Chapter Title : ഉത്സവകാലം ഭാഗം 3 [ജർമനിക്കാരൻ]

അശ്വതിയെ തല്ലാനൊക്കെ പോയി എന്ന് ഷിബു പറഞ്ഞാണ് ഞാൻ അറിയുന്നത്. ഇത് വരെ ആവണി എന്നോട് അതിനെ പറ്റി സംസാരിച്ചിട്ടില്ല.

ഷിബു : അളിയാ ആവണിക്ക് അവളെ കണ്ടാൽ പ്രാന്താണ്. കഴിഞ്ഞ മാസം കൂടെ ഇവര് തമ്മിൽ കണ്ടപ്പോൾ ഞാൻ എങ്ങിനെ ആവണിയെ വീട്ടിലെത്തിച്ചു എന്ന് എനിക്ക് മാത്രമേ അറിയൂ. അവളെങ്ങാനും ഇത് കണ്ടാൽ നല്ല രാസമാകും

ഞാൻ : എന്തേലും കാണിക്കട്ടെ ഞാൻ ആ ഭാഗം മൈൻഡ് ചെയ്യാൻ പോണില്ല

അപ്പോഴേക്കും ആവണി അങ്ങോട്ട് വന്നു മുഖം ഒരു കുട്ട കയറ്റി വച്ചപോലെ  ഉണ്ടായിരുന്നു

അവൾ ഷിബുവിനെ നോക്കി : എന്താടാ ഇവിടെ ഇരു സ്വകാര്യം.

ഷിബു : ഒന്നല്ല ഞാൻ ചായ എടുക്കാൻ വന്നതാ.

ആവണി എന്നെ നോക്കി : നീ വന്നേ നമുക്ക് വീട്ടിൽ പോകാം

ഞാൻ : ഇത് കഴിഞ്ഞു പോയാൽ പോരെ

ആവണി : നീ വരുന്നോ ഇല്ലയോ എനിക്ക് തലവേദന എടുക്കുന്നു.

ഞാൻ : വാ പോകാം. ഒരു യുദ്ധം ഒഴിവാക്കുന്നതാണ് നല്ലത് എന്നെനിക്ക് തോന്നി.

ഇതെന്ത് ജന്മം ആണ് ദൈവമേ എന്ന് ഞാൻ മനസ്സിൽ കരുതാതെ ഇരുന്നില്ല . ഞങ്ങൾ അമ്പിളി കുഞ്ഞമ്മയോടു പോകുന്നു എന്ന് പറഞ്ഞു വണ്ടിയെടുത്ത് പോന്നു. വീടെത്തുന്നത് വരെ അവൾ മിണ്ടിയില്ല ഞാൻ നേരെ വണ്ടി എന്റെ വീട്ടിലേക്ക് കയറ്റി. അവിടെ പാർക്ക് ചെയ്തു അവളുടേൽ താക്കോൽ കൊടുത്തു അവൾ വാതിൽ തുറന്ന് നേരെ മുകളിലേക്ക് കയറി മുകളിലെ വരാന്ത ഞങ്ങളുടെ ലോകം ആണ്. കസിൻസ് എല്ലാവരും ഒത്തുകൂടുന്ന പ്രധാന സ്ഥലം.

ഞാൻ അങ്ങോട്ട് ചെല്ലുമ്പോൾ അവൾ കട്ടിലിൽ ചാരി ഫോണിൽ നോക്കി ഇരിക്കുന്നുണ്ടായിരുന്നു.

ഞാൻ അവളുടെ അരികിലായി കമഴ്ന്നു കിടന്ന് അവളെ നോക്കി.

ഞാൻ : എന്താടി കൊരങ്ങേ നിന്നെ പൊട്ടൻ കടിച്ചോ? മുഖം വീർപ്പിച്ച് ഇരികുനുണ്ടല്ലോ?

അവൾ എന്നെ ഒരു ഫോട്ടോ കാണിച്ചു

അശ്വതി എന്നെ നോക്കി ഇരിക്കുന്നതായിരുന്നു അത്

ഇവളെന്തിനാ നിന്നെ നോക്കി ഇരിക്കുന്നെ എന്നൊരു ചോദ്യവും

ഞാൻ : അതെങ്ങനെ എനിക്കറിയും അവളോട് ചോദിയ്ക്കാൻ മേലാരുന്നോ

ആവണി :