Chapter Title : വരുണിന്റെ പ്രയാണങ്ങൾ 2 [Baadal]

പോകുന്ന വഴിയിൽ വെച്ചുതന്നെ അവൻ തന്നെ അമ്മ പോകുന്ന ബസ് കണ്ടു. ബസ് സ്റ്റാൻഡിലേക്ക് കയറിപ്പോയി. സ്റ്റാൻഡിൽ നിന്നും തന്റെ അമ്മ ഇറങ്ങി വരുന്നതും ഒരു ഓട്ടോയിൽ കയറി പോന്നതും അവൻ കണ്ടു. പക്ഷേ ആ ഓട്ടോ പോയത് മകരത്തിലെ പ്രശസ്തമായ ഒരു ആശുപത്രിയിലേക്കാണ്. ഇത് എന്തിനാണാവോ തന്റെ അമ്മ ആശുപത്രിയിൽ പോകുന്നത് എന്ന സംശയത്തിൽ അവനും ആശുപത്രിയുടെ കോമ്പൗണ്ടിലേക്ക് വണ്ടി ഓടിച്ചു കയറ്റി... വണ്ടി പാർക്ക് ചെയ്തു വച്ച് ഇത് എങ്ങോട്ടാണ് പോയത് എന്നറിയാൻ തിരക്കിട്ട് ആശുപത്രിയിലേക്ക് നടക്കാൻ ഒരുങ്ങുമ്പോഴാണ് അവൻ ധൃതിയിൽ പാർക്കിംഗിലേക്ക് നടന്നു വരുന്ന അമ്മയെ കണ്ടത്. വേഗം അവൻ അവിടെ പാർക്ക് ചെയ്തിരുന്ന രണ്ടു കാറുകൾക്ക് ഇടയിലേക്ക് ഒതുങ്ങി നിന്നു. അപ്പോഴാണ് അമ്മച്ചി അടുത്തേക്ക് വളരെ ഷോ ലൈറ്റുകൾ എല്ലാം പിടിപ്പിച്ച ഒരു ഇന്നോവ വന്നു നിന്നത്. പെട്ടെന്നു തിരിഞ്ഞു അങ്ങോട്ടുമിങ്ങോട്ടും നോക്കിയിട്ട് ഗീത ആ കാറിന്റെ പിൻ സീറ്റിലേക്ക് കയറിയിരുന്നു. വേഗം അത് അവിടെ നിന്നും ഓടിച്ചുപോയി. വരുണിന് പരിചയമുള്ള വണ്ടി ആയിരുന്നു അത്. അച്ഛന്റെ കൂട്ടുകാരനും നഗരത്തിലെ അറിയപ്പെടുന്ന കോൺട്രാക്ടറും സ്ഥല കച്ചവടക്കാരനും ഓക്കേ ആയ അച്ചായൻ എന്നു വിളിക്കുന്ന തോമസ് ബാസ്റ്റിന്റെ വണ്ടി. ആ വണ്ടിയിൽ അയാൾ തങ്ങളുടെ വീട്ടിൽ ചിലപ്പോഴൊക്കെ വരാറുണ്ട്. വരുമ്പോഴൊക്കെ അയാൾ വരുണിനോടും ഗീതയോടും ഒക്കെ വിശേഷങ്ങൾ തിരക്കാറുണ്ട്. തികച്ചും ഫോർമൽ... പ്രഭാക്കാരന് അയാളെക്കുറിച്ച് നല്ല മതിപ്പാണ്. അഴിമതിക്കാരനൊന്നും അല്ല... പക്ഷെ അത്യാവശ്യം വേണമെങ്കിൽ ഗുണ്ടായിസവും കയ്യിലുണ്ട്.... ഒരു പിസി ജോർജ് ലയിൻ...
ഒരു നിമിഷം ഷോക്കടിച്ചു നിന്ന വരുൺ മനസ്സാന്നിധ്യം വീണ്ടെടുത്തു.