Chapter Title : ഉണ്ണികുട്ടന്റെ യോഗം 9 [Vethalam]

മുട്ട കൊണ്ടു വന്നു

ആ ടോർച്ചൊന്നു തരു ഞാനിപ്പോ വരാം  ഇത്തയുടെ കയ്യിലെ ടോർച്ചു വാങ്ങി ഞാൻ തൊടിയിലേക്കിറങ്ങി  കുറച്ചു പച്ച മരുന്ന് ചെടികൾ പറിച്ചു തിരിച്ചു വന്നു

അടുത്ത് എവിടേലും ആടലോടകം നിൽപ്പുണ്ടോ ഞാൻ ഇക്കയോട് ചോദിച്ചു

വീടിന്റെ പുറകിൽ നിൽപ്പുണ്ട് അത് വേണോ

കുറച്ചു ഇല വേണമായിരുന്നു ഞാൻ പോയി പറിച്ചോളാം

വേണ്ടാ ഇവള് പറിച്ചോണ്ട് വരും

സൈനബ അനക്കതു ഏതാന്ന് അറിയാലോ അല്ലെ

ങ്ങളെന്നെ അത്രയ്ക്ക് മണ്ടിയാക്കണ്ട

ഇത്ത ഇല പറിച്ചു കൊണ്ടു വന്നു

അപ്പോഴേക്കും ഞാൻ വീടിനു പുറകിൽ കിടന്ന അരകല്ല് നന്നായി കഴുകി വൃത്തിയാക്കി

മുട്ടയുടെ വെള്ളയും പച്ചമരുന്നുകളും ചേർത്തു നന്നായി അരച്ച്

കൊണ്ടു വന്നു ഇക്കയുടെ കാലിൽ  പുരട്ടി

ഇനി കുറച്ചു നേരം അങ്ങനെ തന്നെ ഇരിക്കണം ഇത്ത വേണേൽ വീട്ടിലേക്കു പൊക്കൊളു

എന്നാ നീ ചെല്ലെടി കുട്ട്യോള് ഒറ്റക്കല്ലേ

ഇക്കാക്ക് എത്ര മക്കളാ

എനിക്ക് മൂന്നു പെൺകുട്ട്യോളാ

എത്രാം ക്ലാസ് വരെ ആയി

മൂത്തവൾ പത്ത് വരെ പോയി  തോറ്റപ്പൊ നിർത്തി ഇപ്പൊ വെറുതെ ഇരിക്കാണ്

അതെന്താ ഒന്നൂടെ എഴുതാരുന്നില്ലേ

പിന്നേ അവൾ എത്ര കൊല്ലം തോറ്റിട്ടാ അവിടെ വരെ എത്തിയെന്നു പടച്ചോനും അവൾക്കും മാത്രേ അറിയൂ

അടിപൊളി എന്നെ പോലെ തന്നെ

രണ്ടാമത്തവൾ ഇക്കൊല്ലം ഒരുവിധം പത്തിൽ വരെ എത്തി

മൂന്നാമത്തെയാൾ ഒൻപതിലും

ഒറ്റയെണ്ണം പഠിക്കില്ലെന്നേ ചുമ്മാ ഒരുങ്ങികെട്ടി നടക്കാൻ മാത്രമേ ഇഷ്ട്ടമുള്ളു

അതെങ്ങനെ ഞാനെന്തേലും പറഞ്ഞാ എന്റെ കെട്ട്യോള് അപ്പോ ചോദിക്കും ഇവരെ കെട്ടിച്ചു വിടാനുള്ളതല്ലേ പിന്നെ പഠിച്ചിട്ടെന്തിനാ ന്നു അവള് ഏഴാം ക്ലാസ്സിൽ തോറ്റു നിൽക്കുമ്പോഴാണെ ഞാനവളെ കെട്ടിയത് അത് പോലാണോ ഇപ്പോഴത്തെ കുട്ടികൾ

വർത്താനം പറഞ്ഞിരുന്നു സമയം പെട്ടെന്ന് പോയി കൂട്ടത്തിൽ ഇക്കയുടെ കാലിലെ നീരും പോയി

നീരെല്ലാം വറ്റിയിട്ടുണ്ട് ഇക്ക

നേരാണല്ലോ ഉണ്ണി നിന്റെ മരുന്ന് കൊള്ളാല്ലോ

ഇനി ഒരു ചെറിയ പണി കൂടിയുണ്ട്  കുറച്ചു വേദനയുണ്ടാവും  പക്ഷെ പെട്ടന്നത് മാറും

ഇക്ക മച്ചുമ്പുറത്തേക്ക് നോക്കിയേ

ആ അങ്ങനെ തന്നെ തല താഴ്ത്തരുത് അങ്ങനെ നോക്കിയിരിക്കണെ

ഞാൻ കാൽ മുട്ടിൽ ഒരു കൈ അമർത്തി മറ്റേ കൈ കൊണ്ട് കാലിന്റെ മസിലിൽ പിടിച്ചു  ഒറ്റത്തിരി

ഉമ്മോ.......

കഴിഞ്ഞു.....

കഴിഞ്ഞു

ഇനി പതിയെ എഴുനേറ്റ് കാല് ഉറപ്പിച്ചു ചവിട്ടി നോക്കു

ഇക്ക എഴുനേറ്റ് നിന്നു

ഒന്നു നടന്നു നോക്കിയേ  അങ്ങനല്ല

കാല് ശരിക്ക് കുത്തി നടക്ക്

അങ്ങനെ...

വേദന ഉണ്ടോ

കുറച്ചു വേദനയുണ്ട് എന്നാലും ആദ്യത്തെ അത്രക്കില്ല

ഒരു പത്ത് മിനിറ്റെങ്കിലും പതിയെ നടന്നിട്ടേ കിടന്നു ഉറങ്ങാവു ലീഗ്മന്റ് പിടിച്ചു നേരെ ഇട്ടിട്ടുണ്ട്

വേദന കുറഞ്ഞില്ലേ എത്ര വൈകിയാലും വന്നു വിളിക്കാൻ മടിക്കണ്ട

ഇക്ക യാത്ര പറഞ്ഞു പതിയെ