവതി ചിരിച്ചു. മുറിയിൽ കിടന്ന മേശയിലേക്ക് മൊബൈൽ വച്ചിട്ട് അവൾ അകത്തു കയറി.

ബാത് റൂമിലിരിക്കുമ്പോൾ ശാലുവിന്റെ മനസ്സിൽ കുറേ ചോദ്യങ്ങളുണ്ടായിരുന്നു. ആ സ്ത്രീയുടെ മകനാണ് ആ പയ്യനെന്നാണ് പറഞ്ഞത്. പക്ഷെ അമ്മയെ രേവൂട്ടി എന്നു വിളിച്ചാണല്ലോ അവൻ ഇറങ്ങിവന്നത്.