Chapter Title : വണ്ടിപ്രാന്തൻ [Vethalam]

അഞ്ചു സെന്റ് സ്ഥലവും വാങ്ങി അതിലൊരു വീടും പണിതു ഒരു കല്യാണം കഴിച്ചു

പൊന്നും കുടം പോലെ ഒരു മോളുണ്ടായി ഒന്നര വയസ്സായി അവൾക്കിപ്പോ ആ കുഞ്ഞി പല്ലു കാട്ടിയുള്ള ചിരിയും കളിയും കാണാനുള്ള കൊതി കൊണ്ട് ഒരാഴ്ചയിൽ കൂടുതൽ താമസം വരുന്ന ലോഡ് ഒന്നുമിപ്പോ എടുക്കാറുമില്ല

അത് കൊണ്ട് ഉള്ള നേരത്തെ വീട്ടിലെത്താനാണ് തിടുക്കം

ഇന്നിപ്പോ സേലത്ത്‌ നിന്നു സിമെന്റ് ലോഡ് കൊണ്ടാണ് വരുന്നത്

ലോഡ് കേറ്റി കിട്ടാൻ താമസിച്ചത് കൊണ്ട് രണ്ടു ദിവസം വെറുതെ പോയി രാത്രി വൈകിയാണ് ലോഡ് കേറ്റി കിട്ടിയത് പിന്നെ പടുത വലിച്ചു കെട്ടി അപ്പൊ തന്നെ തിരിച്ചു

നേരം വെളുത്തു വരുന്നേയുള്ളു ചെക്ക് പോസ്റ്റ് കഴിഞ്ഞാ ഒരു പിള്ളേച്ചന്റെ ചായക്കടയുണ്ട് അവിടെ കയറി ഒരു ചായ കുടി പതിവാണ് ഒരു ചായ കൂട്ടത്തിൽ ഒരു സിഗരറ്റ് പോരാൻ നേരം അരിഞ്ഞു കൂട്ടിയ വടക്കൻ പുകയില ചേർത്ത് രണ്ട് മൂന്നു മുറുക്കാൻ കൂടി വാങ്ങി ഒന്ന് അപ്പൊ തന്നെ ചവച്ചു വണ്ടിയിലോട്ടു കേറിയാ പിന്നെ അടുത്ത ബസ് സ്റ്റാൻഡ് ആണ് ലക്‌ഷ്യം അവിടെ ഒതുക്കി നിർത്തി പ്രഭാത കൃത്യങ്ങൾ ഒക്കെ കഴിഞ്ഞു വണ്ടിയെടുത്താ പിന്നെ ഗോഡൗണിൽ എത്തണം വണ്ടി നിർത്താൻ

പക്ഷെ ഇന്നെന്ത് പറ്റി എന്നറിയില്ല പിള്ളേച്ചൻ കട തുറന്നിട്ടില്ല സാധാരണ മൂന്നു മണിക്ക് വന്നാലും കട തുറന്നിട്ടുണ്ടാവും ഇതിപ്പോ ആറു മണി ആകുന്നു

ശരി ഇന്ന് വേറെ ഏതേലും കട നോക്കാം.ഞാൻ അടുത്ത ഗിയർ കൊടുത്തു വണ്ടി ഒരു മുരൾച്ചയോടെ മുന്നോട്ട് പാഞ്ഞു

കുറെ ദൂരം ചെന്നപ്പോൾ റോഡിൽ പല പല യൂണിയന്റെ കൊടികളുമായി കുറെ പേര് റോഡിന് നടുവിൽ നിൽക്കുന്നു

ഒരുത്തൻ ഒരു കൊടിയുമായി വണ്ടിക്ക് മുന്നിലേക്ക് ചാടി

എങ്ങോട്ടാടാ ഇന്ന് പണിമുടക്കാന്നറിഞ്ഞു കൂടെടാ ഒതുക്കെടാ അങ്ങോട്ട് അവൻ അലറി

ഞാൻ വണ്ടി ഒതുക്കി നിർത്തി

അവൻ കയ്യിലിരുന്ന കൊടി ലോറിയുടെ മുൻപിൽ ചാരി നിർത്തി

ദൈവത്തിന്റെ സ്വന്തം നാട്

പണിയെടുക്കന്നവന്റെ പണി മുടക്കി പണിയെടുക്കാതെ ജീവിക്കുന്ന കുറെയെണ്ണങ്ങൾ ഈ നാട്ടിൽ മാത്രമേയുള്ളു

ഹാൻഡ് ബ്രേക്ക് വലിച്ചിട്ട് വണ്ടി ഓഫ് ചെയ്യാതെ ഞാൻ ഡ്രൈവിംഗ് സീറ്റിൽ നിന്നും താഴോട്ടിറങ്ങി

സർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ 48 മണിക്കൂർ പണി മുടക്കുന്നു ഒരാളുടെ കയ്യിലിരുന്ന ബോർഡ് ഞാൻ കണ്ടു

ഇതെപ്പോഴാ ആശാനേ പണി മുടക്ക് തുടങ്ങിയെ?

നീയീ നാട്ടുകാരൻ ഒന്നുമല്ലേടാ ഇന്നലെ അർദ്ധ