Chapter Title : വൈഗമാല [കൊമ്പൻ] [Updated]

തനിച്ചാക്കാൻ അവൾക്കോ എനിക്കോ ആഗ്രഹങ്ങളൊന്നുമില്ല!” അജിത് പറഞ്ഞ വാക്കുകൾ അവളുടെ മനസിലേക്ക് വീണ്ടുമൊരു നേർത്ത നോവായി ഇറങ്ങി ചെന്നുകൊണ്ടിരുന്നു. ശേഷം തല വേദനയെന്നും പറഞ്ഞവൾ ഓഫീസിൽ നിന്നു തിരിച്ചു വീട്ടിലെത്തിയ ശേഷം വൈഗ ഭാമയെ കണ്ടതും ഉള്ളിലെ നോവ് മറച്ചു കൊണ്ട് ഭാമ അമ്മയോട് ചിരിക്കാനായി ശ്രമിച്ചു.

“വേണ്ടമ്മേ!. എനിക്കിനി ആരും വേണ്ട…അമ്മയെ വിഷമിപ്പിച്ചു എനിക്ക് ഒന്നും നേടേണ്ട…അമ്മ ശരത്തിനോട് പറഞ്ഞോളൂ വിവാഹത്തിന് സമ്മതമാണെന്ന്, അമ്മയുടെ ഇഷ്ടത്തിനല്ലേ ഞാനിതുവരെ നിന്നിട്ടുള്ളൂ…ഇതും അതുപോലെ തന്നെ മതി!” വിറയ്ക്കുന്ന ശബ്ദത്തോടെ വൈഗയെ പുണർന്നുകൊണ്ട് ഭാമ പറഞ്ഞൊപ്പിച്ചു. ഭാമയുടെ കവിളിൽ നിന്നും കണ്ണുനീർപൂക്കൾ കൊഴിഞ്ഞു വൈഗയുടെ തോളിലും എത്തിയിരിന്നു.

മഹേഷ് തന്നെ ചതിച്ചതു കൊണ്ട് ആൺ വർഗത്തിലുള്ള ആരെയും വിശ്വസിക്കാൻ വൈഗയ്ക്ക് കഴിയുമായിരുന്നില്ല. ശേഷം ഇരുവർക്കും സ്നേഹിക്കാനും സ്നേഹിക്കപ്പെടാനും ഭാമ മാത്രമേ ഇനിയുള്ളു എന്ന തിരിച്ചറിവിൽ നിന്നാണ് ജീവിതം രണ്ടാമതും കെട്ടിപ്പടുത്തതും. പക്ഷെ ഇന്നിപ്പോ പ്രണയത്തിനു വിട്ടുകൊടുക്കലിന്റെ മഹത്വം കൂടെയുണ്ടെന്ന് ഭാമ തെളിയിച്ചു കഴിഞ്ഞു. സത്യത്തിൽ അവരുടെ സ്നേഹത്തിനു മുന്നിൽ തോറ്റത് താൻ തന്നെയല്ലേ? എന്ന് വൈഗ സ്വയം ചോദിച്ചു. പക്ഷെ അജിത്, അവനു ആരാണുള്ളത്! വിവാഹത്തിന് വരുന്നവർ ചോദിക്കില്ലേ? മകളുടെ സ്നേഹംവും സന്തോഷവും മാത്രമേ തന്റെ പരിഗണനയിൽ ഉള്ളു എന്നവരോട് പറയാൻ മനസിനെ പാകപ്പെടുത്തിയെടുക്കണം എന്ന് സ്വയം പറഞ്ഞു.

തന്റെ മകൾ ഭാമ കൊച്ചിയിൽ തന്നെ TCS ഇൽ HR മാനേജർ ആണ്. ജോലി കിട്ടിയിട്ട് 6 മാസം ആയിട്ടുള്ളു. അജിത്തും ഭാമയും കൂടെ ഒന്നിച്ചെടുത്ത തീരുമാനമായിരുന്നു വിവാഹം. അവനു ജോലി കനറാ ബാങ്കിൽ ക്ലാർക്ക് ആണ് എന്നാലും, തന്റെ