Chapter Title : വാടകക്കെടുത്ത ഹൃദയം [അവസാന ഭാഗം] [JO]

കിടന്ന് അവൾ അതിശക്തമായി ഞെട്ടി. ഞെട്ടിപ്പിണഞ്ഞെണീക്കാൻ തുടങ്ങിയയവളെ ബലമായി പിടിച്ചുകിടത്തിക്കൊണ്ടവൻ തുടർന്നു.

അവളെ അവളെ തേടിയാണ് ഞാൻ വന്നത്... അവൾ... അവളെന്നെ വിളിച്ചപ്പോൾ ആരാണെന്ന ചോദ്യത്തിന് പറഞ്ഞ ഉത്തരത്തിൽ തുടങ്ങിയ അന്വേഷണം..!!!

ആരാണെന്ന ചോദ്യത്തിന് അവളെന്നോട് പറഞ്ഞ ഉത്തരം...:

എന്റെപേര് ലക് ...അല്ല ചിപ്പി.!!!.

ആ മാറ്റിപ്പറച്ചിൽ കേട്ടപ്പോഴേ അതൊരു കള്ളപ്പേരാണെന്നു എനിക്കുറപ്പായിരുന്നു. എന്നിട്ടും അതിനെക്കുറിച്ചു ചോദിക്കാതെ അവളോടുള്ള സംസാരം തുടരാനാണ് ഞാനിഷ്ടപ്പെട്ടത്. ആഴ്ചപ്പതിപ്പിൽ വന്ന നമ്പർ നോക്കിയൊരു ആരാധിക വിളിക്കുന്നെന്നു ചിന്തിച്ച എന്നെ ഞെട്ടിച്ചുകൊണ്ട് അവളെന്റെ കഥകളെ നിശിതമായി വിമർശിച്ചു. ഭർത്താവ് നിലനിൽക്കെ കാമുകനുമായി രമിക്കുന്ന എന്റെ നായികമാരൊന്നും കുടുംബത്തിൽ പിറന്നവരല്ലെന്നവൾ പറഞ്ഞു. കുടുംബത്തിൽ പിറന്ന പെണ്ണുങ്ങളെ ഞാൻ കണ്ടിട്ടില്ലെന്നും അങ്ങനെയുള്ള പെണ്ണുങ്ങളെ എന്റെ നായികമാരെപ്പോലെയാക്കാൻ ഒരുത്തനും സാധിക്കില്ലെന്നുമൊക്കെ പറഞ്ഞയവൾ, ഭർത്താവ് നോക്കിയില്ലെങ്കിലും കുടുംബത്തിൽ പിറന്ന ഒരു പെണ്ണ് ഒരിക്കലും മറ്റൊരുത്തനുവേണ്ടി കാലകത്തില്ലെന്നും തറപ്പിച്ചു പറഞ്ഞു.

ഒരുനിമിഷം അന്ധാളിച്ചെങ്കിലും പതിയെപ്പതിയെ ഞാനും അവളെ മനസ്സിലാക്കുകയായിരുന്നു. ഭർത്താവ് തിരിഞ്ഞുനോക്കാത്ത..., അവനല്ലാതെ മറ്റാരെയും അറിയാത്ത..., ആരോടും പറയാതെ സ്വന്തം സങ്കടങ്ങളിൽ ഒതുങ്ങി ജീവിക്കുന്ന..., പൈങ്കിളി മാസികകളിലും സിനിമകളിലുമൊക്കെ പടച്ചുവിടുന്ന നട്ടാൽ പൊട്ടാത്ത കഥകൾ യഥാർത്ഥ ജീവിതമാണെന്നു വിശ്വസിക്കുന്ന ഒരു പാവം നാട്ടിൻപുറത്തുകാരിപെണ്ണിനെ ഞാനവളിൽ കണ്ടു. കാപട്യം നിറഞ്ഞ എന്റെ സ്നേഹോഷ്മളമായ ചോദ്യങ്ങളിൽ വിശ്വസിച്ചു ഭർത്താവ് പാർട്ടിക്ക് പോയെന്നവൾ പറഞ്ഞുപോയി. എന്ത് പാർട്ടിയെന്ന എന്റെ ചോദ്യത്തിന്... അതിന്... അതിനവൾ പറഞ്ഞ ഉത്തരം... ആ ഉത്തരമായിരുന്നു എന്നെയീ നെഞ്ചിലെ ചൂടുപ്പറ്റി ഈ ബെഡിൽ കിടത്തിയത്...!!!

നീ... നീയോർക്കുന്നുണ്ടോ ലക്ഷ്മി അന്ന് നീ പറഞ്ഞ ആ ഉത്തരം???

അവൻ തലത്തിരിച്ചവളെ നോക്കി. മരവിച്ചതുപോലെ കിടക്കുകയായിരുന്നു അവൾ. ദയനീയമായൊരു നോട്ടമായിരുന്നു അവളുടെ ഉത്തരം.

അല്ല... ഞാൻ തന്നെ പറയാം... കേരളത്തിലെ മികച്ച ബിസിനസ്മാനുള്ള അവാർഡ് കിട്ടിയതിന്റെ പാർട്ടിയാണെന്ന്....!!. അവിടെ... അവിടെ നീ പറഞ്ഞത് നിന്റെ തലക്കുറിയാണെന്നു നീയറിഞ്ഞില്ല ലക്ഷ്മി. കോളർ ഐഡി റെസ്ട്രിക്റ്റ് ചെയ്‌ത നമ്പറിൽ നിന്ന് വിളിച്ചാൽ നിന്നെയൊരിക്കലും മനസിലാക്കില്ലെന്നു കരുതിയ നീ കാണിച്ച ഏറ്റവും വലിയ മണ്ടത്തരം...!!! അല്ല, കള്ളംപറഞ്ഞു പൊലിപ്പിക്കാനറിയാത്ത ഒരു പാവം പെണ്ണിന്റെ നിഷ്കളങ്കത...!!!

അന്ന് ഞാൻ തീരുമാനിച്ചു. നീ