Chapter Title : വൈഷ്ണവം 13 [ഖല്‍ബിന്‍റെ പോരാളി][Climax]

ഡാ.... നിനക്ക് മന്ത്രി രാഘവനെ അറിയില്ല.... ഒരു മന്ത്രിയെ തോട്ട നിന്നെ പോലീസ് വെറുതെ വെക്കില്ല.... ശേഖരാ പോലിസിനെ വിളിക്കടാ.... രാഘവന്‍ നിലത്ത് കിടന്ന് അലറി.... അതുകേട്ട് ശേഖരന്‍ ഫോണ്‍ ഓണാക്കാന്‍ തുനിഞ്ഞതും കണ്ണന്‍ അനിരുദ്ധിനെ വിട്ട് രാഘവനടുത്തേക്ക് നടന്നു. കുടെ ശേഖരനെ നോക്കി പറഞ്ഞു.. വേണ്ട ശേഖരാ.... നീ വിളിച്ച് ബുദ്ധിമുട്ടെണ്ട.... പോലിസിനെ ഞാന്‍ തന്നെ വിളിച്ചിട്ടുണ്ട്.... എനിക്ക് വേണ്ടിയല്ല അവര്‍ വരുന്നത്.... ഇവന് വേണ്ടിയാ.... രാഘവനെ ചുണ്ടി കണ്ണന്‍ പറഞ്ഞു..... കണ്ണന്‍ പിന്നെ രാഘവനെ നോക്കി..... മന്ത്രി രാഘവന്‍.... ത്ഫൂ..... പേരിന് മുന്നില്‍ നെറ്റിപട്ടം പോലെ നീ കൊണ്ടുനടന്ന ആ മന്ത്രിസ്ഥാനം ഉണ്ടല്ലോ.... അത് കുറച്ച് മുമ്പ് നിനക്ക് നഷ്ടപ്പെട്ടു രാഘവാ..... കണ്ണന്‍ ഒന്നു പറഞ്ഞു നിര്‍ത്തി. അത് കേട്ട് രാഘവന്‍ ഒന്ന് ഞെട്ടി. കണ്ണന്‍ തുടര്‍ന്നു.... ആറുകൊല്ലം മുമ്പ് നീയെന്‍റെ അച്ഛന്‍റെ കാലുപിടിച്ച് തടഞ്ഞുവെച്ച പഴയ കുംഭകോണം കേസിന്‍റെ ഫയല്‍ നിനക്ക് ഓര്‍മ്മയുണ്ടോ..... നീയെന്താ വിചാരിച്ചേ ഒരു വാടകകൊലയാളിയെ വെച്ച് എന്‍റെ അച്ഛനെയും അമ്മയെയും അങ്ങ് തട്ടിയാല്‍ ആ തെളിവ് അങ്ങ് നശിച്ചുപോകുമെന്നോ..... ഓടി വരുന്ന വാനില്‍ നിന്ന് നിന്‍റെ പുന്നാര മോന്‍റെ മുഖം എനിക്ക് കണ്ടെടുക്കാമെങ്കില്‍ നിര്‍ത്തിയിട്ട കാറിലേക്ക് ലോറി ഇടിച്ച് കേറ്റി ഡ്രൈവിംങ് സീറ്റില്‍ നിന്ന് ഇറങ്ങി ഓടിയ ഗുണ്ട വാസുവിനെ ഞാന്‍ കണ്ടിട്ടുണ്ടാവില്ലേ....

എല്ലാം കഴിഞ്ഞ് ഞാന്‍ അവനെ കണ്ടെത്തി ഒന്നു കുടഞ്ഞപ്പോ തത്ത പറയും പോലെ അവന്‍ പറഞ്ഞെടാ നിന്‍റെ ഈ തൊലിഞ്ഞ പേര്.... പിന്നെ നിന്നെക്കാള്‍ വലിയ ഫ്രോഡില്ല എന്നറിയാവുന്ന വാസു നിന്‍റെ ഫോണ്‍കോളുകളെല്ലാം റിക്കോര്‍ഡ് ചെയ്തിരുന്നു. ഇന്ന് അതും നിനക്കെതിരെയുള്ള തെളിവാണ് രാഘവാ..... എല്ലാം കേട്ടിരുന്ന രാഘവന്‍റെ മുഖത്ത് നിന്ന് ദേഷ്യഭാവം മറഞ്ഞുപോയിരുന്നു. അയാള്‍ കണ്ണുമിഴിച്ച് കണ്ണനെ നോക്കി..... കണ്ണന്‍ വീണ്ടും അയാള്‍ക്ക് നേരെ പറഞ്ഞു തുടങ്ങി..... വെറുമൊരു കുംഭകോണത്തിലോ കൊലകുറ്റത്തിലോ തീരുന്നതല്ല നിനക്കൊതിരെയുള്ള കേസ്.... ഇന്‍വസ്റ്റികേറ്റീവ് ജേണലിസ്റ്റ് ഗോവര്‍ദ്ധനെ ഓര്‍മ്മയുണ്ടോ രാഘവാ നിനക്ക്.... ആ പേര് കേട്ടതും രാഘവന്‍റെ കണ്ണ് പേടിയോടെ വികസിച്ചു..... നീ വാസുവിന് ആ കോട്ടേഷന്‍ നല്‍കുമ്പോള്‍ വാസു എന്‍റെ കുടെയായിരുന്നു.