Chapter Title : വാടകക്കെടുത്ത ഹൃദയം [അവസാന ഭാഗം] [JO]

ചിലപ്പോ മറ്റാർക്കും കൊടുക്കാതെ നിന്നേ ഞാൻ കൊണ്ടുപോയിക്കളയും... എന്റെ... എന്റെ പെണ്ണായിട്ട്... എന്റെ സ്വന്തമായിട്ട്...

അത് പറയുമ്പോൾ അവന്റെ കണ്ണുകളും അറിയാതെ നിറഞ്ഞിരുന്നു. അവന്റെ മനസ്സ് പകൽപോലെ ആ നിറഞ്ഞ മിഴികളിൽ നിന്ന് വ്യക്തമായിരുന്നു.

ഞാനിപ്പഴും സ്വന്തമല്ലേ... അവളൊരേങ്ങലോടെ അവന്റെ നെഞ്ചിലേക്ക് വന്നുവീണു.

കാത്തിരുന്നോളാം ഞാൻ... ഈ ജന്മം മുഴുവൻ... ഈ നെഞ്ചിൽ ഞാനുണ്ടെന്ന ബോധ്യത്തോടെ... ലക്ഷ്മിക്കുട്ടീനുള്ള ആ വിളി കേൾക്കാൻ... വേറെ... വേറാരുമെന്നെയത്ര സ്നേഹത്തോടെ വിളിച്ചിട്ടില്ല... കൊതിയാണെനിക്ക്... ആ വിളിയൊന്നു കേൾക്കാൻ...

അവളൊരു കാമുകിയായവന്റെ നെഞ്ചോടൊട്ടി. എന്തൊക്കെയോ പിറുപിറുത്തു... അവനാകട്ടെ അവളുടെ തലമുടിയും പുറവും മെല്ലെ തലോടിക്കൊണ്ടിരുന്നു.

ലക്ഷ്മിക്കുട്ടീ...

ഓ..

എങ്ങനാഡീ നീയെന്നേയിങ്ങനെ തളർത്തിയത്??? എങ്ങനാഡീ നീ എന്നെയിങ്ങനെ വീഴ്ത്തിയത്??? എങ്ങാനാഡീ നീയെന്നോടിങ്ങനെ പറഞ്ഞുനിന്നത്???

ഈ കൈകൊണ്ടെഴുതിയ എത്രയെത്ര പൈങ്കിളികൾ വായിച്ചതാ ഞാൻ...

ഇപ്പ മനസ്സിലായോടീ... കാമുകനെ തേടിപോകുന്നവരിൽ കുടുംബത്തിൽ പിന്നവരുമുണ്ടെന്ന്...???

ഉം...

റേപ്പ് ചെയ്തവനോടും പെണ്ണിന് പ്രേമുണ്ടാകുമെന്ന്???

ഉം...

ഇനി അറിയാത്തവരോട് പറയണം... ഞാനെഴുതുന്നത് വിശ്വസിക്കാൻ... അല്ലെങ്കിൽ. ഇതുപോലെ മുന്നിൽവന്നു നിൽക്കുമെന്ന്...

ഉം...

അവന്റെ കൈകളുടെ കുസൃതികളേറ്റ് അവളങ്ങനെ ചിണുങ്ങി നിൽക്കുമ്പോൾ ബഹുമാനപ്പെട്ട സുപ്രീംകോടതി ജഡ്ജി അവളുടെ മനസ്സാറിഞ്ഞിട്ടെന്നവണ്ണം സുപ്രധാനമായൊരു വിധി പ്രഖ്യാപിക്കാനുള്ള ആലോചനയിലായിരുന്നു. അവളെപോലെ ഒരുപാട് പേരുടെ ഇങ്ങനെയുള്ള ജീവിതം നിയമവിധേയമാക്കിയ ആ സുപ്രധാന വിധി.

അതേസമയം അവനെഴുതുന്ന ആ മാസികയുടെ പത്രാധിപർ അവന്റെ പുതിയ കഥയുടെ പരസ്യം പ്രിന്റ് ചെയ്യുകയായിരുന്നു...

ഉടൻ പ്രതീക്ഷിക്കുക... നിങ്ങളുടെ ഗ്രാൻഡ് മാസ്റ്ററുടെ..."വാടകക്കെടുത്ത ഹൃദയം..."

(ഉദ്ദേശിച്ച തീം എത്രത്തോളം നിങ്ങളിലെത്തി എന്നെനിക്കറിയില്ല. നിങ്ങളുടെ വിലയേറിയ അഭിപ്രായങ്ങൾ പ്രതീക്ഷിച്ചുകൊണ്ട് ഹൃദയപൂർവ്വം നിങ്ങളുടെ ജോ)