Chapter Title : ഉർവശി ശാപം ഉപകാരം 3 [Danilo]

അമ്മിണി അറിഞ്ഞതെന്നു മനസിലാക്കിയപ്പോൾ സിന്ധുവിനു കാര്യങ്ങൾ മനസിലായി.

സിസ്റ്റർ: പിന്നെ, ഞാൻ പറഞ്ഞതൊക്കെ ഓർമയുണ്ടല്ലോ, തത്കാലം ഇത് ഇങ്ങനെത്തന്നെ പോട്ടെ. കാലം ഇത്രയും കഴിഞ്ഞു, ഒരു ദുരന്തം ഉണ്ടായെങ്കിലും, നിന്റെ കുട്ടി നിന്റടുത്തുതന്നെ തിരിച്ചെത്തി. നമ്മളായിട്ടു എന്തിനാ എല്ലാവരെയും വിഷമിക്കുന്നത്. അവൻ പോലും തത്കാലം ഇതറിയണ്ട.

സിന്ധുവിനു ഗോകുലിനോട് താന്നാണ് അവന്റെ യഥാർത്ഥ അമ്മ എന്ന് പറയാൻ ആഗ്രഹമുണ്ടെങ്കിലും സിസ്റ്റർ പറഞ്ഞതുപോലെ, പ്രിയയുടെ കാര്യം ഓർത്തപ്പോൾ, സിസ്റ്റർ പറഞ്ഞതുതന്നെയാണ് ശെരി എന്ന് സിന്ധു മനസിലാക്കി.

സിസ്റ്റർ: എന്താണെങ്കിലും നീ തന്നെയാണ് ഇപ്പൊ ഒരു അമ്മയുടെ കടമ മുഴുവൻ നിറവേറ്റുന്നത്. അതല്ലേ വേണ്ടത്.

സിന്ധു: അതെ, അത് മതി. സിസ്റ്റർ എനിക്ക് അവനെ കാണണം.

സിസ്റ്റർ: അതിനെന്താ, അവരിപ്പോ ഇങ്ങു വരും.

അല്പം കഴിഞ്ഞതും ഗോഗുലും സാന്ദ്രയും ഓഫീസിലേക്ക് എത്തി. ഗോഗുലിനെ കണ്ടതും സിന്ധു ഓടി ചെന്ന് കെട്ടിപിടിച്ചു പൊട്ടി കരഞ്ഞു.

സിസ്റ്റർ: ഷേ, എന്താ സിന്ധു ഇത്, നീ ഇങ്ങനെ കരയാൻ മാത്രം എന്താ ഉള്ളെ.. ഇത് കണ്ടു അവൻ പേടിക്കില്ലേ.

സിസ്റ്റർ സിന്ധുവിനെ പിടിച്ചു മാറ്റി. ഗോകുലം സാന്ദ്രയും ഒന്നും മനസിലാകാതെ പരസ്പരം നോക്കി.

സിസ്റ്റർ: ഹേയ്, ഒന്നുവില്ല, ഇവൾ ഇന്നലെ എന്തോ ദുർ സ്വപ്നം കണ്ടു. അതാ ഇന്ന് ഇങ്ങു വന്നത്. ഇവൾടെ ഒരു കാര്യം.

സിസ്റ്ററിന്റെ ഒട്ടും വിശ്വസിനിയമല്ലാത്ത അഭിനയവും, ഒരു ബന്ധവും ഇല്ലാത്ത ന്യായീകരണവും ഗോഗുലിനു തീരെ മനസിലായില്ല.

ഗോഗുൽ പതിയെ സിന്ധുവിനെ ആശ്വസിപ്പിച്ചു ഒന്നും മനസിലാകാതെ നിന്നു.

സിസ്റ്റർ: മതി മതി, വാ നമുക്ക് ചായ കുടിക്കാം. പിള്ളേരും ആകെ