Chapter Title : ഉത്സവക്കാലം

ഉറങ്ങിയോ..?" "കിടന്നു, ജയന് പടിഞ്ഞാറെ മുറി ശരിയാക്കിയിട്ടുണ്ട്" പിന്നെ ജയൻ വളരെ ശബ്ദം താഴ്ത്തി അവളോട് "എല്ലാരും ഉറങ്ങിയിട്ട് വരുമോ...?" അവളും ശബ്ദം താഴ്ത്തി മറുപടി പറയുന്നു. "വേണ്ട. നന്ദനുമിപ്പം വരും" വേണമെങ്കില് മതി എന്ന് പറഞ്ഞ് അവൻ അവളുടെ നിതംബത്തിൽ കൈകൾ കൊണ്ടമർത്തി. അവൾ സ്നേഹപൂർവം കണ്ണുരുട്ടി. അവൻ ചിരിയോടെ അവന്റെ മുറിയിലേക്ക് നടന്നു. പിറ്റേന്ന് രാവിലെ ആറ് മണിയോടെ രജനിയും അമ്മയും ഉണർന്നു. രാത്രിയില് നന്ദൻ വന്നിരുന്നു. രാവിലെ ജയനും നന്ദനും കണ്ട് വിശേഷം പങ്കുവെച്ചു. "ചേട്ടനിന്ന് പോകുന്നോ..?" നന്ദൻ ജയനോട് ചോദിച്ചു. "പോണം. കടയില് സാധനമിറക്കണം അമ്മയും അവളും ചിലപ്പം വൈകിട്ടിങ്ങെത്തും നാളെ പൊങ്കാലയല്ലെ. പറ്റുവാണെങ്കിൽ ഞാനും വരാം" നന്ദൻ മുറ്റത്തേക്ക് പോയപ്പോൾ ജയൻ കിച്ചണിലേക്ക് ചെന്നു. അവിടെ രജനി ജോലിയിലാണ്. പുറത്ത് അമ്മായി മുറ്റം അടിച്ചുവാരുകയാണ്. "നാളെ പൊങ്കാലയിടുന്നോ രജനി" ജയൻ ചോദിക്കുന്നു. ജോലി തുടർന്ന് കൊണ്ടവൾ മറുപടി കൊടുക്കുന്നു. "ഞാനീക്കൊല്ലം ഇടുന്നില്ല" "അതെന്ത്..?" "ഇപ്രാവശ്യം എന്റെ പേരില് അമ്മയിടും" " അപ്പം കൂലിയ്ക്ക് ആളെ ഏർപ്പാടാക്കിയിരിക്കുവാല്ലെ." "ഉം... ജയൻ രാവിലെ പോകുന്നോ." "ഉവ്വ്.. പോയിട്ട് വൈകിട്ട് അമ്മയേയും കൊണ്ട് വരാം അവര് നാളെ പൊങ്കാലയിടുന്നു.." അങ്ങനെ അന്ന് വൈകിട്ട് ജയൻ പലതും മനസിൽ ഉറപ്പിച്ച് അമ്മയേയും കൂട്ടി തറവാട്ടിലെത്തി. അന്നവൻ ഷീലയുടെ അടുത്ത് പോയില്ല കാരണം പൊങ്കാലയിടുന്നതിന് വേണ്ടി അവൾ വ്രതത്തിലായിരുന്നു. രാത്രിയിൽ ക്ഷേത്രത്തിലെ നാടകം കാണാൻ ശ്രീക്കുട്ടനും ജയനും പോയി. പിറ്റേന്ന് രാവിലെ ആറരയ്ക്കാണ് പൊങ്കാല വെളുപ്പിന് തന്നെ രജനിയുടെ അമ്മയും ജയന്റെ അമ്മയും ഷീലയും റെഡിയായി ഇറങ്ങി.